Փաստ ինֆո

Հանրապետության երեք մարզերում հավաքագրվել են համայնքային ոստիկաններին, անչափահասներին տեսուչներին ու առանց նախապատրաստության ուղարկել Արցախ` նախապես չտեղեկացնելով, որ նրանք առաջնագիծ են մեկնելու: Այս մասին այսօրվա ուղիղ եթերում հայտարարել է «ՎԵՏՕ» հասարակական-քաղաքական շարժման ղեկավար Նարեկ Մալյանը։

«Հոկտեմբերի 3-ին ոստիկանության 3 ռեգիոնալ վարչություններում տեղի է ունեցել խորհրդակցություն, որտեղ պարտադիրության սկզբունքով հավաքագրում են ոստիկանների, որոնք ըստ պաշտոնապես հայտարարված նպատակի, պետք է Արցախում կամավորական աշխատանքներ իրականացնեին և հասարակական կարգը պահպանեին»,- ասել է Նարեկ Մալյանը` այսօր ֆեյսբուքյան ուղիղ եթեի ժամանակ։

Նրա փոխանցմամբ` հավաքագրվել են մասնավորապես Տավուշի, Լոռու, Շիրակի մարզային վարչությունների համայնքային ոստիկաններն կամ անչափահասների տեսուչները: «Այսինքն՝ դավաճան իշխանությունների հրահանգով հավաքագրել են մարդիկ, որոնք ընդհանրապես որևէ կերպով չեն տիրապետել ռազմարվեստին, առանց որևէ նախապատրաստության նրանց տանել են Արցախ», - ասել է Ն. Մալյանն ու ավելացրել. «Նրանց խաբել են, լցրել ավտոբուսները, թե տանում են կամավորական աշխատանքներ իրականացնելու։ Հոկտեմբերի 4-ին ավտոբուսները հասել Շուշի, որտեղ նրանց տեղեկացրել են, որ տեղաբաշխում է լինելու և իրենց ուղարկելու են առաջնագիծ»:

Նրա կարծիքով, Արցախի նախագահ Արայիկ Հարությունյանը, ընդհանրապես Արցախի ղեկավարությունը հստակ իմացել է, որ Շուշիի մշակույթի տունը թշնամու թիրախավորման օբյեկտներից է և ՝ ոստիկաններին հավաքել են այդտեղ՝ իբր խորհրդակցություն անելու։

«Դրանից անմիջապես հետո սկսվել է հրետակոծումը։ «Լորա» հրթիռով ուղիղ նշանառությամբ խփում են մշակույթի տանը, տանիքը ծակում է, մտնում ներս, որտեղ 200-ից ավելի ոստիկաններ են եղել։ Տեղում մահանում է 21 ոստիկան, հետագայում ևս մեկը մահանում է հիվանդանոցում, անհետ կորում է ոստիկանության Ամասիայի պետ Արմեն Ղազարյանը, 100-ից ավելի վիրավոր է լինում»,- ասաց Մալյանը։

Մանրամասները՝ տեսանյութում։

Աղբյուր` Փաստինֆո