Փաստ ինֆո

Նարինե Առաքելյանը միայնակ մայր է, և իր 5-ամյա աղջկան պահելու համար աշխատում է ամեն օր։ Այժմ շիշ լվանալով է գումար վաստակում, բայց օրը հազիվ 3000 դրամ է կարողանում տուն բերել, իսկ դրանով բնակարանի վարձ տալն ու երեխային պահելն անհնար է։ «Փաստինֆո»-ի հետ զրույցում Նարինեն ասաց, որ ընդամենը մեկ ամիս առաջ բնակարանի վարձը չվճարելու պատճառով ինքը և երեխան դրսում են հայտնվել, բայց ինչպես ինքն է ասում՝ գտնվեցին բարի մարդիկ և կարողացան վարձակալել նոր բնակարան։

«Պարտքերի մեջ խրվել եմ, հին տնից ահագին պարտքեր ունեմ ու պարտավորագիր եմ գրել, որ այդ պարտքերը պետք է տամ, բայց արդեն մեկ ամիս է, ինչ 10 դրամ չեմ կարողանում տալ, իսկ իրենց ոստիկանությունով անընդհատ վախեցնում են»,-ասաց Նարինեն։
Երեկ է կազմել ցուցակը, թե այս ամիս ում որքան գումար պետք է վճարի և այժմ չգիտի՝ 3000 դրամով երեխային պահի, բնակարանի վարձը տա, թե պարտքերը մարի։ Փորձել է նաև ուրիշ աշխատանք գտնել, սակայն երեխան մանկապարտեզ է հաճախում և նրա ժամերի հետ չի կարողանում. «Իմ խնդրանքն է, որ պետությունն ինձ բնակարան հատկացնի, որ գոնե այդ գումարն աշխատեմ, տամ պետությանը, որ գիտեմ տունն ինձ է մնալու։ Թե չէ սենց ինչքան էս տնից էն տուն։ Դա անհնար է»,-նշեց Նարինե Առաքելյանը։

Մանրամասները՝ տեսանյութում

Աղբյուր` Փաստինֆո