ԲՈԼՈՐ ՆՅՈՒԹԵՐԸ
«Նուբարաշեն» ՔԿՀ պետ Սամվել Մկրտչյանն ազատ է արձակվել ՁՊՎ-ից.նրան կալանավորելու մասին միջնորդությունը մերժվել է 09/02/2020 12:57 | ԼՐԱՀՈՍ
Երևանի ընդհանուր իրավասության դատարանը՝ դատավոր Վահե Միսակյանի նախագահությամբ, մերժել է «Նուբարաշեն» ՔԿՀ նախկին պետ Սամվել Մկրտչյանին կալանավորելու մասին քննիչի միջնորդությունը։ Այս մասին «Փաստինֆո»-ի հետ զրույցում ասաց պաշտպան Վահան Հովհաննիսյանը։
Բացի այդ՝ դատարանը նաև ոչ իրավաչափ է ճանաչել Մկրտչյանին ձերբակալելու մասին որոշումը՝ բավարարելով պաշտպանների բողոքը։
«Մեր կողմից ներկայացված՝ ձերբակալման իրավաչափության դեմ բողոքից հետո վարույթն իրականացնող մարմինը մեղադրանք է առաջադրել, նաև՝ կալանավորման միջնորդություն ներկայացրել դատարան, որը դատարանի որոշմամբ միացվեց մեկ վարույթում և քննվեց համատեղ»,- ասաց Հովհաննիսյանը՝ նշելով, որ դատական նիստը սկսվել է երեկոյան ժամը 18։00-ին և ավարտվել 02։30-ի սահմաններում, Սամվել Մկրտչյանը ժամը 03։00-ին ՁՊՎ-ից ազատ է արձակվել։
Նշենք, որ Սամվել Մկրտչյանին մեղադրանք է առաջադրվել ՀՀ Քրեական օրենսգրքի 308-րդ հոդվածի և 38-314-րդ հոդվածի հատկանիշներով։ Պաշտպանը հայտնեց, որ Սամվել Մկրտչյանն առաջադրված մեղադրանքը չի ընդունել, չի մասնակցել դատավարական գործողությունների։
Քննիչը կալանավորման միջնորդության մեջ մատնանշել էր ՀՀ քրեական դատավարության օրենսգրքի 135-րդ հոդվածով նախատեսված հիմքերից երկուսը՝ փախուստը և քրեական դատավարությանը մասնակցող անձանց վրա անօրինական ազդեցություն գործադրելու ռիսկը։ Վահան Հովհաննիսյանի խոսքով՝ պաշտպանական կողմի ներկայացրած առարկություններում նշվել է, որ նոր իրավակարգավորումների պայմաններում՝ քննիչը մինչ կալանավորման միջնորդություն ներկայացնելը պետք է հիմնավորեր, որ մյուս խափանման միջոցներն ի զորու չեն ապահովել մեղադրյալի պատշաճ վարքագիծը, այսինքն՝ պետք է հերքեր անազատության հետ կապված բոլոր խափանման միջոցների կիրառման հնարավորությունը, որից հետո միայն կալանավորման մասին միջնորդություն ներկայացվեր, ինչը չի արվել։ Բացի այդ՝ պաշտպանական կողմն արձանագրել է, որ քրեական գործը հարուցվել է մարտի 5-ին և Սամվել Մկրտչյանը շուրջ 6 ամիս գտնվել է ազատության մեջ և ոչ իրավաչափ վարքագիծ չի դրսևորել։
«Մեզ համար էական էր նաև այդ հանգամանքը։ Դա նաև ՄԻԵԴ-ի նախադեպային իրավունքում է նշված, որ, եթե հանցագործության կատարումից հետո մինչև կալանավորումը անձը հարաբերականորեն տևական ժամանակ գտնվում է ազատության մեջ և որևէ ոչ իրավաչափ վարքագիծ չի դրսևորում կամ այդպիսի գործողություն չի կատարում, ապա դա իր մեջ արդեն ապացուցված իրողություն է պարունակում առ այն, որ մեղադրյալը չի կատարի նաև նման գործողություններ՝ իր նկատմամբ որոշակի դատավարական գործողություններից հետո և դրան