Փաստ ինֆո

Թուրքիան փորձում է Մինսկի խմբի նախագահ երկրներին և նրանց աշխատանքը հեղինակազրկել,-այս մասին «Փաստինֆո»-ի հետ զրույցում ասաց ռազմական փորձագետ Կարեն Հովհաննիսյանը:

Հիշեցնենք նաև, որ Ռուսաստանի, Ֆրանսիայի ու ԱՄՆ-ի ակտիվ միջամտությամբ պայմանավորվածություններ ձեռք բերվեցին համապատասխանաբար հոկտեմբերի 10-ին, 18-ին եւ 26-ին հումանիտար հրադադար հաստատելու մասին, սակայն բոլոր երեք դեպքերում էլ Ադրբեջանը խախտել է պայմանավորվածությունը։

Փաստացի, Ադրբեջանը մերժում է ԵԱՀԿ Մինսկի համանախագահ արդեն երրորդ երկրի միջնորդությունը՝հրադադարի հաստատման գործում և հրադադարից ընդամենը րոպեներ անց սկսում է կրակը՝ թիրախավորելով խաղաղ բնակիչներին:

Ռազմական փորձագետի դիտարկմամբ՝ հրադադարի խախտման բոլոր դեպքերը միանշանակ պայմանավորված են Թուրքիայի հրահրմամբ, որն էլ իր հերթին փորձում է հեղինակազրկել Մինսկի խմբի գործունեությունը.

«Եկեք ֆիքսենք, որ սա ոչ թե Ադրբեջանն է, այլեւ Թուրքիան: Ադրբեջանը չէր կարող համանախագահող երկրների միջնորդությունը խախտել՝ թքած ունենալով այդ միջնորդությունների վրա, այստեղ գործ ունենք մենք Թուրքիայի հետ:Այդ ողջ գործողությունները Թուրքիան է իրականացնում։ Թուրքիան է փորձում Մինսկի խմբի աշխատանքները, և ինչու չէ Մինսկի խմբի նախագահ երկրներին հեղինակազրկել».- ասաց Կարեն Հովհաննիսյանը:

Վերջինիս հավաստմամբ՝ այս դեպքում արդեն Հայաստանի գործողությունները պետք է լինեն բացառապես համարժեք հակառակորդի գործողություններին.
«Եթե Ադրբեջանը հարձակվում է կիրառում է զինտեխնիկա, Հայաստանը պետք է կիրառի դրանից երկու անգամ ավելին»,-ասաց փորձագետը:

Աղբյուր` Փաստինֆո