Փաստ ինֆո

Հաշվի առնելով ստեղծված իրավիճակը՝ հրատապ անհրաժեշտություն կար ԱԺ արտահերթ նիստ հրավիրել: Մեր և ԼՀԿ-ի ձայները կբավարարեին, բայց «Լուսավոր Հայաստան»-ի մեր գործընկերները որոշակի տեխնիկական խնդիրներ են տեսում այս փուլում, բայց վստահ եմ՝ միանալու են: Այս մասին քիչ առաջ լրագրողների հետ զրույցում ասաց ԲՀԿ-ական պատգամավոր Նաիրա Զոհրաբյանը:

Պատգամավորը նշեց, որ ճիշտ կլիներ, եթե նիստն այսօր կայանար. «Ես իհարկե վստահ չեմ, որ նույնիսկ արտահերթ նիստը գումարելու դեպքում «Իմ քայլ»-ի մեր գործընկերներից շատերը կմասնակցեին, բայց ճանաչում եմ խմբակցությունում բավականին պարկեշտ և ազնիվ մարդկանց, ովքեր հասկանում են, որ այն ինչ տեղի է ունեցել, զարհուրելի է, մեր պատմության ամոթալի էջերից մեկն է: Մենք կորցրեցինք հայրենիք»,-ասաց Նաիրա Զոհրաբյանը:

Վերջինս կարծում է, որ այս պահին կուսակցական պատկանելություն և ոչ մի նման բան չկա: Ամեն ինչ պետք է մի կողմ դնել և հասկանալ, որ վիճակն այնպիսին է՝ օր առաջ նիստը գումարվեր և միասին ստեղծված իրավիճաից լուծում գտնել. «Հիմա նորից լսում ենք հասարակությանը պառակտելու կոչեր, լսում ենք՝ գնացեք վրեժ լուծեք, գրոհեք սրա վրա: Էս ինչ ա քաղաքացիական պատերազմի կոչեր են անում: Քիչ չի թշնամու հետ պատերազմը, հիմա էլ երկրի ներսում են ֆրոնտ բացում»,-ասաց պատգամավորը:

Աղբյուր` Փաստինֆո