Փաստ ինֆո

Ռուսաստանի և Թուրքիայի պաշտպանության նախարարներ Սերգեյ Շոյգուն և Հուլուսի Աքարը հուշագիր են ստորագրել Լեռնային Ղարաբաղում հրադադարի ռեժիմը վերահսկող համատեղ կենտրոն ստեղծելու մասին: Ըստ ՌԻԱ Նովոստիի, այս մասին տեղեկացնում է Ռուսաստանի ռազմական գերատեսչությունը:

Շոյգուն նշել է, որ Ռուսաստանի, Ադրբեջանի և Հայաստանի ղեկավարների ձեռք բերած պայմանավորվածությունները և ռուս խաղաղապահների ներդրումը հնարավորություն են տալիս դադարեցնել արյունահեղությունը և պայմաններ ստեղծել խաղաղ կյանքի վերադառնալու համար:

«Ռուս խաղաղապահների ներկայությունը կապահովի կայունություն ճգնաժամային շրջանում, կդադարեցնի փախստականների հոսքերը և կնպաստի նրանց վերադարձին իրենց բնակության վայրեր», - շեշտել է նախարարը:

Նա նշել է, որ «համատեղ դիտորդական կենտրոն ստեղծելու որոշումը թույլ կտա հուսալի վերահսկողություն իրականացնել կողմերի կողմից ռազմական գործողությունների դադարեցման նկատմամբ և ամուր հիմք կստեղծի երկարատև հակամարտության կարգավորման համար»:

Ասվում է նաև, որ Միասնական կենտրոնը տեղակայված կլինի Ադրբեջանի տարածքում`հրադադարի ռեժիմի պահպանման համատեքստում տեղեկատվություն հավաքելով, ամփոփելով և ստուգելով: Ռուսական ռազմական գերատեսչության տեղեկացմամբ՝ Կենտրոնը կդառնա մարմին, որը կքննարկի ցանկացած բողոք, հարց կամ մտավախություն, որոնք կապված են համաձայնագրերի խախտումների հետ:

Հավելենք, որ ռուս խաղաղապահները տեղակայվելով հակամարտության գոտում հիմնված կլինեն Կենտրոնական ռազմական օկրուգի խաղաղապահ 15-րդ մոտոհրաձգային բրիգադի ստորաբաժանումների վրա, ներառելեվ 1960 զինծառայող, 90 զրահամեքենա, 380 միավոր ավտոմեքենա և հատուկ տեխնիկա:

Ի դեպ, Բաքվում պայմանագիրը դիտարկվում է որպես Երևանի կապիտուլյացիան:

Աղբյուր` Փաստինֆո