ԲՈԼՈՐ ՆՅՈՒԹԵՐԸ
Պաշտպանը պահանջում է Հայկ Սարգսյանին արդարացնել. դատաքննությունն ավարտվում է 07/17/2020 18:34 | Դատական ռեպորտաժներ
Պետական որոշ մարմինների՝ ոստիկանության, ՔԿ և դատախազության մի շարք պաշտոնատար անձինք Հայկ Սարգսյանի գործով բաց են թողել, անտեսել են գործող օրենքները, խախտել իրավական տարրական նորմերը՝ փորձելով օրինական և անօրինական բոլոր միջոցներով հասնել իրենց առջև դրված խնդիրներին, այն է՝ կարճված քրեական գործի վարույթն ամեն գնով վերսկսել, որ Հայկ Սարգսյանը կալանավորվի, ապա՝ դատապարտվի ազատազրկման։ Այս մասին ՀՀ երրորդ նախագահ Սերժ Սարգսյանի եղբորորդու՝ Հայկ Սարգսյանի գործով դատական նիստին ասաց պաշտպան Երեմ Սարգսյանը։
Նշենք, որ դատարանն ավարտել է ապացույցների հետազոտման փուլը ու ներկայումս կողմերը հանդես են գալիս ճառերով. Այսօր պաշտպանական ճառով է հանդես եկել փաստաբան Երեմ Սարգսյանը։
Նա հույս հայտնեց, որ դատարանը չի հանդիսանա անօրինականությունների շղթայի վերջին օղակը և կկայացնի բացառապես օրինական դատական ակտ։
Սարգսյանը վստահեցրեց, որ ներկայացվող նյութական և դատավարական իրավունքի էական և կոպիտ խախտումներն իրենց բնույթով այնպիսին են, որ չեն կարող թույլ տալ դատարանին որևէ այլ արդարացի, օրինական ակտ կայացնել, քան արդարացումն է։
Նա նշեց, որ այդ խախտումները թույլ են տրվել ոչ թե դատական քննության ընթացքում, այլ՝ քրեական հետապնդում իրականացնող մարմինների կողմից և շարունակվել են ամբողջ նախաքննության ընթացքում, այդ խախտումներն անհնար են վերացնել նույնիսկ դատավարության ընթացքում։
Սարգսյանը նշեց, որ մեղադրանքի կողմը պարտավոր էր ստուգել պաշտպանության կողմի այն պնդումները, որ Սիմոնյանի կողմից դատախազություն ներկայացված դիմումում նշված հագամանքները վարույթն իրականացնող մարմնին հայտնի են եղել դեռևս 2007թ նախաքննության ընթացքում, որ այդ կապակցությամբ քննություն է իրականացվել, այդ տվյալներն առկա է եղել քրեական գործում և Սարգսյանի կողմից Սիմոնյանին կրակելու հանգամանքը չի հիմնավորվել, ինչի հիման վրա քրեական հետապնդումը դադարեցնելու մասին որոշում է կայացվել։
«Հարկ է փաստել, որ ոչ նոր ի հայտ եկած հանգամանքների հետևանքով վարույթ հարուցելու մասին որոշում կայացնելիս, ոչ էլ ներկայումս քրեական հետապնդում իրականացնող մարմինները վարույթը կարճված քրեական գործը ոչնչացված լինելու պատճառով հնարավորություն չեն ունեցել և չունեն պարզելու՝ Սիմոնյանի հայտնած տեղեկատվությունը նոր է ի հայտ եկել, թե ոչ։ Նման պայմաններում խոսք անգամ չի կարող գնալ արդար դատաքննության մասին»,- ասաց Սարգսյանը՝ նշելով, որ այս հիմքով քրեական գործը ենթակա է կարճման, իսկ քրեական հետապնդումը ՝դադարեցման։
Սարգսյանն արձանագրեց, որ քրեական գործը ոչնչացված լինելու պատճառով դրանք հնարավոր չի եղել ուսումնասիրել դատաքննության ընթացքում և, որքան էլ դատախազությունը փորձի հակառակ պնդումներ կատարի, անհնար է առանց որևէ կասկածի, վստահորեն պնդել, որ Սիմոնյանի կողմից նշված տեղեկությունները քրեական գործում առկա չեն եղել և նոր ի հայտ եկած հանգամանքներ են։
«Մեղադրանքի կողմն օրենքով սահմանված կարգով նույնիսկ չի կարողացել հերքել պաշտպանության կողմի հայտարարությունները և այդ իսկ պատճառով հենց մեղադրանքի կողմի մոտ առկա կասկածները չեն փարատվել, ուստի՝ պետք է մեկնաբանել հօգուտ ամբաստանյալի»,- ասաց Երեմ Սարգսյանը՝ նկատելով, թե ով կարող է բացառել, որ սպանության փորձ կատարելու համար անհիմն դատապարտելուց հետո հանկարծ ի հայտ չեն գա այն փաստաթղթերը, որ Հայկ Սարգսյանը նշված գործով դեռևս հարցաքննվել է, որ նշված հանգամանքներն այն ժամանակ արդեն հայտնի են եղել։
