ԲՈԼՈՐ ՆՅՈՒԹԵՐԸ
Դատախազությունը կարող էր հետ վերցնել վերաքննիչ բողոքը՝ հաշվի առնելով, որ Գագիկ Ծառուկյանի մոտ կորոնավիրուս է հայտնաբերվել.պաշտպան 07/01/2020 20:52 | ԼՐԱՀՈՍ
Դատախազությունը կարող էր հետ վերցնել բողոքը՝ հաշվի առնելով, որ Գագիկ Ծառուկյանի մոտ կորոնավիրուս է հայտնաբերվել, թեև բողոքը ներկայացնելիս Գագիկ Ծառուկյանի մոտ կորոնավիրուս չի եղել։ Այս մասին «Փաստինֆո»-ի հետ զրույցում ասաց Գագիկ Ծառուկյանի պաշտպանական խմբի անդամ Սմբատ Մինասյանը։
«Կորոնավիրուսով հիվանդ մարդը գա դատարա՞ն։ Առանց նրա չի կարող լինել դատական նիստ։ Մեղադրյալի մասնակցությունը պարտադիր է և պետք է հասկանանք, թե դատարանն ինչքան ժամանակ կտա, որ կարողանանք մեղադրյալի ներկայությունն ապահովենք»,- ասաց Մինասյանը՝ նշելով, որ Գագիկ Ծառուկյանի առողջական վիճակը նորմալ է գնահատվում, ստանում է իր բուժումը, մեկուսացված է և որևէ մեկի հետ չի շփվում։
Մինասյանը նշեց, որ վաղը կներկայանան դատական նիստին, կներկայացնեն թղթերը և հույս հայտնեց, որ դատախազությունը լոյալ կգտնվի և կհրաժարվի բողոքից, եթե ոչ, ապա կքննեն բողոքը։
Պաշտպանը հիշեցրեց նաև ԵԽ Խոշտանգումներին կանխարգելման կոմիտեի հանձնարարական-զեկույցը, որի համաձայն՝ կորոնավիրուսի համավարակի պայմաններում պետք է վերանայվեր անազատության մեջ գտնվող անձանց խափանման միջոցները։
Նրա խոսքով՝ չպետք է լինի երկակի ստանդարտներ և, եթե անձի մոտ կորոնավիրուս է, ապա դա արդեն վտանգավոր է ։
Բացի այդ՝ Մինասյանը նշեց, որ, թեև Գագիկ Ծառուկյանը որևէ առնչություն չունի մեղսագրվող արարքին, միևնույն է՝ գտնվում է ռիսկային խմբում, քանի որ 65-ն անց է, ավելին՝ ունի ծնողներ, ովքեր ավելի խոցելի են համավարակի պայմաններում։
Ինչպես ավելի վաղ տեղեկացրել ենք՝ Գագիկ Ծառուկյանին մեղադրանք է առաջադրվել ՀՀ քրեական օրենսգրքի 38 -154.2-րդ հոդվածի 2-րդ մասի հատկանիշներով՝ ընտրակաշառք տալու համար ու քննիչը նրան կալանավորելու մասին միջնորդություն է ներկայացրել։ Հունիսի 21-ին Երևանի ընդհանուր իրավասության դատարանը՝ դատավոր Ռոբերտ Պապոյանի նախագահությամբ, մերժել է ԱԱԾ քննիչի միջնորդությունը:
Դատարանի որոշման դեմ վերաքննիչ բողոք ներկայացրել է թե դատախազությունը, թե պաշտպանական կողմը։ Դատախազությունը պահանջում է բեկանել առաջին ատյանի դատարանի որոշումը և կալանավորել Ծառուկյանին, իսկ պաշտպաններն անդրադարձել են քննչական ենթակայության հարցին՝ նշելով, որ այդ քրեական գործով նախաքննությունը պետք է ընթանա բացառապես ՀՔԾ-ում, ինչպես նաև՝ դատարանից խնդրել են հաստատված համարել նաև հիմնավոր կասկածի բացակայությունը։ Բողոքի քննությունը վերաքննիչ քրեական դատարանը նշանակել է հուլիսի 2-ին, մինչդեռ Գագիկ Ծառուկյանի մոտ հայտնաբերվել կորոնավիրուս։
