Փաստ ինֆո

Ռուս ռազմական լրագրող Սեմյոն Պեգովը (WarGonzo)՝ թելեգրամյան ալիքում  հրապարակել է մի տեսանյութ, որտեղ մանրամասն պատմում է այսօր առավոտյան Արցախի մայրաքաղաք Ստեփանակերտի շուկայում տեղի ունեցած պայթունի հետևանքների մասին։

Հիշեցնենք ՝ Հայաստանի և Ադրբեջանի արտգործնախարարների հանդիպումից և կրակի դադարեցման շուրջ ձեռքբերված համաձայնությունների անվերապահ կատարման պայմանավորվածությունից շատ չանցած, Արցախի մայրաքաղաքը կրկին արթնանում է թշնամու արձակած հրթիռների ձայներից:

Այսօր առավոտյան ժամը 07։08-ին Ադրբեջանական զինված ուժերը թիրախավորել են Ստեփանակերտի կենտրոնական շուկան։ Ավերվել է հանրային նշանակության ենթակառուցվածքի մի մասը, նյութական մեծ վնաս պատճառել խաղաղ բնակչությանը:

Հաջորդ պայթյունից ավերվել է բնակելի տուն՝ ամբողջ գույքով: Մասնակի վնասվել են նաև հարևանությամբ գտնվող բնակարանները:

«Իմ թիկունքում ահա  դուք տեսնում եք այն   պայթյունի հետևանքները , որը  մենք առավոտյան  լսեցինք։  Ադրբեջանական ուժերն այս անգամ թիրախավորել են Ստեփանակերտի կենտրոնական շուկան։ Կարող եք դուք ինքներդ էլ գնահատել ավերվածության մասշտաբները։ Նրանք ամենայն հավանականությամբ հրետակոծել են համազարկային կրակի ռեակտիվ համակարգով։ Բարեբախտաբար շուկայով ոչ ոք չի եղել, քանի որ առավոտյան յոթն էր»,-պատմում է  Սեմյոն Պեգովը։

 Ռուս լրագրողը կրկին արձանագրում է այն փաստը, որ չնայած խանութների ապակիները կոտրված են, որևէ տեղ հափշտակություններ չեն կատարվել  ։

«Բոլորն՝ այդ թվում արտասահմանյան լրատվամիջոցների թղթակիցները մեկ անգամ չէ, որ   արձանագրել են  այստեղի բնակչության զարմանալի հատկությունների մասին, այն առումով , որ ՝չնայած   որ  թիրախավորվում են  քաղաքացիական օբյեկտները, խանութների ապակիները կոտրվում են, սակայն այստեղ երբեք թալան չես տեսնի։ Իրականում  ոչ բոլոր պատերազմներում  անկեղծ ասած այդպիսի բան կտեսնես»,-ասում է ռուս լրագրողը։  

Աղբյուր` Փաստինֆո