Փաստ ինֆո

«Մեր զինվորին իրավունք չունենք մենակ թողնելու։ Օր ու գիշեր պետք է մտածենք՝ նրանց օր առաջ կարողանանք էնտեղից բերենք։ Ամենածանր բանն այն է, երբ զինվորը կռվում է հերոսաբար ու իրեն հանկարծ մենակ են թողնում»,- այս մասին Շառլ Ազնավուրի անվան հրապարակում մտավորականների բողոքի ակցիայի ժամանակ ասաց դերասան Վարդան Պետրոսյանը։

Նշեց, որ սա քաղաքական հավաք չէ, բոլորը պարտավոր են աջակցելու, օգնելու զինվորների ընտանիքներին, ովքեր ծայրաստիճան ծանր վիճակում են գտնվում։
Ըստ դերասանի՝ պառակտում կա և դա վտանգավոր է, բայց մեղավոր փնտրելու համար մեծ վերլուծություններ են պետք։

«Պարտությունից հետո մեղավորներ են փնտրում։ Երկրորդ համաշխարհայինի ժամանակ բոլորը լուռ կանգնած լացում են, բայց կայսրը լացելով ներողություն էր խնդրում նրանցից պարտության համար։ Տարիներ անց Ճապոնիան դարձավ զարգացող երկրներից մեկը։ Պարտվել կարելի է և պետք է կարողնալ պարտվել ու իրար չմեղադրել

Հարցին, ով է պատասխանատուն՝ Պետրոսյանը պատասխանեց.

«Նման պարագաներում եկեք հեքիաթներ չպատմենք, առաջին պատասխանատուն իշխանությունն է, կազմակերպիչը։ Երբ մենք սկսում ենք իրար մեղադրել, եկեք դնենք մի կողմ։ Մեծագույն թշնամին, որ մենք ունենք՝ ներքին պառակտված միտքն է՝ ֆեյսբուքով համացանցով արտահայտնված։ Երբ մեկը կարծիք է հայտնում, սովետաշենի հաչող շների պես հարձակվում ու բզիկ բզիկ են անում։ Այս պարագայում մարդու միտքը սկսում է չաշխատել, վախենում է մի բան ասել»։

Դերասանն ասում է՝ ցավը երբեմն հասնում է այն աստիճանի, որ մենք ստիպված համախմբվում ենք։

«Այսպիսի կապիտուլյացիայից հետո, երբ տեսնում ես ինչում են իրար մեղադրում,ավելի վատի եմ ես սկսում սպասել։ Պետք է հասկանալ, որ պարտավել ենք ու պետք է ապրել՝ թեկուզ ծանր պայմաններում։ Ժողովուրդը աննկարագրելի ծանր պահեր է ապրել ու հաղթել»,- ասաց Վարդան Պետրոսյանը։

Աղբյուր` Փաստինֆո