Տեղի ունեցավ ՀԱՊԿ անդամ պետությունների ԱԳ նախարարների խորհրդի նիստը՝ տեսակապի ձևաչափով

ԲՈԼՈՐ ՆՅՈՒԹԵՐԸ

Բոլորը

05/19/2022 14:18 3 քայլ ու Նիկոլը կփախչի երկրից. Ավետիք Իշխանյան (տեսանյութ) 05/18/2022 22:06 «Դիմադրություն» շարժման գործիչները հանդիպել են ոստիկանապետի հետ. ինչ են քննարկել (տեսանյութ) 05/18/2022 18:58 Գլխավոր դատախազ Արթուր Դավթյանը երկու լարի վրա է խաղում. Ջհանգիրյանի խոսքերով՝ ուզում է եւ հաճույք ստանալ եւ կույս մնալ 05/18/2022 22:47 Սաղաթելյանը հրապարակեց հասցեները. Վաղն առավոտյան կշարունակվեն անհնազանդության ակցիաները (տեսանյութ) 05/19/2022 17:28 Մկրտչյան Աննայի մասին` մեջքի ետևում ինչ֊որ բաներ հաչացող քպ֊ական կանանց ուզում եմ ասել՝ հանգիստ վեր ընկե՛ք տեղներդ. Դանիելյան 05/18/2022 22:40 3մլն վարչապետ չե՞նք, դատարանի շենքը կարող եք շրջափակել, մենք ձեզ չենք կարո՞ղ. ԶՔԳՎ-ի մոտ լարված վիճակ է. ծնողները չեն պատրաստվում հեռանալ (տեսանյութ) 05/18/2022 23:48 Արթուր Վանեցյանի ուղեկցությամբ ձերբակալված Արթուր Գալեյանը հանդիպեց զոհված զինծառայողների հարազատների հետ. ԶՔԳՎ շենքը ապաշրջափակվեց (տեսանյութ) 05/17/2022 23:33 Առավոտյան ժամը 8-ից սկսվում են անհնազանդության ակցիաները. պետք լինի կշրջափակվեն կառավարական շենքերը, մետրոն Սաղաթելյան (տեսանյութ) 05/19/2022 09:44 Ոստիկանապետից պահանջել ենք Աննա Մկրտչյանի նկատմամբ հարուցել վարույթ․ Դանիել Իոաննիսյան 05/18/2022 08:15 Իշխանության պլան Բ-ն. «Հրապարակ» 05/18/2022 09:44 Բերման են ենթարկվել ԱԺ նախկին նախագահ Սամվել Նիկոյանը, փոխնախագահ Էդուարդ Շարմազանովը. ոստիկանությունում նրանք վանկարկում են. «Առանց Նիկոլ, Հայաստան» (տեսանյութ) 05/19/2022 10:54 Լարված իրավիճակ Ծիծեռնակաբերդի խճուղում. Արամ Վարդեւանյանը գրկելով քաղաքացուն հեռացրեց 05/19/2022 13:45 Պահանջում են քրեական գործ հարուցել Նիկոլ Փաշինյանի դեմ՝ պետական դավաճանության համար. դատական նիստը՝ ուղիղ միացմամբ 05/19/2022 08:25 ՀՀ ԱԳՆ-ն արձագանքում է Տավուշի 7 գյւղերն ու Տիգրանաշենը հանձնելու Ադրբեջանի առաջարկին. «Ժողովուրդ» 05/19/2022 19:50 Պաշտոնապես հաստատվեց. Փաշինյանը մեկնում է Բրյուսել, որտեղ կհանդիպի Ալիեւին 05/19/2022 08:59 Հերթական բացառությունը Աննա Հակոբյանին. «Հրապարակ» 05/19/2022 11:21 Մեքենան կանգնեցրեց, ու միացավ մեր պայքարին, ողջունե՛նք. Սաղաթելյան 05/19/2022 12:31 Կենսաթոշակառուներն ու նպաստառուները անկախիկ առևտուր անելու դեպքում, հանրագումարից 10 տոկոսի չափով հետվճար կստանան 05/18/2022 08:40 Իշխանականները սկսել են վախենալ իրենց ապագայից. «Իրավունք» 05/18/2022 13:55 Գարիկ Գալեյանը տեղափոխվել է հիվանդանոց

Տեղի ունեցավ ՀԱՊԿ անդամ պետությունների ԱԳ նախարարների խորհրդի նիստը՝ տեսակապի ձևաչափով 05/26/2020 23:25 | ԼՐԱՀՈՍ

Մայիսի 26-ին տեսակապի ձևաչափով տեղի ունեցավ ՀԱՊԿ անդամ պետությունների արտաքին գործերի նախարարների խորհրդի նիստը:

ԱԳ նախարարները քննարկեցին ՀԱՊԿ շրջանակներում համագործակցության ամրապնդմանը, միջազգային և տարածաշրջանային զարգացումներին, անվտանգության ժամանակակից մարտահրավերներին ու սպառնալիքներին համատեղ հակազդեցությանն առնչվող հարցերի լայն շրջանակ:

