Փաստ ինֆո

«Պատվաստանյութի հարցն առաջնային խնդիր է դարձել։ Ողջ աշխարհում, շատ երկրներ են ջանում դրա ստեղծման ուղղությամբ, սակայն մինչ այս պահը հաստատված էֆեկտիվությամբ պատվաստանյութ գոյություն չունի,- «Փաստինֆո»-ի հետ զրույցում ասել է բժիշկ, առողջապահության կազմակերպիչ Գևորգ Գրիգորյանը՝ նշելով. «ինչ ուզում է անի պարոն Թորսյանն այս ուղղությամբ ինձ շատ քիչ է հետաքրքրում, որովհետև ես կարող եմ մեկնաբանել միայն կոմպետենտ գործիչների գործողություններն ու խոսքերը»։ 

Անդրադառնալով ապագա պատվաստանյութի պարտադիր կիրառելիության թեմային, Գևորգ Գևորգյանը նկատում է.«Պարոն Թորոսյանն ինքն իրենից շատ բան կարող է հորինել և առաջարկել, բայց դա չի նշանակում, որ այդ օրենքներն իրականում գործածելի են լինելու։ Ես խորհուրդ կտամ պարոն Թորոսյանին վերապատրաստման համար իրավաբանական կամ բժշկական դասընթաց պատրաստել, որին մասնակցելուց հետո միայն նա միգուցե կկարողանա ավելի կոմպետենտ ղեկավարել առողջապահության ոլորտը կամ օրենքներ գրել։ Ինչ վերաբերում է պատվաստանյութի պարտադիր կիրառելիության հարցին, ապա չեմ կարծում, որ դա համատարած բնույթ կկրի, ավելի շուտ դրա համար փափուկ միջոցներ կկիրառվի։ Այսինքն, հավանաբար կլինեն որոշակի խմբի մարդիկ, ովքեր այդ պատվաստանյութերը պարտադիր ստանալու պահանջի առաջ կկանգնեն տարբեր եղանակներով, օրինակ, ասենք, եթե կցանկանան դուրս գալ երկրից և այլն։ Իրատեսական չեմ համարում այն տեսակետերը, թե պատվաստումները կարող են համատարած և կո՛տ մեթոդներով պարտադիր կիրառության մեջ մտնեն»,- ասում է բժիշկ, առողջապահության կազմակերպիչ Գևորգ Գրիգորյանը։

Աղբյուր` Փաստինֆո