պետք է հակադրվի քննիչը ոչ թե կանխատեսական ենթադրություններով, այլ՝ ավելի առարկայական հիմնավորումներով։ Այսինքն՝ մենք ունենք ապացուցված իրողություն, որ Սամվել Մկրտչյանը 6 ամիս քրեական գործի հարուցումից հետո գտնվել է ազատության մեջ, ոչինչ չի արել և դրան որպես հակակշիռ ունեինք քննիչի զուտ կանխատեսումները, որ այդուհանդերձ ինքն սրանից հետո կփորձի թաքնվել կամ կփորձի ազդել դատավարության դատավարությանը մասնակցող անձանց վրա, ինչը մեր կարծիքով հիմնազուրկ էր և դատարանը մեր դիրքորոշումները գտավ որպես հիմնավոր»,- ասաց Հովհաննիսյանը։
Նրա փոխանցմամբ՝ մինչև ձերբակալումը Սամվել Մկրտչյանի նկատմամբ որևէ քննչական գործողություն չի իրականացվել, ձերբակալման օրը նրան հրավիրել են հեռախոսազանգի միջոցով, այլ ոչ՝ ծանուցագրով և անգամ այդ դատավարական կարգի խախտմամբ ինքնակամ ներկայացել է վարույթն իրականացնող մարմին։
Ինչ վերաբերում է Սամվել Մկրտչյանի դեմ ցուցմունքների առկայությունը, պաշտպանը հայտնեց, որ կան ցուցմունքներ, որոնց արժանահավատության և թույլատրելիության վերաբերյալ լուրջ կասկածներ կան, հետագայում դիրքորոշում կհայտնեն, սակայն այս պահին զերծ մնաց մանրամասներ հայտնելուց։
Ավելի վաղ տեղեկացրել ենք, որ կալանավորված անձ Վահագն Աբգարյանին ՀՀ ԱՆ «Նուբարաշեն» ՔԿՀ-ում մարմնական վնասվածք պատճառելու դեպքի առթիվ նախապատրաստված նյութերի հիման վրա ՀՔԾ-ում հարուցված քրեական գործի շրջանակներում ձերբակալվել է ՀՀ ԱՆ «Նուբարաշեն» քրեակատարողական հիմնարկի նախկին պետ Սամվել Մկրտչյանը։ Վերջինս կասկածվում է ՀՀ քրեական օրենսգրքի 308-րդ հոդվածի 1-ին մասով և 38-314-րդ հոդվածի 1-ին մասով նախատեսված այն արարքների կատարման մեջ, որ, 25.07.2019 թվականից մինչև 03.03.2020 թվականը զբաղեցնելով ՀՀ ԱՆ «Նուբարաշեն» քրեակատարողական հիմնարկի պետի պաշտոնը, անձնական շահագրգռվածությունից ելնելով չարաշահել է իր պաշտոնեական լիազորությունները և ՔԿՀ աշխատակիցներին դրդել պաշտոնեական կեղծիք կատարելուն:
Հեղինակ՝ Իզաբել Սահակյան
Տեսանյութեր
03/29/2024 11:55 Աննկարագրելի քաոս էր,երեխաներին ասել ենք՝ չխոսեք,վերև չնայեք, թուրքերի միջով ենք գնում.գաղթը՝ ՇոշիցՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/29/2024 08:17 Ոսկեպարցիներն անհամբեր սպասում են․ «Հրապարակ»
- 03/29/2024 08:13 Սաղաթելյանները՝ իշխանության թիրախում․ «Հրապարակ»
- 03/29/2024 08:08 Դիանա Գալոյանը նոր պաշտոն կստանա՞․ «Հրապարակ»
- 03/29/2024 08:04 Փաշինյանը ոչինչ չի խնայում անձնական պաշտպանության համար․«Հրապարակ»
- 03/29/2024 07:57 Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
- 03/29/2024 07:48 Նոր դիվանագիտական սկանդալ է հասունանում արտգործնախարարությունում . «Ժողովուրդ»
- 03/29/2024 07:46 Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել