Փաստ ինֆո

«Ես հիշում եմ, երբ մարդիկ՝ բնապահպանները տեր լինելու ցանկությամբ գնացին ՀՀ դե յուրե նախագահ Արմեն Սարգսյանի նստավայրի մոտ և փորձեցին Ամուլսարի խնդիրների վերաբերյալ պատասխաններ պահանջել նրանից:

Արմեն Սարգսյանը ժամանակին Ամուլսարի սեփականատեր հանդիսացող կազմակերպության տնօրենների խորհրդի անդամ էր: Եվ ահա նա արեց մի բան, որը շատ անսպասելի էր ու շատ զարմացրեց ինձ: Բոլոր հնարավոր տարբերակներից նա ընտրեց ամենաանհավանականը՝ նա պարեց: Ես, անկեղծորեն, շշմած նայում էի, բայց ավելի շշմած էի այն մարդկանց վրա, որոնք դրանից հետո գնացին: Ժողովուրդ ջան, դուք, որ բղավում էիք, որ տերն եք մեր երկրի, գնացել էիք այդ մարդու հետ պարելո՞ւ, թե խնդիրը հասկանալու:

Այսպե՞ս են տեր դառնում երկրին,- Ստի վերջը շարքի 9-րդ՝ «Շղթաներից փախած ֆեոդալը» թողարկման ընթացքում հայտարարել է Սուրբ Աթոռում նախկին դեսպան Միքայել Մինասյանը և հավելել,-ես չգիտեմ, թե Նիկոլ Փաշինյանը ինչ է անում կամ մտածում Ամուլսարի վերաբերյալ, բայց նա այնպես է խճճել այդ պատմությունը, որ դրա հետ կապված որևէ կողմ իրեն երջանիկ չի զգում:

Խայտառակ վիճակում է հայտնվել ներդրողը, որ անդադար ֆինանսական կորուստներ է ունենում, խայտառակ վիճակում են ջերմուկցիները, որ անգործ նստած են և նաև նրանք, ովքեր չէին ուզում, որպեսզի հանքը աշխատի: Արդյուքնում՝ ՀՀ-ի վրա 1,5 մլրդ.-ի հասնող դատական հայց է կախված և խայտառակ պատմություն՝ կապված միջազգային ներդրումների ոլորտում»:
Մանրամասները` տեսանյութում:

Աղբյուր` Փաստինֆո