Փաստ ինֆո

Մոնիթորինգը ցույց է տալիս, որ այսօր մեր ամենամեծ խնդիրը բանկային համակարգն է և «Հայփոստը»։ Այս մասին ֆեյսբուքյան ուղիղ եթերի ժամանակ ասաց ՀՀ վարչապետ Նիկոլ Փաշինյանը։

Վարչապետն այս թեմայով զրուցել է Կենտրոնական բանկի նախագահի հետ և Բարձր տեխնոլոգիաների արդյունաբերության նախարարությանը հանձնարարական է տվել. «Ես մի բան չեմ հասկանում։ Էլի մեր պլան ա-ն ո՞րն ա, որ մենք ոստիկանական մահակներով հերթ կանգնելու հարցը լուծե՞նք։ Ըստ պարետատան որոշման՝ ամեն բանկ պարտավոր է այդ հարցը լուծի։ Մենք կարգի, օրենքի հետ կապված գլոբալ խնդիր ունենք։ Էստեղ մեղավորի ու անմեղի հարց չի։ Պետք է առերեսվել այս իրավիճակի հետ։ Մենք կանոնները պահելու հետ պրոբլեմ ունենք ու դա 1, 2, 3 տարվա պրոբլեմ չի։ Այո, մենք կարող ենք քննադատել ոստիկանության աշխատանքը։ Երեկ շատ լուրջ խոսակցություն եմ ունեցել նաև ոստիկանապետի, ԱԱԾ տնօրենի, տեսչական մարմինների աշխատանքը համակարգող գրասենյակի ղեկավարի հետ»,-ասաց վարչապետը։

Վերջինս նկատեց՝ մեզանից յուրաքանչյուրը պետք է ընտրություն կատարի՝ ուզում է նպաստել համավարակի հաղթահարմանը, թե ուզում է օգնի, որ ավելի տարածվի. «Մեկ էլ Արցախի նախագահի ինագուրացիան են անընդհատ պտտում։ Էդ ինագուրացիան տեղի է ունեցել Արցախում հաստատված իրավական կարգավորումների շրջանակում։ Հիմա որ խոսում ենք բանկերի կուտակումների մասին, ոչ թե խոսում ենք ճաշակի մասին, այլ կարգը, օրենքը խախտելու մասին։ Արցախում ոչ մի օրենք չի խախտվել։ Այնտեղ օրենքի խախտման մասին մեկ ադրբեջանցիք են ահազանգում, մեկ էլ ինչ-որ շրջանակներ։

Մենք պետք է հասկանանք, որ էստեղ առողջապահական խնդիր չի, սա կարգ ու կանոնի խնդիր է։ Եվ ի՞նչ, ես, որ հեղափոխությունով, խոսքով, հաղորդակցությունով ՀՀ վարչապետ եմ դարձել, հիմա պիտի սպեցնազը հանեմ և ծեծուջարդ անեմ ժողովրդի մեջ, որ կարգ ու կանոն պահպանե՞ն։ Ես ո՞նց անեմ տենց բան, ես սովոր չեմ։ Բայց մենք երկրում փոփոխություններ ենք արել զրուցելով, պայմանավորվելով, իրար խնդրելով, իրար բացատրելով, իրար հարգելով։ Հիմա սա ուզում եք փոխարինենք դուբինկաներով պարի հե՞տ»,-ասաց Նիկոլ Փաշինյանը։

Աղբյուր` Փաստինֆո