Իր խոսքում Հայաստանի ԱԳ նախարար Զոհրաբ Մնացականյանը վերահաստատեց Հայաստանի հանձնառությունը Կազմակերպության շրջանակներում փոխգործակցության խորացմանը՝ ուղղված արտաքին քաղաքական համադրման արդյունավետության բարձրացմանը, պաշտպանական բաղադրիչի, սպառնալիքներին և մարտահրավերներին հակազդման մեխանիզմների ամրապնդմանը:

Անդրադառնալով նոր տիպի կորոնավիրուսի տարածմամբ պայմանավորված միջազգային հանրության առջև ծառացած մարտահրավերներին՝ նախարար Մնացականյանը, մասնավորապես, նշեց. «Համավարակի և դրա հետևանքների դեմ պայքարում անհրաժեշտ են միջազգային հանրության միասնական և համակարգված գործողություններ: Մենք մեր լիակատար համերաշխությունն ենք հայտնում մեր դաշնակիցներին համավարակի դեմ պայքարում և պատրաստ ենք կողք կողքի աշխատել բոլոր ուղղություններով՝ բոլոր բացասական հետևանքները հաղթահարելու և մեր պետությունների կայուն զարգացումն ապահովելու համար»:

Այս համատեքստում նախարար Մնացականյանը, ի թիվս այլ որոշումների, կարևորեց նոր տիպի կորոնավիրուսի համավարակի պայմաններում ՄԱԿ գլխավոր քարտուղարի՝ գլոբալ հրադադարի կոչին աջակցելու վերաբերյալ արտաքին գործերի նախարարների հայտարարության ընդունումը:

«Մեր պետություններն առաջիններից էին, որ իրենց լիակատար համերաշխությունն ու աջակցությունը հայտնեցին ՄԱԿ-ի գլխավոր քարտուղար Անտոնիո Գուտերեշի՝ աշխարհի տարբեր մասերում գլոբալ հրադադարի հաստատման մասին կոչին:

Այս համատեքստում ցանկանում եմ ձեր ուշադրությունը հրավիրել այն փաստի վրա, որ չնայած համաշխարհային հանրության միասնական ընկալմանը, որ անհրաժեշտ է համընդհանուր հրադադար հաստատել և կենտրոնանալ համավարակի և դրա հետևանքների հաղթահարման ուղղությամբ ջանքեր գործադրելու վրա, մեր արևելյան հարևան Ադրբեջանը չի հրաժարվում առավելապաշտական մոտեցումներից և ռազմատենչ հռետորաբանությունից: Շփման գծում հրադադարի ռեժիմը խախտվում է, սահմանին շարունակվում են սադրանքները, որոնք սպառնալիք են ներկայացնում խաղաղ բնակչության անվտանգության համար»:

Այս համատեքստում ՀՀ ԱԳ նախարարն անդրադարձավ Ադրբեջանի կողմից մայիսի 18-ից 22-ն ընկած ժամանակահատվածում հարձակողական բնույթի օպերատիվ-մարտավարական լայնածավալ զորավարժությունների անցկացմանը, որն իրականացվել է միջազգային հանձնառությունների՝ Վիեննայի փաստաթղթի խախտմամբ: ՀՀ ԱԳ նախարարն ընդգծեց, որ այդօրինակ գործողությունները, որոնք խարխլում են տարածաշրջանային կայունությունը և լուրջ վնաս են հասցնում խաղաղ գործընթացին, պետք է պատշաճ կերպով դատապարտվեն։

Հայաստանի արտաքին քաղաքական գերատեսչության ղեկավարը նաև վերահաստատել է Հայաստանի և Արցախի նորընտիր իշխանությունների հանձնառությունը Լեռնային Ղարաբաղի հակամարտության բացառապես խաղաղ կարգավորմանը՝ ԵԱՀԿ Մինսկի խմբի համանախագահության շրջանակներում: «Մենք կտրականապես բացառում ենք ուժի կամ ուժի սպառնալիքի կիրառումը և շարունակում ենք խաղաղ գործընթացում մեր կառուցողական մասնակցությունը, որի ներուժը չի կարող լիարժեք իրացվել առանց Արցախի ժողովրդի մասնակցության և բոլոր կողմերի համարժեք փոխզիջման»:

Նախարար Մնացականյանն իր խոսքում նաև անդրադարձավ Մերձավոր Արևելքում ծավալվող իրադարձություններին՝ ընդգծելով կրոնական և ազգային փոքրամասնությունների պաշտպանության անհրաժեշտությունը:

ԱԳ նախարարների խորհրդի նիստի ավարտին ընդունվել են «Հայրենական մեծ պատերազմում հաղթանակի 75-րդ տարելիցի կապակցությամբ», «Covid-19 համավարակի հետ կապված համընդհանուր հրադադար հաստատելու ՄԱԿ գլխավոր քարտուղարի կոչին աջակցության մասին», «Կորոնավիրուսային վարակի դեմ պայքարում համերաշխության և փոխըմբռնման մասին» և «ՄԱԿ կանոնադրության նպատակներին և սկզբունքներին հավատարմության հաստատման մասին» համատեղ հայտարարությունները: