Փաստ ինֆո

Հրապարակում վարչապետի հրաժարականի պահանջով հացադուլ հայտարարած ՍԴ նախկին անդամ Կիմ Բալայանը վստահեցնում է, որ հացադուլ հայտարարելու իր քայլը ծայրահեղ միջոց է։ Զարմացած է, թե իրավաբան կոլեգաներն ինչպես են հանդուրժում նման ապօրինությունները։ «Փաստինֆո»-ի հետ զրույցում Բալայանը դիմեց իշխանություններին.

«Իմ նպատակն է հասկացնել իրավապահ համակարգում բարձր պաշտոններ զբաղեցնող մարդկանց, որ եթե այսօր իրենց պարտականությունները չեն կատարում, վաղը ստիպված են լինելու իրենք պատասխան տան՝ անգործության համար»,- ասաց  Կիմ Բալայանը։

Ըստ ՍԴ նախկին անդամի, Նիկոլ Փաշինյանը համարում է, որ բոլոր բնագավառներում ինքը առաջատար մասնագետ է և ինքնուրույն որոշում պետք է կայացնի։ Կիմ Բալայանն ամեն օր հետևում է, ինչպես են անհետ կորածների ու զոհվածների հարազատները հավաքվում՝ իրենց որդիներից լուր իմանալու հույսով։

«Այդքան անկազմակերպվածություն ինչպես կարելի է ցուցաբերել։ Եթե դու ստորագրում էիր հայտարարագիրը, միջազգային պայմանագրերի բոլոր կանոնների խախտումով, այդ կետը ինչի՞ չէիր մտցնում՝ թե քանի օրվա ժամկետում դիակները և գերիները պետք է փոխանակվեն։ Ի՞նչն է պատճառը, որ չի մտցնում։ Համոզված եմ, ինքը որևէ մասնագետի հետ չի խորհրդակցում, ինքը մտածում է, որ ինքը ամենագետ է և ամենադավաճանական փաստաթղթի տակ դրել է ստորագրությունը»։

Կիմ Բալայանի կարծիքով՝ Փաշինյանի յուրաքանչյուր ժամ ավել մնալը մեծ վնաս է հասցնելու երկրին.

«Կոչ եմ անում, որ եթե չի գիտակցում, որ ինքնասպանություն պիտի գործեր փաստաթուղթը ստորագրելուց հետո, գոնե հիմա շուտ դուրս գա, որ հետագայում արժանապետիվ նոր ներկայացնող ու բանակցող լինի»։

Աղբյուր` Փաստինֆո