Փաստ ինֆո

ՀՀ Արտաքին գործերի նախարար Արա Այվազյանը Ռուսաստանի Դաշնության ԱԳ նախարար Սերգեյ Լավրովին հրավիրել է այցելել Երևան: Այս մասին նախարարների հանդիպումից հետո լրագրողների հետ ճեպազրույցում ասաց Սերգեյ Լավրովը:

«Մենք ունեցանք շատ օգտակար ու ամբողջական առաջին կոնտակտը Հայաստանի նոր արտգործնախարարի հետ: Արա Այվազյանն ինձ հրավիրեց հերթական անգամ այցելել Երևան: Ես հաճույքով կժամանեմ: Ժամանակացույցի մասին կպայմանավորվենք հետագայում»,- ասաց Լավրովը:

Արա Այվազյանը Ռուսական կողմին շնորհակալություն հայտնեց ջերմ ընդունելության համար,նշեց, որ բանակցություններն անցան, ինչպես միշտ ջերմ, դաշնակցային և գործընկերային, ինչպիսիք են Մոսկվայի և Երևանի հարաբերությունները: Բանակցությունների թեման բազմազան էր՝ միջազգային և տարածաշրջանային։ Նախարարը նշել է, որ ռուս խաղաղապահների ներկայությունը հնարավորություն է կայունության համար։

«Կրակի դադարեցումը հնարավություն է ստեղծել քննարկելու խաղաղ գործընթացները Մինսկի խմբում։ Քննարկել ենք նաև մի շարք հարցեր՝ ուղղված հումանիտար հարցերին»։

Նախարարը մեկ անգամ էլ հաստատեց, առաջնային է գերիների փոխանակումը, պահվող անձնաց վերադարձը և դիերի փոխանակումը։

«Մենք բոլորը բոլորի հետ սկզբունքով համաձայն ենք կատարել փոխանակումը, հույս ունենք Ադրեջանը փորձ չի անի պրոցեսը կանգնեցնել։ Միևնույն ժամանակ Ադրբեջանի կողմից շարունակվում է անմարդկային վերաբերմունքը հայ ռազմագերիների և քաղաքացիական անձանց հանդեպ։ Մեր գերիների և պահվող անձանց հանդեպ դաժան վերաբերմունք են ցուցաբերել, գլխատել են ինչպես Իգիլը վարվել է գերիների հետ»,- ասաց նախարարը։

Վանդալիզմի են ենթարկվում նաև մեր հուշակոթողները, եկեղեցիները, նախարարը նշեց՝ հակահայկական նոր ալիք է սկսվել։ Թուրքիան յսօր էլ շարունակում է տարածաշրջանի համար վտանգավոր լինել։

«Թուրքիան՝ որպես Արցախի ժողովրդի դեմ ադրբեջանական ագրեսիայի գլխավոր հրահրիչ և ոգեշնչող այսօր էլ շարունակում է վարել տարածաշրջանի համար կործանարար քաղաքականություն: Դա պարտավորեցնում է միջազգային հանրությանը գործի դնել բոլոր հնարավոր լծակները` ստիպելու համար Թուրքիային զերծ մնալ ցանկացած գործողություններից, որոնք կարող են էլ ավելի սրել լարվածությունը: Թուրքիան պետք է դուրս բերի իր զինված ուժերի անձնակազմը և նրա հետ փոխկապակցված զինյալ ահաբեկչական խմբավորումները Լեռնային Ղարաբաղի հակամարտության գոտուց և ընդհանրապես Հարավային Կովկասից: Դեռևս չկան օտարերկրյա զինյալ ահաբեկիչների դուրսբերման հստակ ազդակներ: Ընդհակառակը՝ առկա են հավաստի տեղեկություններ այն մասին, որ Ադրբեջանը ծրագրում է ընդլայնել զինյալ ահաբեկիչների և վարձկանների տարածման աշխարհագրությունը և նրանցով վերաբնակեցնել Արցախի օկուպացված շրջանները»,- նշեց Արա Այվազյանը։

Աղբյուր` Փաստինֆո