ԲՈԼՈՐ ՆՅՈՒԹԵՐԸ
Այս պատերազմի հիմնական թիրախը ՌԴ-ն է և մեր հարևան Իրանը. Նահապետյան 10/28/2020 21:37 | Ադրբեջանական ռազմական ագրեսիա-2020
Արցախյան պատերազմն ունի աշխարհաքաղաքական վեկտոր, որի հիմնական թիրախը ՌԴ-ն է և մեր հարևան Իրանը, իսկ հրահրողները՝ ԱՄՆ ու Մեծ Բրիտանիան։ «Փաստինֆո»-ի հետ զրույցում նման կարծիք է հայտնել ռազմական փորձագետ Հայկ Նահապետյանը՝ նշելով, որ մեծ խաղում Թուրքիան եւս գործիք է։
Նշենք, որ Արցախում ադրբեջանաթուրքական տանդեմի հրահրած պատերազմն արդեն մեկ ամիս է, ինչ ընթանում է, իսկ հրադադարի բոլոր փորձերը Ադրբեջանի կողմից մատնվում անտարբերության։
Ռազմական փորձագետ Հայկ Նահապետյանը «Փաստինֆո»-ի հետ զրույցում արձանագրեց, որ այլևս փաստ է՝ Թուրքիան ոչ միայն ռազմատեխնիկական աջակցություն է ցույց տալիս Ադրբեջանին՝ մասնագիտական, խորհրդատվական, այլև՝ կառավարում է պատերազմն Ադրբեջանի փոխարեն։ Բացի դա՝ կան անհերքելի փաստեր, որ թուրքական F16 ինքնաթիռները ևս մասնակցում են և դա նշանակում է, որ Թուրքիայի զինտեխնիկան և վերջինիս օդաչուները ևս մասնակցում են, այսինքն՝ Թուրքիան պատերազմի կողմ է, որը ՆԱՏՕ-ի անդամ երկիր է, որի հրամաններ արձակողը ԱՄՆ-ն է։ Ավելին՝ Մինսկի խմբի համանախագահող երկրները և Իրանը հայտնել են, որ Ղարաբաղյան հակամարտության գոտում այս պատերազմում մասնակցում են Սիրիայից եկած վարձկան ահաբեկիչներ, փաստ է նաև, որ Ադրբեջանի ԶՈՒ-երը կետային հարվածներ են հասցրել ՀՀ տարածքում գտնվող քաղաքացիական ենթակառուցվածքներին։ Այլ կերպ ասած՝ ՀՀ-ի նկատմամբ Ադրբեջանի կողմից իրականացվում է ագրեսիա։ Այս իրողությունների ֆոնին ՀՀ-ն՝ որպես ՀԱՊԿ անդամ երկիր, որպես ՌԴ հետ երկու ձևով ՝ 102-րդ ռազմաբազայի և հայ-ռուսական համատեղ զորամիավորման պարտավորություններ վերցրած երկիր պարտավոր է դիմել ՌԴ-ին՝ ահաբեկչական խմբավորումների առկայության և ագրեսիայի հիմքով, մինչդեռ նման դիմում առ այսօր չկա։
«Ռուսաստանի տարբեր բարձրաստիճան պաշտոնատար անձինք՝ ներառյալ նաև պետդումայի պրոֆիլային հանձնաժողովի նախագահներ դրա մասին բարձրաձայնել են, որ Հայաստանը չի դիմել։ Միակ պատասխանը, որը ի պաշտոնե այդ քննարկմանը մասնակցած ԱԺ փոխխոսնակ Ալեն Սիմոնյանը տվել է՝ այն է, որ այնտեղ չկա կոնսենսունս» ,- նշեց Նահապետյանը՝ հավելելով, որ դիվանագիտական առումով առաջինը դա պետք է արվի, որից հետո ՀԱՊԿ կանոնադրության համապատասխան հոդվածը կաշխատի։ Բացի դա՝ սկզբունքորեն Հայաստանը կարող է դիմել ՌԴ-ին՝ առանց ՀԱՊԿ-ի, որը նույնպես չի արվում։
Ինչ վերաբերում է ռազմական գործողություններին, փորձագետը նշեց, որ կան տարածքային կորուստներ՝ հիմնականում հարթավայրային՝ Արաքսի գոտում, մարտեր են ընթանում Մարտակերտի, Հադրութի, Մարտունու շրջաններում, իսկ Ստեփանակերտը, Շուշին և այլ բնակավայրեր էլ հրթիռակոծվում և հրետակոծվում են, ինչը խաղաղ բնակչության նկատմամբ ցեղասպանության փորձ է, ուստի՝ Հայաստանը կարող է նաև այս հիմքով դիմել միջազգային կառույցներին։ Նահապետյանն ընդգծեց, որ այն, ինչ պլանավորել էին Թուրքիայի ԳՇ և իրենց հովանավորյալ արևմտյան մի քանի պետությունների ռազմական ոլորտի մասնագետներ, ձախողվեց, քանի որ կայծակնային հարձակում-հաղթանակ չեղավ և, թեև ունենք նահանջ, հակառակորդին չհաջողվեց իրականացնել իր երկրորդ պլանը՝ խուճապ-ճեղքումը։
