Փաստ ինֆո

Այս պահին քաղաքացիները հավաքվել են Ազգային ժողովի շենքի բակում, նրանք պահանջում են իշխանության հրաժարականը: Մասնակիցները նշում են, որ որևէ ակցիա չեն իրականացնելու, փողոց չեն փակելու:

«Քանի որ այսօր տեղի է ունենալու կառավարության հետ հարց ու պատասխան, մենք այստեղ ենք, որպեսզի կառավարության և իշխող քաղաքական ուժի ներկայացուցիչներին հիշեցնենք, որ իրենք դավաճան են, հանձնել են հողերը»,-«Փաստինֆո»-ի հետ զրույցում ասաց ակցիայի մասնակից Վիգեն Պապոյանը:

Ակցիայի մասնակիցները ուշադրություն հրավիրեցին նաև ԱԺ շենքի բակում հավաքված ոստիկանական խմբերին. «Եթե նրանք այսքան վախի մթնոլորտում են աշխատում, ի՞նչ իմաստ կա նրանց գործունեության»,-ասաց Վիգեն Պպապոյանը:

Նրա խոսքով՝«Իմ քայլի» պատգամավորների հետ խոսելը անիմաստ է, քանի որ նրանք ասում են մենք ճիշտ ենք և բանակցում ենք այն, ինչ ուզում ենք. «Կուզեմ նաև մեր հայրենակիցների ուշադրությունը հրավիրել այն հանգամանքի վրա, որ Շուշի քաղաքը հանձնվել է, Շուշիի հետ հանձնվել է նաև այնտեղ գտնվող թանգարանների նմուշները, ուստի պահանջում ենք, որ մեր կառավարությունը դիմի Ռուսաստանին, որպեսզի նրանց միջնորդությամբ մեր մշակութային հարստությունը վերադարձվի»,-նշեց ակցիայի մասնակից Վիգեն Պապոյանը:

Աղբյուր` Փաստինֆո