Պաշտպանը «Փաստինֆո»-ի հետ զրույցում ասաց, որ պաշտպանական կողմը գտել է, որ բացակայում է հիմնավոր կասկածը, իսկ քննչական ենթակայության դեպքում ակնհայտ խախտում է, քանի որ ոչ միայն սուբյեկտիվ մասով պետք է քննվեր ՀՔԾ-ում, այլև՝ հոդվածի մասով գործը պետք է քննվեր բացառապես ՀՔԾ-ում։ Մինասյանի փոխանցմամբ՝ կարևորվել է նաև պատգամավորական անձեռնմխելիության հաղթահարման հարցը, մասնավորապես՝ ըստ պաշտպանական կողմի՝ հաղթահարված չէ պատգամավորական անձեռտնմխելիությունը։
«Գլխավոր դատախազը միջնորդություն է ներկայացրել ԱԺ՝ ինչ- որ որակումներով, կալանքի միջնորդության հետ կապված խնդիրներով, բայց, երբ քննիչը դատարանում ներկայացնում է կալանքի միջնորդություն, ըստ էության, դուրս է գալիս ՀՀ գլխավոր դատախազի՝ միջնորդագրով ներկայացրած բովանդակությունից։ Այսինքն՝ եթե ԱԺ-ն մի բանի է համաձայնություն տվել, ինչու է քննիչն այլ բովանդակությամբ միջնորդություն բերում դատարան։ Արդյո՞ք ԱԺ-ն պետք է նաև այդ հարցով համաձայնություն տար, թե ոչ»,- ասաց Մինասյանը՝ ընդգծելով, որ հույս ունեն, որ դատարանը լոյալ կգտնվի և հարկ եղած դեպքում կգնան մինչև վերջ՝ սպառելով ներպետական բոլոր ատյանները։
Անդրադառնալով վաղեմության ժամկետի հարցին՝ Մինասյանն ասաց, որ նաև այդ հարցն են բարձրաձայնել։
Նշենք, որ Գագիկ Ծառուկյանին մեղսագրվում է միջին ծանրության արարք, ինչի համար պատասխանատվության առավելագույն ժամկետ է սահմանված 5 տարին։
Այսինքն՝ այս պարագայում, երբ դեպքը տեղի է ունեցել երեք տարի առաջ, վերջնական դատավճռի հրապարակման համար մնացել է առավելագույնը երկու տարի։
Մինասյանը վստահեցնում է, որ մինչև վաղեմության ժամկետի ավարտը, որը պաշտպանի փոխանցմամբ, լրանում է 1.5 տարուց, չեն հասցնի ավարտել գործի քննությունը։ Նրա փոխանցմամբ՝ բարձրաձայնել են նաև այդ խնդրի մասին՝ լսելի դարձնելու համար, թեև դատարանն այս պահին չի կարող քննարկել այն, քանի որ դա կապված է մեղադրանքի հետ, ինչն այս պահին չի գտնվում դատարանի տիրույթում։
Բացի այդ՝ հոդվածը, որով մեղադրանք է առաջադրվել Գագիկ Ծառուկյանին, որպես պատիժ սահմանում է նաև տուգանքը, ապա պաշտպանի խոսքով, նման պայմաններում, հաշվի առնելով նաև, որ Գագիկ Ծառուկյանը չունի դատվածություն, ինչու՞ են կալանավորում, եթե որպես պատիժ չի կարող նշանակվել ազատազրկումը։
«Ազատազրկումը կարող է լինել, երբ անձն ունեցել է դատվածություն, ռեցիդիվիստ է»,- ասաց նա՝ նշելով, որ այդ հարցին դատարանը չի կարող անդրադառնալ, քանի որ նախնական կալանավորումն է քննարկվում։ Մինասյանը գտնում է, որ այդ առումով մեր օրենսդրությունը կատարյալ չէ և հարցեր կան, որոնք թողնված են պրակտիկայի վրա։