Անդրադառնալով տարածաշրջանային իրավիճակին՝ ռազմական փորձագետն արձանագրեց, որ իրականում Թուրքիան ևս կատարողի դերում է և այն գործառույթը, որը դրված է Թուրքիայի վրա աշխարհաքաղաքական առումով, դրված է ԱՄՆ-ի և Մեծ Բրիտանիայի կողմից, հիմնական կուռացիան անում է Մեծ Բրիտանիան ինչպես նախկինում, երբ Թուրքիան որպես Օսմանյան Կայսրություն օգտագործվում էր Ռուսաստանի դեմ՝ տարբեր պատերազմներում և այսօր էլ նույնն է արվում։ Փորձագետը պատահական չհամարեց, որ այսօր Ղազախստանում Թուրքիայի ռազմական գերատեսչության ներկայացուցիչը ռազմական և ռազմատեխնիկական պայմանագիր կնքեց՝ հաշվի առնելով, որ Ղազախստանը նաև ՀԱՊԿ անդամ պետություն է։ Բացի դա՝ հոկտեմբերի 29-ին Բաքվում փորձ է արվում կյանքի կոչել «պանթյուրքական բանակ» ծրագիրը, այն է՝ ռազմական-քաղաքական դաշինք, որի մեջ ներգրաված են ոչ միայն Ադրբեջանը, այլև՝ Միջին ասիական Հանրապետությունները։ Փորձագետն ընդգծեց, որ Թուրքիայի առջև դրված է շատ մեծ խնդիր՝ Մերձավոր Արևելքում, Հարավային Կովկասում և Միջին Ասիայում ունենալ նաև զինական ներկայություն, ուժ ազդեցություն, որն արևմտյան մի քանի տերությունների՝ ԱՄՆ-ի, Մեծ Բրիտանիայի համար կապահովի այդ տարածաշրջանի վրա Թուրքիայի միջոցով ազդեցությունը՝ և քաղաքական, և ռազմական առումով, և նավթամուղների, գազամուղների տարանցիկ ճանապարհների, ինչպես նաև այն երկրների համար, որոնք ունեն նման ռեսուրսներ։
«Արցախի հարցը՝ որպես կիզակետ, պետք է նայել շահերի բախման համատեքստում և ակնկալել, որ Թուրքիայի հովանավորող, պլանավորող պետությունները փորձեն պատերազմը կանգնեցնել կամ արդարացի լուծում տալ հարցին, առնվազն մանկամտություն է։ Եթե չասենք, որ քաղաքական գործիչը կամ փորձագետն այս ամենը գիտի և հակառակն է ասում, ապա դրան այլ անվանում կարելի է տալ՝ սեփական ժողովրդին մոլորեցնելու համար, այն էլ՝ ռազմական դրության պայմաններում։ Կարծում եմ՝ քրեական օրենսգրքի համապատասխան հոդվածը պետք է աշխատի»,- ասաց Նահապետյանը։
Ինչ վերաբերում է հրադադարի պարտադրմանը, փորձագետը նախ հիշեցրեց, որ ԵԱՀԿ Մինսկի խմբի համանախագահող երկրները փորձեցին մարդասիրական հրադադար հաստատել՝ առաջինը ՌԴ-ն, երկրորդը՝ Ֆրանսիան, ապա՝ ԱՄՆ-ն, որոնք մերժվել են Թուրքիայի և Ադրբեջանի կողմից, ավելին՝ առաջին հրադադարի մասին բարձրաձայնելու ժամանակ մերժումը եղել է ոչ թե Ալիևի, այլ՝ Էրդողանի շուրթերով, այսինքն՝ Էրդողանը հայտարարեց, որ այդ պատերազմն իր պատերազմն է և Ադրբեջանն ընդամենը գործիք է։ Այսինքն՝ ստացվում է, որ Ռուսաստանը պետք է այնքան լծակ ունենա Թուրքիայի վրա, որ կարողանա ստիպել, որ վերջնս կանգնեցնի պատերազմը։
