Փաստ ինֆո

Ավստրիայի կառավարությունը COVID-19 կորոնավիրուսի նոր շտամների տարածումը թույլ չտալու նպատակով որոշում է ընդունել հետաձգել արդեն երրորդ «լոքդաուն» - ի ավարտի ժամկետը, որը սահմանվել է դեկտեմբերի 26-ին, հունվարի 24-ից մինչեւ փետրվարի 7-ը, հայտարարել Է Ավստրիայի կանցլեր Սեբաստիան Կուրցը:

Associated Press գործակալությունը նշում է, որ Կուրցի խոսքերով՝ հաջորդ յոթ օրվա ընթացքում անհրաժեշտ է հասնել հիվանդացության մակարդակի նվազեցմանը՝ առնվազն մինչեւ 50 դեպք՝ 100 հազար մարդու հաշվով. այժմ այդ ցուցանիշը կազմում է 131:

Կուրցը նշել է, որ Ավստրիան ցանկանում է խուսափել նոր CAVID-19 շտամների արագ տարածման իրավիճաից, որը նկատվում է Բրիտանիայում եւ Իռլանդիայում:

Կանցլերի խոսքով՝ Ավստրիայում առաջին հերթին պետք է բացվեն դպրոցները, թանգարանները, խանութները, որոնք վաճառում են ոչ առաջին անհրաժեշտության ապրանքներ, եւ այնպիսի հաստատություններ, ինչպիսիք են վարսավիրանոցը: Սակայն հյուրանոցներն ու հասարակական սննդի ձեռնարկությունները ստիպված կլինեն ավելի երկար սպասել. համապատասխան որոշումները կընդունվեն փետրվարի կեսերին, հավելել է Կուրցը:

Worldometers վիճակագրական կայքի տվյալներով՝ Ավստրիայում գրանցվել է վարակման ավելի քան 393,7 հազար դեպք, մահացել է ավելի քան 7 հազար վարակակիր: Ապաքինվել է ավելի քան 369 հազար հիվանդ։

Աղբյուր` Փաստինֆո