Փաստ ինֆո

Ակնհայտ է, որ Նիկոլ Փաշինյանը գնալու է, անհնար է, որ Նիկոլը մնա իշխանության։ Այս մասին Կենտրոն հեռուստաընկերության «Իմպուլս» հաղորդաշարի ընթացքում ասել է «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը: 

«Եթե ինքը կայացներ հեռանալու որոշումը 10 օր առաջ՝ Վարդենիսում չէինք ունենա սահմանամերձ գոտի։ Հայաստանի անվտանգությունը չէր լինի վտանգված»,- ասել է նա՝ համոզմունք հայտնելով, որ , որ Դադիվանքը չէր լինի ադրբեջանցիների հսկողության տակ, գերեվարված զինվորները վերադարձված կլինեին Հայաստան։

Պատերազմից 3-4 օր հետո ԳՇ պետ Օնիկ Գասպարյանը զեկուցել է Փաշինյանին, որ մենք պատրաստ չենք դիմակայել թուրք-ադրբեջանական և միջազգային ահաբեկչական խմբավորումներին, մենք այս պատերազմը պարտվելու ենք և պետք է շուտ կանգնեցնել, սակայն Նիկոլ Փաշինյանը չկայացրեց այդ որոշումը: Այս մասին Կենտրոն հեռուստաընկերության «Իմպուլս» հաղորդաշարի ընթացքում ասել է «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը: 

Նա արձանագրում է, եթե Նիկոլ Փաշինյանը պատերազմի երրորդ օրը կանգնեցներ պատերազմը, մենք կունենայինք որոշակի կորցրած տարածքներ և գրեթե զոհեր չէինք ունենա: Արթուր Վանեցյանը հարցազրույցի ժամանակ հիշեցրեց նաև, որ ՌԴ նախագահը դեռևս հոկտեմբերի 19-ին Նիկոլ Փաշինյանին լուծում է առաջարկել, սակայն Փաշինյանը կրկին հրաժարվել է, ինչի արդյունքում մենք շարունակել ենք ունենալ զոհեր և կորցնել տարածքներ, քայքայված տնտեսություն։

«Մի քանի անգամ եղավ հրադադարի պայմանավորվածություններ, սակայն չկայացվեց որոշում և ունեցանք այն խայտառակ իրավիճակը, որը ստեղծվել է մեր երկրում: Նիկոլ Փաշինյանը որոշումներ կայացնել չի կարողանում, նա պետական գործչի ունակություններ չունի»,-հարցազրույցի ժամանակ ասել է Արթուր Վանեցյանը:

Աղբյուր` Փաստինֆո