Փաստ ինֆո

ՀՀ ԶՈՒ տեղեկատվության տիրապետող զինվորականներից մեկը կոնկրետ հայտարարություն արեց առ այն, որ պատերազմի առաջին օրերին Ձեր ուղղակի հրամանով կասեցվել է զորքերի լրահամալրումը՝ փաստացի պրոֆեսիոնալ բանակը մասնատելով ջոկատների։ Այս մասին ԱԺ-ում կառավարության հետ հարցուպատասխանի ընթացքում ասաց ԱԺ «Բարգավաճ Հայաստան» խմբակցության պատգամավոր Շաքե Իսայանը ։

Բացի դա՝ Իսայանը նշեց, որ, որքանով էլ Փաշինյանը պնդում է, որ Սյունիքում անվտանգությունն ապահովված է, անորոշությունն ահռելի է, մասնավորապես, այցերի ընթացքում պարզվել է, որ Սյունիքի բարձրավանդակի հատվածում հայկական կողմի համար կա անվտանգային լրջագույն խնդիր, որի մասին 3 մլն վարչապետներին դեռ չի իրազեկվել։

«Հավանաբար Ձեր բանավոր պայմանավորվածություններով կատարվող GPS դեմարկացիայով ադրբեջանցիները մի քանի կարևորագույն բարձունք համարում են իրենցը, որը գտնվում է Ծղուկ լեռան վրա։ Բացի այդ՝ ստեղծվել է իրավիճակ, որ Քարվաճառի հարավային հատվածից մինչև Նախիջևան ընկած տարածքը դարձել է 32 կմ և փաստացի այնտեղ համայնքներ չկան, բնակեցված չէ և այսուհետ մշտապես լինելու է ռեալ վտանգ՝ Սյունիքը տվյալ կետում Հայաստանից կտրելու համար։ Երբ այդ տեղորոշված բարձունքները GPS-ով հանձնեք, փաստացի ստացվելու է իրավիճակ, որ դեպի Սյունիք մտնող միջպետական մայրուղին լինելու է ադրբեջանցիների կողմից վերահսկելի։ Օրինակ՝ այս հանգամանքը հաշվի առնելով եք ասում, որ Սյունիքն անվտանգ է, թե ոչ »,- նշեց Իսայանը։

ՀՀ փոխվարչապետ Տիգրան Ավինյանն էլ , անդրադառնալով Սյունիքի վերաբերյալ հարցին, նշեց, որ սահմանապահ զորքերի տեղակայման համար պետք է ընտրվի որևէ մեխանիզմ և այն պետք է լինի նույնական։ Նրա խոսքով՝ մեխանիզմն ընտրվել է 1975-76թթ ռազմական քարտեզը՝ 50.000 մասշտաբով, որը գրեթե նույնական է Նիկոլ Փաշինյանի կողմից մատնանշված 2010թ օրենքի սահմաններին, դեմարկացիան և դիլիմիտացիան այլ քննարկման առարկա են և օրակարգում լինելու է։ Ինչ վերաբերում է GPS համակարգով սահմանազատմանը, Ավինյանը նշեց, որ դա ընդամենը համակարգ է, որը ցույց է տալիս, թե որտեղ ես դու գտնվում՝ քարտեզի վրա և արդեն իսկ ընտրված մեխանիզմի՝ տեղակայվում են սահմանապահ զորքերը կամ ԶՈՒ ստորաբաժանումները։ Ավինյանը վստահեցրեց, որ չկան խնդիրներ՝ Սյունիքը միացնող հատվածի անվտանգության հետ կապված։

Իսայանն էլ արձագանքեց, որ որքանով տեղյակ է համայնքապետերը՝ ՊՆ-ի և ԳՇ պետի հետ առնվազն այդ հատվածի հետ կապված այժմ քննարկումներ են իրականացվում և, եթե GPS-ով հանձնված բարձունքները տեղորոշելուց հետո մայրուղին լինելու է անմիջապես ադրբեջանցիների վերահսկողության ներքո՝ դրանից հետո պնդում ենք՝ ճանապարհն անվտանգ է, թե ոչ։

«Երբ խոսում ենք Սյունիքի անվտանգության մասին։ Օրինակ՝ Դուք, այցելել եք Շուռնուխ։ Տնակում ապրող շուռնուխցի կինը պատմում է, որ մութն ընկնելուն պես երեխաներին ներս են կանչում, դուռը փակում և Աստված մի արասցե՝ դուռը թակեն, որովհետև իրենք երեխաներին գրկում են և լուռ սպասում։ Հիմա՝ Սյունքնին անվտա՞նգ է, թե ոչ»,- նշեց Իսայանը։

Մանրամասները՝ տեսանյութում։

Աղբյուր` Փաստինֆո