Կարևորը հուշագիրն է, մնացածը՝ եղածի հաշիվ է

ԲՈԼՈՐ ՆՅՈՒԹԵՐԸ

Բոլորը

05/20/2022 14:37 Կտրուկ զարգացումներ են սպասվում. մոտ է այն պահը, երբ Փաշինյանը կհեռանա զբաղեցրած պաշտոնից. Գառնիկ Դավթյան (տեսանյութ) 05/21/2022 21:30 «Դիմադրության» հանրահավաք-երթին մասնակցում է 40.000 մարդ. Հովհաննիսյան 05/20/2022 16:23 ԱԱԾ-ն հրաժարվում է վերացնել դատավոր Դավիթ Հարությունյանին գաղտնալսելու արդյունքում կատարված ձայնագրությունները, թեեւ դրանք անթույլատրելի են ճանաչվել 05/20/2022 19:50 Սա բնազդային վախ է. գիշերը դատարանի նախագահ Արթուր Մկրտչյանին բերման են ենթարկել դատարան, թուղթը տվել են ձեռքը, որ ապօրինի մակագրի. փաստաբանը մանրամասներ է ներկայացրել 05/20/2022 19:31 Նյարդերի պայքար է գնում. Փաշինյանը երկու քարի արանքում է. Կարեն Քոչարյան 05/21/2022 21:27 Իրավապահ համակարգի անգործություն, թե հովանավորչություն. «Դոգ»-ը շարունակում է թիրախավորել ու զրպարտել բարձր վարկանիշ ունեցող դատավորներին 05/20/2022 22:20 Օնիկ Գասպարյանը, Սեյրան Օհանյանը և այլ զինվորականներ պահանջում են քրգործ հարուցել գնդապետին ոտքերով հարվածած ոստիկանի դեմ 05/20/2022 20:40 «Պատերազմի դաշտում միակ թշնամիս ես լինելու». ծայրահեղական Գորշ գայլերի հայտնի անդամը՝ դաշնակցականին 05/21/2022 22:33 «Դատարկ դագաղներն ու ծաղկեպսակները որևէ նորմալ, ավանդապաշտ և առողջ հասարակության մեջ չեն մոռացվելու, դրանք անպայման հիշեցնել են տալու իրենց. եկել է հենց այդ պահը». Ալեն Ղևոնդյան 05/21/2022 19:01 Թշնամական ԱԹՍ-ը հետախուզական թռիչք է իրականացնում Արարատի մարզի ուղղությամբ 05/20/2022 13:56 Ինչպես ՀՀ-ում բերել ենք ժողովրդավարություն, այնպես էլ բերենք խաղաղություն.Նիկոլ Փաշինյան 05/21/2022 19:17 Հակառակորդի արձակած կրակոցից ժամկետային զինծառայող է վիրավորվել 05/20/2022 22:53 «Ազովստալի» տարածքն ամբողջությամբ ազատագրվել է 05/20/2022 20:58 ՀՀ գլխավոր դատախազը միջնորդագիր է հղել ՀՀ ոստիկանապետին 05/21/2022 16:02 ՔՊ-ում վախ կա. Ժամանակը ի վնաս Փաշինյանի և իր թիմի է աշխատում. ներքաղաքական պայթյունն անխուսափելի է. Քաղաքագետ (տեսանյութ) 05/21/2022 22:19 Դատավոր Բորիս Բախշիյանի գործը փլուզվել է. Դատավորին ամիսներ շարունակ կալանքի տակ պահելուց հետո քննիչը մեղադրանքը փոխել է 05/21/2022 20:49 Ովքեր են հայտնվել Ֆրանսիայի հրապարակի «Ամոթի պատին». Անուն առ անուն (տեսանյութ) 05/21/2022 21:52 Մայիսի 22-ին երթ կամ հանրահավաք չի լինի. Իշխան Սաղաթելյանը ներկայացրեց վաղվա ծրագիրը (տեսանյութ) 05/21/2022 13:01 Համաշխարհային ամենախոշոր քաղաքական ընտանիքը դատապարտել է Հայաստանի իշխանությունների կողմից իրականացվող բռնությունները 05/21/2022 21:24 Իգորը եթե մեկ հատ բռունցքով հարվածեր մեր ոստիկանից տառը կմնար․ սկսում են մեր Արսենի ցուցմունքների խմբագրումը` թե բա 5 չէր 2֊3 էր․Պողոսյան

Կարևորը հուշագիրն է, մնացածը՝ եղածի հաշիվ է 09/09/2020 21:37 | Վերլուծություններ

Երբ օրեր առաջ որոշ ԶԼՄ-ները տեղեկատվություն տարածեցին չինական շուրջ 15 միլիարդ կազմող ներդրումներով Հայաստանում «Խելացի գիտական քաղաք» կառուցելու մասին, մինչ այդ համատեքստում՝ պետական համապատասխան գերատեսչությունների՝ բանից անտեղյակ պատասխաններին ծանոթանալը, արդեն գիտեի, որ ըստ ամենայնի, խոսքը որևէ հետևանք ու պատասխանատվություն չենթադրող ինչ-որ նախնական պայմանավարվածության մասին պիտի լինի:

