Փաստ ինֆո

Ադրբեջանցիները նոր տեսանյութ են շրջանառության մեջ դրել՝ Սևանա լճի ափամերձ հատվածից հերթական տեսանյութն է հրապարակել: Տեսանյութն արվել է Վարդենիսի շրջանի մերձակայքից: 

Նշենք, որ առաջին տեսանյութը հրապարակվել էր երեկ, որտեղ ադրբեջանական կողմի զինուժից մի քանի տասնյակ զինծառայողներ Սևանի ավազանից մոտ 100 մետր հեռավորության վրա կանգնեցրել են Ադրբեջանի դրոշը և տեղում խրախճանք կազմակերպել։

Գեղարքունիքի մարզպետն ու Վարդենիսի համայնքապետը հայտարարել էին, թե նման տեղեկություն չունեն։ «Ես հերքում եմ, նման բան չի կարող լինել, համենայն դեպս ես նման տեղեկություն չունեմ»,- «Փաստինֆո»-ին ասել էր մարզպետը։ Վարդենիսի համայնքապետ Արամ Մելքոնյանը եւս նշել էր, որ նման տեղեկություն չունի։

Ավելի ուշ «Տեղեկատվության ստուգման կենտրոնը» հայտարարել էր , թե տեսանյութի նկարահանման վայրը Հայաստանի Հանրապետության տարածքից դուրս է։ «Տեսանյութն արվել է Ալ լճի մոտակայքում (39°59'49.85 45°41'30.23), ինչը Սևանից ուղիղ գծով մոտ 20 կիլոմետր հեռավորության վրա է գտնվում»,- նշել էր կենտրոնը։ Մինչդեռ ադրբեջանցիների կողմից այսօր շրջանառության մեջ դրված տեսանյութի համաձայն՝ նրանք գտնվում են ընդամենը մի քանի հարյուր մետր հեռավորության վրա, քանի որ լիճը տեսանելի է։ Տեսանյութում ադրբեջանցիները հայտարարում են, թե շուտով Սևանը իրենցն է լինելու:

Հիշեցնենք, որ պատերազմի ընթացքում հայկական կողմը հորդորում էր քաղաքացիներին հետեւել միայն պաշտոնական լրահոսին՝ ներկայացնելով այն իբրեւ հավաստի, մինչդեռ նոյեմբերի 9-ին հայտնի դարձավ, որ ամբողջ պատերազմի ընթացքում պաշտոնապես տարածել է կեղծ տեղեկատվություն՝ ռազմի դաշտում իրական վիճակի վերաբերյալ։ Ակնկալում ենք, որ կառավարությունը ոչ թե ինչ-որ հարթակների միջոցով, այլ պաշտոնական հայտարարությամբ կներկայացնի, թե իրականում ինչ է տեղի ունենում Սեւանա լճի շուրջ։

Աղբյուր` Փաստինֆո