Փաստ ինֆո

Այսօր ՌԴ ԶՈՒ ԳՇ օպերատիվ վարչության պետ, գեներալ-գնդապետ Սերգեյ Ռուդսկիի մասնակցությամբ տեղի է ունեցել ճեպազրույց: Ճեպազրույցը նվիրված էր Լեռնային Ղարաբաղում խաղաղապահ գործողությանը ռուս զինծառայողների մասնակցության հարցերին։

Ինչպես հայտնի է, 2020թ. նոյեմբերի 10-ին Ադրբեջանի Հանրապետության նախագահի, Հայաստանի Հանրապետության վարչապետի և Ռուսաստանի Դաշնության նախագահի պայմանավորվածությունների համաձայն Լեռնային Ղարաբաղի հակամարտության գոտում հրադադարի ռեժիմ է սահմանվել ։ Ներկայումս մարտական գործողությունները դադարեցվել են երկու կողմերի կողմից: Ադրբեջանի եւ Հայաստանի զինված ուժերի ստորաբաժանումները կանգնեցվել են զբաղեցրած սահմանների վրա:

Կրակի դադարեցման եւ մարտական գործողությունների վերաբերյալ պայմանավորվածությունների կատարումը վերահսկելու համար Լեռնային Ղարաբաղի տարածք եւ Լաչինի միջանցք է մտցվում Ռուսաստանի Դաշնության խաղաղապահ զորախումբը:

Ռուսական զորակազմի հիմքը կազմում են Կենտրոնական ռազմական օկրուգի 15 առանձին մոտոհրաձգային բրիգադի ստորաբաժանումները: Ընդհանուր թվաքանակը 1960 զինծառայողներ, 90 զրահամեքենա, 380 միավոր ավտոմոբիլային եւ հատուկ տեխնիկա: Խաղաղապահ խնդիրների կատարումն ապահովելու համար նախատեսվում է նաեւ օգտագործել բանակային ավիացիան եւ անօդաչու թռչող սարքերով համալիրները:

Խաղաղապահ զորախումբը բաղկացած է միայն պայմանագրային զինծառայողներից, որոնք հատուկ պատրաստություն են անցել խաղաղապահ առաջադրանքների կատարման համար:

Անձնակազմը հատուկ պատրաստություն Է անցել զինված հակամարտություններում միջազգային հումանիտար իրավունքի նորմերի ուսումնասիրման եւ պահպանման ուղղությամբ:

Գրեթե բոլոր զինծառայողները Սիրիական Արաբական Հանրապետությունում մարդասիրական գործողությունների ապահովման և պահպանման խնդիրների կատարման փորձ ունեն։

Խաղաղապահ զորախումբը հագեցած է ամենաժամանակակից սպառազինությամբ, ռազմական եւ հատուկ տեխնիկայով, այդ թվում՝ ԲԹՌ-82Ա զրահամեքենաներով, զրահապատ «Վագր» եւ «Թայֆուն» ավտոմեքենաներով, ինչպես նաեւ ապահովված է բավարարման բոլոր անհրաժեշտ տեսակներով:

Հայաստանի եւ Ադրբեջանի միջեւ պայմանավորվածությունների պահպանման վերահսկողության նպատակով նախատեսվում է տասնվեց դիտակետերի տեղադրում «հյուսիս» եւ «հարավ» պատասխանատվության գոտիներում: Դրանք կտեղադրվեն Լեռնային Ղարաբաղում եւ Լաչինի միջանցքի երկայնքով կողմերի շփման գծի երկայնքով:

Դրանց վրա են դրվում հրադադարի ռեժիմի խախտման դեպքերի վերաբերյալ տեղեկություններ հավաքելու, այդ տվյալները խաղաղապահ ուժերի հրամանատարությանը օպերատիվ հասցնելու, ինչպես նաև տարանցիկ տրանսպորտի երթևեկության անվտանգության ապահովման և խաղաղ բնակչության նկատմամբ հակաիրավական գործողությունների կասեցման խնդիրները ։ Դա կնպաստի խաղաղ կյանքի շուտափույթ անցմանը և փախստականների վերադարձին։

Խաղաղապահ գործողության անցկացման շրջանում կկատարվեն նաեւ խաղաղապահ զորակազմի կազմի մեջ մտնող ռազմական ոստիկանության ստորաբաժանումների խնդիրները: Նրանց վրա է դրված կողմերի շփման գծի երկայնքով պարեկության իրականացումը, շարասյուների և բեռների ուղեկցումը։

Գործողության կառավարման համար ստեղծվել է խաղաղապահ ուժերի հրամանատարություն, որի կազմում ընդգրկվել են զինված հակամարտություններում զորքերի ղեկավարման մեծ փորձ ունեցող սպաներ:

Ս. թ. նոյեմբերի 10-ի առավոտից սկսվել է ռուսական խաղաղապահ զորակազմի տեղափոխումը Ուլյանովսկ օդանավակայանից Էրեբունի օդանավակայան Ռուսաստանի օդատիեզերական օդուժի ԻԼ-76 և Ան-124 ինքնաթիռներով։

Մեկ օրում կատարվել է 27 Ինքնաթիռ-թռիչք։ Փոխադրվել է 414 զինծառայող, 54 միավոր ավտոմոբիլային եւ Հատուկ տեխնիկա, 8 ուղղաթիռ, ինչպես նաեւ անօդաչու թռչող սարքերի երկու համալիր:

Ռուսաստանի Դաշնության պաշտպանության կառավարման ազգային կենտրոնի կողմից կազմակերպվել է փոխգործակցություն համապատասխան նախարարությունների և գերատեսչությունների հետ, ինչը թույլ է տվել հնարավորինս սեղմ ժամկետում կազմակերպել խաղաղապահ զորակազմի տեղափոխումը հակամարտության գոտի:

Աղբյուր` Փաստինֆո