«Անձը չի կարող դատապարտվել ընդամենը մեղադրանքի կողմի ենթադրությունների, համոզմունքների, գուշակությունների հիման վրա, ուստի՝ այս քրեական գործը նշված հիմքով ենթակա է կարճման, իսկ Հայկ Սարգսյանը՝ արդարացման»,- հայտարարեց պաշտպանը։
Նա նշեց, որ գործում առկա ապացույցներից անհնար է հիմնավոր կասկածից վեր ապացուցողական չափանիշով հաստատված համարել, որ հենց Սարգսյանն է կրակել Սիմոնյանի ուղղությամբ, իսկ, եթե մի պահ պայմանականորեն ընդունեն, որ Սարգսյանն է կրակել նրա ուղղությամբ, ապա առկա ապացույցները որևէ կերպ չեն ապացուցում սպանության դիտավորության մասին։
Ավելի վաղ տեղեկացրել ենք, որ նախորդ դատական նիստին մեղադրող դատախազը, հրապարակելով մեղադրական ճառը, հիմնավորված է համարելով սպանության համար Սարգսյանին առաջադրված մեղադրանքը և պահանջել նրան դատապարտել 7 տարվա ազատազրկման։
Պաշտպան Երեմ Սարգսյանն ասաց, որ նման երկարատև ժամկետով ազատազրկում պահանջելուց առաջ դատախազը գործի քննության ընթացքում պետք է համոզվեր, որ պահպանվել է արդար դատաքննության իրավունքը, որ առկա չեն քրեաիրավական այնպիսի խախտումներ, որոնք թույլ չեն տալիս սույն քրեական գործով օրինական և արդարացի դատական ակտ կայացնել։
Հիշեցնենք, որ Հայկ Սարգսյանը մեղադրվում է սպանության փորձի և ապօրինի կերպով հրազեն ձեռք բերելու և պահելու համար՝ ՀՀ քրեական օրենսգրքի 34-104-րդ հոդվածի 1-ին և 235-րդ հոդվածի 1-ին մասերով։
Ըստ մեղադրանքի՝ Հայկ Սարգսյանը 2007 թվականի ապրիլի 1-ին` ժամը 16:00-ի սահմաններում, իր բնակության վայրի` Երևան քաղաքի Թումանյան փողոցի 11 շենքի 14 բնակարանի նկուղային հարկում գտնվող սենյակում, քննությամբ չպարզված հանգամանքներում ապօրինի ձեռք բերած և պահվող, հրազեն հանդիսացող «SIGSAUER» տեսակի «P266» մոդելի ատրճանակով Դավիթ Սիմոնյանին ապօրինաբար կյանքից զրկելու դիտավորությամբ կրակել է վերջինիս որովայնին, սակայն հանցագործությունն ավարտին չի հասցրել իր կամքից անկախ հանգամանքներում:
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/25/2024 08:19 Տարածվել ա, կարդացվել ա՝ բավարար ա, էլի․ «Հրապարակ»
- 04/25/2024 08:16 Ընդդիմադիրները հիասթափված են․ «Հրապարակ»
- 04/25/2024 08:13 Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-ականների հիշողությունը. «Ժողովուրդ»
- 04/25/2024 08:10 «Քարֆուրի» տերերը հեռանում են Հայաստանից․ «Հրապարակ»
- 04/25/2024 08:03 Գերիների հարցով կակտիվանան․ «Հրապարակ»
- 04/25/2024 07:53 Դեսպան չնշանակվեց, կուսակցությունն էլ, փաստացի, գոյություն չունի. «Ժողովուրդ»
- 04/25/2024 07:50 Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/25/2024 19:49 Կիրանցում ականազերծման աշխատանքների ընթացքում վիրավորում է ստացել զինծառայող. ՊՆ-ն հաստատում է
- 04/25/2024 19:24 Կիրանցում ականի պայթյունից քաղաքացի է վիրավորվել. Հրատապ
- 04/25/2024 10:19 Ուղևորը վարորդի աչքերին քիմիական նյութ է փչել. վերջինս այրվածքներով տեղափոխվել է հիվանդանոց. shamshyan.com
- 04/24/2024 18:54 Հրդեհ Կամո գյուղում
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