Փաստ ինֆո

«Իլհամ Ալիևի հայտարարություններն ինձ համար աղբյուր չեն, որին կարող եմ վստահել և հետևություներ անել»,- այս մասին հայտնեց «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով Ադրբեջանի կողմից հնչող հայտարարություններին։

Նա նշեց, որ Հայաստանում արցախյան հիմնախնդիրը միշտ քննարկումների, նաև տարբեր շահարկումների առարկա է եղել, բայց Հայաստանում, ըստ Մարուքյանի, չի եղել մի իշխանություն, որը պատրաստ է եղել գնալու ոչ հայանպաստ լուծման:

«Երբ կլինի կոնկրետ բանակցություններ, փաստաթուղթ, որով կառաջարկվի այդպիսի լուծում, այդ իշխանությունն անմիջապես կհեռացվի իշխանությունից»,- ասաց նա:

Մարուքյանի խոսքով՝ արցախյան հիմնախնդրի շուրջ բանակցությունները վաղ թե ուշ վերականգնվելու են, այլընտրանքը պատերազմն է:

 «Այլ բան է, որ հուլիսյան մարտերից հետո մենք կարողանանք ամրապնդել ապրիլյանից հետո մեր ունեցած մոտեցումները, դրանք բերել օրակարգ, այսինքն՝ այն, ինչ այն ժամանակ չի արվել»,- ընդգծեց պատգամավորը:  

Աղբյուր` Փաստինֆո