Փաստ ինֆո

Անհետ կորած զինծառայողների հարազատները բողոքի ակցիա են անում Էջմիածնի զորամասի դիմաց: Ծնողները նշում են, արդեն շուրջ 50 օր է  տեղեկություն չունեն իրենց երեխաներից: 

«Ոչ մեկին հետաքրքիր չի զինվորների ճակատագիրը, տանելուց խաբեցին տարան, բայց բերելուց ոչ մեկին հետաքրքիր չեն: Չէ՞ որ մենք ձեզ ենք տվել մեր երեխեքին, հիմա էլ դուք պատասխան տվեք: Բանակ չգնացողին 15 տարի դատում են, բա գնացողի ճակատագիրն ի՞նչ եղավ: Պատերազմի ժամանակ դիմացից թուրքն է խփել, հետևից հայը, բենզինը լցրեք վառեք, ես այդքան բան կարող եմ ասել մեր կառավարությանը, մենք կառավարություն չունենք»,-ասաց անհետ կորած զինծառայողներից մեկի մայրը:

Ծնողներից մեկն էլ պահանջեց, որ 15 րոպեից իրենց հետ հանդիպելու գան գեներալներ Անդրանիկ Մակարյանը, Վարդան Նշանյանը և ԳՇ պետ Օնիկ Գասպարյանը.
«Եթե չեկան, անելու ենք այն, ինչը պետք է անենք»,-ասաց նա:

Անհետ կորած զինծառայողների ծնողները որոշեցին գնալ պաշտպանության նախարարություն, որտեղ, ինչպես իրենք ասացին, հանդիպելու են մի շարք գեներալների հետ, իսկ եթե ՊՆ-ում իրենց հետ ոչ ոք չհանդիպի, կրկին վերադառանլու են Էջմիածնի զորամաս և շարունակելու են ակցիան:

Աղբյուր` Փաստինֆո