Անդրադառնալով նաև Գագիկ Ծառուկյանի որդուն՝ Նվեր Ծառուկյանին, որպես վկա հարցաքննելու մասին տեղեկատվությանը, մասնավորապես «Փաստինֆո»-ի դիտարկմանը, որ նրա առնչության մասին մամուլում շրջանառվում էր վաղուց՝ դեռ 1,5 տարի առաջ, սակայն վարույթն իրականացնող մարմինը, կարծես թե, նոր է հետաքրքրվում Նվեր Ծառուկյանով և արդյո՞ք դա չի նշանակում, որ այդ քրեական գործերն իշխանությունը պահում է՝ որպես մահակ ճնշում գործադրելու համար, պաշտպանն արձագանքեց. «Մենք իրավաբան ենք, քաղաքագետ չենք։ Փաստերն ենք արձանագրում, որ Նվեր Ծառուկյանը որևէ կապ չունի գործի հետ, բայց Դուք Ձեր տված հարցով պատասխանեցիք, բայց ես նման բան չասացի։ Ես իրավաբան եմ, քաղաքագետ չեմ և չեմ կարող քաղաքական վերլուծություններ անել, ես փաստերն եմ արձանագրում՝ իրավական որոշակիության սահմաններում»։
Հիշեցնենք, որ Ծառուկյանի նկատմամբ հնարավոր հետապնդումների մասին հայտարարվեց այն բանից հետո, երբ նա հունիսի 5-ին քննադատեց իշխանությունների հակամաճարակային գործողությունները նշելով, որ այն տապալել են: Գ.Ծառուկյանը նշել էր, որ ձախողումներ են գրանցվել բոլոր ոլորտներում բարձրացնելով իշխանությունների 100 տոկոսի փոփոխության հարց:Հայտարարությունից հետո մամուլում շրջանառության մեջ դրվեց 1979թ Գագիկ Ծառուկյանին առնչվող խմբակային բռնաբարության գործի մասին նյութերը։
Հունիսի 14-ին Բարգավաճ Հայաստան կուսակցության ղեկավար Գագիկ Ծառուկյանի տանը վաղ առավոտյան խուզարկություն էր իրականացվել: Նույն օրը նա հրավիրվեց հարցաքննության՝ ՊԵԿ նախկին նախագահ Գագիկ Խաչատրյանի գործով։Հունիսի 15-ին ՀՀ գլխավոր դատախազ Արթուր Դավթյանը միջնորդություն էր ներկայացրել ԱԺ-ին՝ Գագիկ Ծառուկյանին պատգամավորական անձեռնմխելիությունից զրկելու և նրան ազատությունից զրկելու մասին։ Հունիսի 16-ին ԱԺ-ն կողմ է քվեարկեց միջնորդությանը՝ զրկելով Գագիկ Ծառուկյանին անձեռնմխելիությունից և թույլատրելով նրան ազատազրկել եւ նույն օրը Գագիկ Ծառուկյանն ԱԱԾ-ում մեղադրանք է առաջադրվել ընտրակաշառքի գործով։
Հեղինակ՝ Իզաբել Սահակյան
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/19/2024 08:26 Ինչպես են այս տարի նշելու Քաղաքացու օրը․ «Հրապարակ»
- 04/19/2024 08:18 Ինչո՞ւ ուղղաթիռով․ «Հրապարակ»
- 04/19/2024 08:15 Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
- 04/19/2024 08:13 ՊԵԿ նախկին փոխնախագահը հրավիրվել է դատախազություն․ «Հրապարակ»
- 04/19/2024 08:10 Մասնակցե՞լ, թե՞ չմասնակցել «պառադին»․ «Հրապարակ»
- 04/19/2024 08:02 Ի՞նչ է փոխվել․ ինչո՞ւ Փաշինյանը հետողորմյա արեց․«Հրապարակ»
- 04/19/2024 07:55 Հիվանդանոցներում պետպատվերով բուժումները կասեցվել են. քաոս. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