Փաստ ինֆո

Նիկոլ Փաշինյանի գործողությունները վկայում են, որ հրաժարականի հարց նրա օրակարգում կա, իսկ թե ինչ տարբերակով, ինչ ճանապարհով՝ երևի դեռևս որոշում չունի։ Այս մասին «Փաստինֆո»-ի հետ զրույցում ասաց «Հայրենիք» կուսակցության անդամ Արսեն Բաբայանը՝ ավելացնելով, որ Նիկոլ Փաշինյանը շատ լավ գիտակցում և հասկանում է, որ պետք է գնա և որքան շուտ, այնքան՝ լավ իր համար։

Անդրադառնալով ի աջակցություն Փաշինյանի՝ կառավարության դիմաց իրականացվող ակցիային՝ Բաբայանը նկատեց, որ անգամ հավաքվածների մի մասը, որոնք ներկայանում են որպես Արցախյան պատերազմի մասնակից, չգիտեն, որ Քարվաճառը և Ջաբրայիլը տարբեր վայրերում են։

«Այդ մարդիկ կեղծ կամավորականները ցույց են տալիս, որ աջակցում են Փաշինյանին, մինչդեռ՝ բոլորս էլ գիտենք, թե ովքեր են նրանք, որտեղ են բուծվում, որտեղ են նրանց հագցնում և ուղարկում Հրապարակ»,- նշել է Ա.Բաբայանը՝ համոզմունք հայտնելով, որ չկա մի ողջամիտ մարդ, ողջամիտ կառույց, որ կարող է ասել, թե Փաշինյանը չպետք է գնա։

Հարցին՝ արդյոք ԱԺ-ն կգնա Փաշինյանին անվստահություն հայտնելու քայլին՝ Բաբայանը պատասխանեց. «Դա ժողովրդի պահանջն է։ ԱԺ-ն և առհասարակ որևէ մեկը չի կարող դիմադրել ժողովրդին, չի կարող դեմ գնալ ժողովրդի պահանջին, նման բան չի եղել, ով էլ փորձել է, շատ վատ ճակատագրի է արժանացել»։

Մանրամասները՝ տեսանյութում։

Աղբյուր` Փաստինֆո