Ասում են՝ կողմերը հուշագիր են ստորագրել: Հետո ի՞նչ, արդյո՞ք այդ և համանման հուշագրերն ինչ-որ իմպերատիվ բանի մասին փաստում են: ՈՒրեմն, ի՞նչու են մարդիկ դեռ ջուրը չհասած՝ բոբիկանում՝ հայտարարություններ անում, մեծ-մեծ աշխատատեղերից խոսում: Ի վերջո, ինչու՞ են օրը ցերեկով մարդկանց խաբում:

Այս առումով ներկաները արդեն իսկ Արևելքի հարուստ պետություններից մեկի՝ ԱՄԷ-ի ներդրումներով մի նման ծրագրի՝ Երևանի Իսակովի պողոտայում 71 հարկանի երկնաքեր կառուցելու մասին դեռ անցյալ տարի ազդարարել էին: Որքան հիշում եմ, այս դեպքում ևս պատկան կառույցներն անտեղյակ էին, ասենք, Երևանի քաղաքապետարանը հայտարարել էր, թե նման երկնաքերի հարց քաղաքապետարանում չի քննարկվել: Այսինքն, դեռ տարածքի հարց չէր քննարկվել, բայց հայ-արաբական կողմը ասուլիս էր արել, անունն էր նույնիսկ որոշվել՝ «Անմոռուկ», որի միտք բանին, ըստ էության, սփյուռքահայերին գրավելն ու ներգաղթ ապահովելն էր: Ներգաղթողների բում չեղավ ու առայսօր չի զգացվում, թե գոնե որոշակի շարժ այս համատեքստում կլինի, բացառությամբ, թերևս, հատուկ ծրագրով եկողները, ասենք՝ սփյուռքի հանձնակատարի 100 աշխատատեղ, 100 սփյուռքահայ պահանջ-պայմանը:

Բնականաբար, այս ծրագիրն էլ, որ անմոռուկ էր կոչվում և որի մասին մեկ տարի առաջ ակտիվ խոսվում էր, առկախվեց-մնաց, հավանաբար, մոռացվեց-գնաց:

Բայց այսպիսի ծրագրեր ու ներդրումնե՞ր են եկե՜լ ու անցե՜լ: Ընդ որում, եղել են նաև այնպիսիք, որոնց և՛ ներդրողներն են հայտնի եղել, և՛ տարածքը, և՛ նույնիսկ ժամանակի զույգ քաղաքապետերն են հայտարարել այդ մասին:

Բնականաբար, շատերը կհիշեն դեռ 2010 թվականին Մոսկվայի քաղաքապետ Յուրի Լուժկովի որակումով՝ Երեւանի Նորագյուղ թաղամասում կառուցապատման «տպավորիչ» ծրագիրը, որին նա չէր բացառել մոսկովյան գործարարների մեծամասշտաբ մասնակցությունը: Խոսք էր գնում 100 միլիոն դոլարի շրջանակում իրացման գոտու բնակիչներին վերաբնակեցնելու, բնակելի, բիզնես, մշակութային թաղամաս կառուցելու մասին, ուր շուրջ 50-60 օբյեկտ էր նախատեսվում կառուցել, որոնցից ամեն մեկը կլիներ 40-60 միլիոն դոլար արժողությամբ։ Բայց ինչպես տեսնում եք՝ «Նյու Վասյուկի» հիշեցնող այս ծրագիրն էլ հօդս ցնդեց:

Այս նույն շրջանում Մոսկվա կինոթատրոնի հարևանությամբ մեր հարևան իրանցիներն էին փափագում հսկա մի աշտարակ կառուցել: Իրանում լույս տեսնող ամսագրի շապիկին պատկերված աշտարակն այն ժամանակ հավակնում էր լինել Երևանի ամենաբարձր շենքը: 50 հարկանիի ցանկություն էին ունեցել, հետո իջել էին մինչև 30, 25…

2011-ին Երևանի գլխավոր ճարտարապետ Նարեկ Սարգսյանն, անդրադառնալով նախորդ շրջանից ժառանգած պարսկական աշտարակի պատմությունը, որն, ի դեպ, երկու տարի առաջ ստացված ճարտարապետահատակագծային առաջադրանք ուներ, բացառել էր այդ տարածքում նման աշտարակի կառուցումը: Եվ պարսկական աշտարակն էլ, պատվիրատուներն էլ՝ անցան-գնացին:

Ահա այսպիսի պատմություններ են եկել ու անցել մեր գլխով, իսկ դուք ասում եք՝ հուշագիր ենք ստորագրել: ՈՒր որ է՝ Չինաստանը Հայաստանում 10-15 մլրդ դոլարի ներդրում կանի՝ «Խելացի գիտական քաղաք» հիմնադրելու համար։ 15 մլրդ դոլար…աննախադեպ թիվ… ՀՀ պետական բյուջեից 5 անգամ մեծ, դրանով հնարավոր է Հայաստանից կերտել դրախտ…

Դե, իհարկե, կարևորը հուշ-ա-գիրն է, մնացածը՝ եղածի հաշիվ է:

Հեղինակ՝ Ա.Ե.

Աղբյուր` Փաստինֆո