Փաստ ինֆո

«Մեր թշնամին ցույց տվեց, որ չկան ոչ մի կարմիր գծեր, չկան սրբություններ, չկան արժեքներ, չկան ոչ մի գրված և չգրված օրենքներ։ Մեկ Մարդու գլխում տեղի ունեցած ամեն ինչի արդյուքնում՝ ունենք բավականին մեծ քանակի արյուն, այդ թվում քաղաքակիցական բնակչության և լրագրողների շրջանում»,- այս մասին ասուլիսի ժամանակ հայտնեց քաղաքագետ Կարեն Բեքարյանը՝ անդրադառնալով Ադրբեջանի կողմից հայկական և միջազգային ԶԼՄ ներկայացուցիչների վրա կրակ բացելուն։ Նա հիշեցրեց, որ Լե Մոնդի լրագրողի վիճակը հիմա ծանր է։

Քաղաքագետն ասում է, որ սա պատահականության արդյունք չէ, նպատականյին արվող աշխատանք է, ցույց տալու, որ կարելի է նաև փորձել թքած ունենալ ցանկացած նորմերի վրա։

«Տարիներ ի վեր Ադրբեջանը, նրա ռազմաքաղաքկական ղեկավարությունն ինքն իրեն մտցնում էր փակուղի, բայց վերջին շրջանում այն ինչ որ տարբերություններ սկսեց տալ և իրենք իրենց համար փակեցին մանյովրի հնարավորությունները։ Պետք էր լինել աննկարագրելի անհեռատես, լրիվ ուրիշ գործոններով մոտիցացված, որպեսզի այս գործընթացին Թուրքիան ունենա ներգրավվածության այն աստիճանը, որն այսօր ունի։ Ադրբեջանի բոլոր հաշվարկները, որ Թուրքիան աշխատում է իր շահերի համար, ժամանակը ցույց է տալու, որ անգամ դրանում Ադրբեջանը մեծ սխալ է ցույց տվել։ Թուրքիան ներքաշված է այս կոնֆլիկտում ՝ առաջին հերթին իր շահերի հետապնդմամբ։ Թուրքիան հակահայկական ողջ դիվանագիտության , աշխատանքի, քարոզչության, Հայաստանի նկատմամբ հարկադրանքի քաղաքականության համար գտել է նոր հնարավորություն՝ հասնելու ինչ--ինչ նպատակների։ Ադչրբեջանը դա թույլ տվեց։ Դրանից նրանք որևէ շանս չունեն շահած դուրս գալու»,- ասաց Բեքարյանը։

Քաղաքագետը ադրբեջանական հռետորաբանությունը անվանեց ուլտիմատումներ։ Անգամ չկա ընկալում, որ բանակցությունը պետք է իմաստ ունենա ոչ միայն այդ կողմի համար։ Ըստ Բեքարյանի՝ միջազգային հանրությանը՝ շանտաժի օրակարգ թելադրելը Ալիևին զրկեց մանեվրելու հնարավորությունից․

«Կոչ եմ անում Ադրբեջանում ապրողներին և ազգային փոքրամասնություններին առաջին հերթին՝ սա ձեր պատերազմը չէ, սա Ալիևի կարողությունը հերթական անգամ հազարապատկելու պատերազմ է։ Այն ադրբեջանցի զինվորը, որ զոհվում է՝ Ալիևի մոտ ավելացնում է մոտիվացիա սեփական ժողովրդի վրա վաճառելու այս ամենը և նոր հնարավորություն ստանալու, միլիարդներ ծախսելու, զենք գնելու համար՝ իրականում չծախսելու։ Սա օպերացիա է Իլհամ Ալիևի կապիտալը բազմապատկելու համար։ Սա ադրբեջանի հանրության և ժողովրդի, ազգային փոքրամասնությունների պատերազմը չէ»,- ասաց քաղաքագետը։

Աղբյուր` Փաստինֆո