Փաստ ինֆո

Երբ թշնամի երկրի ղեկավարը տեսնում է որ քո երկրի ղեկավարը խամաճիկ է և ունակ չէ որևէ բան ղեկավարելու, պատեհ առիթ է փնտրում իրագործելու ամբողջ ծրագիրը: Ասուլիսի ընթացքում նման տեսակետ հայտնեց «Սիսական» ջոկատի հրամանատար Աշոտ Մինասյան:

Հրամանատարի խոսքով՝ պատերազմը սկսվեց այն պատճառով, որ պաշտոնների նշանակվել էին մարդիկ, որոնք ունակ չէին ղեկավարելու համապատասխան ոլորտները.

«Երբ հրամանատարական կետերից հանում են վաստակած հրամանատարներին, գեներալիտետը, որ կռվել էր երկու պատերազմներում, հեռացվում է, և ասպարեզ են բերում մարդկանց, որոնք ունակ չէին պատերազմ վարելու կամ չգիտեին՝ իրենից ինչ է ներկայացնում պատերազմը, բնականաբար, պետք է պարտություն կրեինք»:

Աշոտ Մինասյանը նշում է, որ պատերազմի օրերին, երբ սկսվեց նահանջ, մեր բոլոր հեռուստաեթերներից հնչում էր՝ հաղթում ենք, հաղթել ենք, ինչը իշխանության քարոզներից մեկն էր .

«Երկրի գերագույն գլխավոր հրամանատարը պատերազմի օրերին հարբած վիճակում հրաման է արձակում՝ եթե կարողանաք գրավել Լելե Թեփեն, դրա համար կպարգևատրի հերոսի կոչումներով, իսկ գեներալիտետը ընդունում է դա որպես հրաման և անցնում է հարձակման, հասնում են Հորադիզի խաչմերուկ, և երբ զեկուզում են վարչապետին արդեն հասել են այդտեղ, մեկին շնորհում է գեներալի կոչում, երկուսին՝ հերոսի կոչում: Վարչապետի նպատակն էր հանրությանը ներկայացնել,որ դուք տվել եք Լելե Թեփեն, ես ազատագրել եմ:

Այս մեծամտությունը որը ձևավորվել էր գերագույն գլխավոր հրամատար կոչեցյալի մոտ, նույնը ձևավորվում է գեներալիտետի մոտ»,-պատմում է Աշոտ Մինասյանը:

Աղբյուր` Փաստինֆո