Փաստ ինֆո

Քննարկման ընթացքում հետաքրքրական բացահայտումներ եղան,որովհետև այն փաստաթղթերը, որոնք ներկայացվել էին դատարան, դրանց բովանդակությունը չէին համապատասխանում առնվազն գոնե ԱԱԾ-ի հրապարակած ձայնագրությունների հետ։ Այս մասին լրագրողների հետ զրույցում ասաց Արթուր Վանեցյանի փաստաբան Լուսինե Սահակյանը։

«Դատախազը հայտարարեց, որ հասարակությանը ներկայացնելիս իրենք են որոշել և փաստորեն մոնտաժել են ձայնագրությունները։ Այսինքն՝ նա ընդունեց, որ ձայնագրությունները մոնտաժված են»,- նշեց փաստաբանը` ավելացնելով, որ Արթուր Վանեցյանի կասկածանքը նաև զայրույթ է առաջացնում այն իմաստով, որ կասկածանքի բովանդակության մեջ նշված է, որ այս պատերազմի հետևանքով Արցախի Հանրապետության վերահսկողության տակ գտնվող տարածքներն են հանձնվել Ադրբեջանի Հանրապետությանը:

«Այսինքն, վարույթն իրականացնող մարմինն ընդամենը համարում է, որ ԱՀ, մեր Արցախը, մեր հողերը գտնվում են Արցախի վերահսկողության տակ, դրա համար էլ այսպես դյուրին հանձնել են։ Սահակյանը նշեց, որ չի ներկայացվել որևէ ապացույց, որը կարող էր փաստել,որ Արթուր Վանեցյանը որևէ հանցագործության հետ որևէ առնչություն ունի։ Բարձրացվել է նաև թաքնվելու վտանգի հետ կապված հարց, որ չի կարող թաքնվելու ռիսկ լինել, որպես ձերբակալման նպատակ՝ նկատի ունենալով, որ Արթուր Վանեցյանն օրեր շարունակ հրավիրվել և ներկայացել է տարբեր քննչական մարմիններ, ավելին, երբ նույնիսկ խուզարկություններ է կատարվել իր, ծնողների բնակարաններում, Վանեցյանին հրավիրել են ԱԱԾ Քննչական դեպարտամենտ և ինքն է ներկայացել։ Նա ընդգծեց, որ Արթուր Վանեցյանի ձերբակալությունն ապօրինի է, ակնհայտ է, որ այն պետք է ճանաչվի ոչ իրավաչափ և նա պետք է ազատ արձակվի, հիմա մնում է միայն այն, որ դատարանն ընտրություն կայացնի», - ասաց փաստաբանը։

Աղբյուր` Փաստինֆո