Փաստ ինֆո

Վարչապետի հանձնարարությամբ զինված ուժերի լրահամլրումը դադարեցվել էր: Այս մասին քիչ առաջ հայտարարել է գեներալ-գնդապետ Մովսես Հակոբյանը` նշելով, որ իր խոսքերը ապացուցող ձայնագրություններ կան:

«Մեր ԶՈՒ քանակը պատերազմի ժամանակ և խաղաղ պայմաններում տարբեր են և ԶՈՒ-երը պատերազմը վարում է ոչ թե առկա ուժերով և միջոցներով, այլև՝ լրահամալրում և զորահամալրում անելով», - պարզաբանեց գեներալը-գնդապետը:

Ըստ նրա` լրահամալրումն այսօր առկա զորամասերի թափուր պաշտոնների համալրումն է, որոնց համար ժամանակ պետք չէ ներդաշնակման, այսինքն՝ իրենք առաջին օրվանից գալիս են, կարող են մտնել պատերազմի մեջ։ Ավելին՝ ջոկում են նույնիսկ կրճատումներ եղել, պատերազմի ժամանակ մեր ջոկը եղել է 11, սարքվել՝ 9։

Նրա խոսքով՝ զինվորները կռվող են, դա միայն նրանից չէ, որ իրենք ջահել են, այլ նրանից է, որ իրենք պատրաստվում են դրան, ներդաշնակված են։

Իսկ զորահամալրումը ժամանակ է պահանջում, գումարտակները՝ մինչև հինգ օր ժամանակ է պետք, մինչև սովորեն, գնդերի համար՝ 7 օր։

«Մեր զորահավաքը չի կատարվել, դրա պատասխանատուն երկրի ղեկավարն է, ՊՆ նախարարը, զինվորական կոմիսարիատը և տարածքային կառավարման նախարարը, ոչ ԳՇ պետը։ Ամսի 30-ի դրությամբ՝ ԱՀ լրահամալրման պլանն իրականացրել է 78 տոկոսը, ՀՀ-ն՝ 52 տոկոսը։ Դա պետք է իրականացվեր 40 ժամվա ընթացքում, ես ասում եմ՝ հինգերորդ օրն է այդպես եղել»,- ասաց Հակոբյանը։

Ավելին՝ Մովսես Հակոբյանը հայտարարեց, որ երկրի ղեկավարը կանգնեցրել է լրահամալրումը, ինչը բանակի գործընթացներից ամենաբարդն է, որի համար պետության ջանքերն է պահանջվում։ Նրա խոսքով՝ եթե քաղաքական իշխանությանը մեղադրում ենք դրա համար, զինվորականներն ունեն որոշակի սխալներ, որոնց մի մասը օբյեկտիվ է, մի մասը՝ սուբյեկտիվ։ Հակոբյանը նշեց, որ օբյեկտիվն այն է, որ այնտեղ, որտեղ պետք է իրականացվեր լրահամալրում, հակառակորդի կողմից ենթարկվել է լուրջ հրետակոծման և ԱԹՍ-ները թույլ չեն տվել ամբողջությամբ բացազատել և կատարել, այստեղ պետք է հրամանատարները որոշում կայացնեին՝ փոխել կետերը և այլ կերպ համալրում իրականացնել։ Հակոբյանն ընդգծեց՝ պատերազմի երրորդ օրը վարչապետը հրաման է արձակել՝ կանգնեցնել լրահամալրումը և կամավորականներին ուղարկել առաջնագիծ։ Իսկ թե ինչ հիմնավորմամբ է նման որոշում կայացվել, Հակոբյանը նշեց՝ վարչապետի հրամանների հիմնավորումներն իրեն չեն զեկուցում։ Նրա խոսքով՝ դա չի կարող հերքվել, քանի որ պաշտոնատար անձինք, որոնք պատասխանատու են գործընթացի համար, գիտեն, որ գալու է ժամանակը և պետք է պատասխան տան գործառույթը չիրականացնելու համար, ձայնագրել են խոսակցությունը։

«Ի՞նչ ենք ունեցել մենք արդյունքում։ Ես առաջին օրվանից Արցախում էի, կամավորական ջոկատները գալիս են, փայլուն տղերք են, պետք է հարգենք, պատվենք, գալիս են այնտեղ, որևէ սպառազինություն, հանդերձանք չունեն, զորամասերում նրանց համար նախատեսված որևէ պառազինություն և հանդերձանք չկա։ Նախատեսված է միայն զորահավաքի լրահամալրման համար։ Գալիս են երկրի նախագահի մոտ՝ մենք կամավորական ենք, պատմում են իրենց հայրենասիրության մասին, նախագահն ուղղորդում է՝ Բանակի հրամանատարի մոտ, գնում են այդքան զբաղեցնում են բանակի հրամանատարին, պատմում են՝ ինչքան հայրենասեր են և ինչու են եկել։ Բանակի հրամանատարը պետք է մտածի որտեղից ինչ հանի, բերի իրենց սպառազինի, հագցնի և ուղարկի, ինչ-որ ձևով հարցը լուծում են»,- ասաց նա՝ հավելելով, որ ջոկատների մի մասին ասում են՝ պետք է գնան ինչ-որ տեղ, իրենք էլ ասում են՝ չէ, մենք այդտեղ չենք գնում, գնում ենք Ասկերանում կռվենք, Ասկերանում մեզ զորք պետք չի։

Բացի դա՝ մարդ, որը չունի կապի համակարգ գործող-կռվող անձնակազմի հետ, ներդաշնակված չէ, ինչպե՞ս նա պետք է կռվի և առաջին իսկ մարտի ժամանակ նրանց մի մասը կորովում է, մի մասը՝ խուճապահար թողնում փախչում: Արդյունքում միայն առաջին օրերին ունեցել ենք1500 անձ, որը փախուստի էր դիմել:

Աղբյուր` Փաստինֆո