«Բայց այս պատերազմը չեն սկսել նրա համար, որ շատ արագ կանգնի։ Արագությունը կախված է Ռուսաստանի կողմից՝ գործիք երկրների՝ ի դեմս Ադրբեջանի և Թուրքիայի, նրանց հովանավորների և կառավարիչների՝ ԱՄՆ-ի և Մեծ Բրիտանիայի նկատմամբ համապատասխան ռազմական և քաղաքական ճնշումներ օգտագործելուց »,- ասաց նա՝ հավելելով, որ ճնշումները կան, բայց բավարար չեն և առաջին պայմանը, որը պետք է կիրառի Ռուսաստանը՝ պատերազմը կանգնեցնելու կասեցնելու պարտադրանք։
Բացի այդ, ըստ նրա, գործնականում Ռուսաստանն օժանդակում է հայկական կողմին, երբ Սիրիայից ահաբեկչական խմբավորումները, որոնք պետք է տեղափոխվեն Արցախյան ճակատ, օդատիեզերական ուժերի կողմից ոչնչացվում են և դա այն գործնական՝ երևացող օժանդակությունն է, որտեղ Ռուսաստանն իր դաշնակցային պարտավորություններն իրականացնում է Հայաստանի համար։ Ինչ վերաբերում է Ֆրանսիային և ԱՄՆ-ին, Նահապետյանը նշեց, որ առերևույթ ցույց են տալիս, որ շահագրգիռ են պատերազմի կանգնեցման հարցում, ինչը քարոզչական հնարք է և մարդկանց մանիպուլացնելու համար է արվում։ Նահապետյանի խոսքով՝ եթե ՆԱՏՕ-ի ղեկավար երկիր ԱՄՆ-ն, որն ունի 8 բազա Թուրքիայում, հսկայական ազդեցություն Թուրքիայի վրա, համարժեք ճնշում գործադրի Թուրքիայի վրա, ապա Թուրքիան այս պատերազմից ետ կկանգնի, սակայն որևէ ճնշում՝ բացի կիսատ-պռատ հայտարարություններից, չկա։
Նահապետյանն ընդգծեց, որ այս պատերազմի հիմնական թիրախը ՌԴ-ն է և մեր հարևան Իրանը, որովհետև պատերազմն ունի աշխարհաքաղաքական վեկտոր, հետո՝ տարածաշրջանային, հետո արդեն՝ Արցախի կարգավիճակի որոշման կամ տարածքների ազատագրման, քանի որ այդ նույն տարածաշրջանային վեկտորն ուղղված է նաև Իրանի դեմ և Իրանը ևս շահագրգիռ է, որ պատերազմը դադարեցվի։
Հիշեցնենք, որ սեպտեմբերի 27-ին Ադրբեջանը ռազմական ագրեսիա է ձեռնարկել Արցախի շփման գծի ամբողջ երկայնքով, որին մասնակցում է նաեւ Թուրքիան, վարձկան-ահաբեկիչներ՝ Սմերչ, Պոլոնեզ, թուրքական Կասիրգա եւ այլ զինատեսակներով հրթիռակոծելով խաղաղ բնակավայրերը, այդ թվում մայրաքաղաք Ստեփանակերտը։ ՀՀ ԱԳՆ-ն հայտարարել է, որ Արցախի ժողովուրդը մարտնչում է թուրք-ադրբեջանական դաշինքի դեմ ու ընդգծել՝ Թուրքիան հավաքագրում է օտարազգի ահաբեկիչ զինյալների և տեղափոխում նրանց Ադրբեջան։ Հայաստանում եւ Արցախում սեպտեմբերի 27-ին հայտարարվել է ռազմական դրություն և ընդհանուր զորահավաք։
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/20/2024 08:23 Արամ Սարգսյանի մտերիմին 1 բուլդոզերի համար 700 հազար դոլար են տվել․«Հրապարակ»
- 04/20/2024 08:18 Արցախի վերնախավը հավաքվել էր․ «Հրապարակ»
- 04/20/2024 08:13 Փաշինյանի հերթական նվերը՝ Ադրբեջանի․ «Հրապարակ»
- 04/20/2024 08:10 Տավուշում սահմանազատման և սահմանագծման գործընթացը բխում է նոյեմբերի 9-ի փաստաթղթից. «Ժողովուրդ»
- 04/20/2024 08:07 Վահագն Հովակիմյանն ու ՄԻՊ-ը կգնան ԱԺ․ «Հրապարակ»
- 04/20/2024 08:05 Մինչ Տավուշի հողերի հանձնման հարցն էր լուծվում , Փաշինյանը բեմականացում էր վայելում․«Հրապարակ»
- 04/20/2024 07:41 Կոռուպցիայի կանխարգելման հանձնաժողով հանձնված գրությունների մեծ մասը ՀՀԽ անդամների այլ վճարովի աշխատանքի անհամատեղելիության վերաբերյալ են. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