Ի՞նչ է փորձել լուծել «օրենքով գող» Արսեն Երեւանսկին. պաշտոնյաներ են խառնված - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

09/27/2022 13:01 156 գերի հայրենադարձվել է, կան մեծաթիվ գերիներ, որոնք դեռևս Ադրբեջանում են, շուրջ 80 անձ բռնի անհայտացման է ենթարկվել. Սիրանուշ Սահակյան 09/28/2022 20:35 Այս պահին կրակոցները շարունակվում են, զոհեր չունենք. Դավիթ Թորոսյան 09/28/2022 21:11 Թշնամու կողմն ունի տուժածներ 09/27/2022 17:42 SOS. Արայիկ Հարությունյանի և ադրբեջանցիների նոր դավադիր պլանը. Բորիս Մուրազի 09/28/2022 14:17 Դատավոր Բորիս Բախշիյանն արդարացվեց 09/27/2022 22:45 Հայտնաբերվել է ադրբեջանական ռազմական ագրեսիայի ժամանակ՝ սեպտեմբերի 14-ից անհայտ կորած համարվող շարքային Սամվել Անթալյանը. ՊՆ 09/27/2022 15:01 Ամենացավալին այն էր, որ 44 օր համառորեն պահած մեր դիրքից մեզ հանեցին. առանց կռվի դուրս եկանք, հրաման էր. ասացին, որ ամսի 9-ի փաստաթղթով դրանք էլ են հանձնվել. 44-օրյայի մասնակից նորակոչիկ 09/28/2022 22:11 Ադրբեջանական սադրանքի հետևանքով հայկական կողմն ունի 3 զոհ.ՊՆ 09/27/2022 19:02 Ալեքսանդր Ազարյանը Դատավորների միության նախագահն է. նա կշարունակի պաշտոնավարել 09/28/2022 19:56 Ադրբեջանցիները կրակ են բացել հայ-ադրբեջանական սահմանի արևելյան ուղղությամբ տեղակայված մարտական դիրքերի ուղղությամբ 09/28/2022 19:05 «Պետք է շարունակել ամենօրյա աշխատանքով հասարակության մեջ արթուն պահել պայքարի ոգին». Սերժ Սարգսյան 09/27/2022 16:52 Այսօր առավոտյան ԱԱԾ շենքի մոտ՝ սուր կտրող-ծակող գործիքով ինձ վրա հարձակում է գործել մի տղամարդ.փաստաբանն ահազանգում է՝ անպատժելիությունը հասել է ԱԱԾ շենքի մոտ 09/27/2022 17:14 Բերդում սկսվեցին կալանավորումները. Սևադա Ղուկասյան 09/28/2022 18:06 Արցախահայությունը պետք է ոտքի կանգնի և պահանջի իր ինքնորոշման իրավունքը. դա է Արցախը փրկելու այս պահին ունեցած մեր միակ հնարավորությունը. Դավիթ Գալստյան 09/27/2022 20:15 Մարդ, որ պատմության մեջ մնալու մոլուցքով տարված՝ պատրաստ է ոչնչացնել ամեն ինչ․ Արա Պողոսյան 09/28/2022 17:49 «Սուտ խոսելով ման եք գալիս». Խաղողագործները «խաբողի մեդալ» շնորհեցին Վահան Քերոբյանին 09/28/2022 12:21 Երեկ հայտնաբերված Սամվել Անթալյանը ձեռքից վիրավորվել էր, բայց վիճակը նորմալ է. հայրն արդեն տեսակցել է որդուն. Հայկ Անթալյան 09/28/2022 18:42 Փաշինյանը ժամանել է խորհրդարան. այս պահին ընթանում է Նիկոլ Փաշինյանի և ՔՊ-ական պատգամավորների փակ հանդիպումը 09/27/2022 18:05 Նույնիսկ Ալիևի կինը՝ Մեհրիբան էր խնդրում ամուսնուն, որ եթերներում այդքան դաժան չծաղրի իր կապիտուլյանտին. Ռուբեն Հակոբյանը՝ Լ.Տեր-Պետրոսյանին 09/28/2022 14:09 Եթե հումանիտար միջանցքն է Նիկոլ Փաշինյանի հեռանալու գինը, որը պետք է տալ, այո, պետք է տալ. Քոչարյան (տեսանյութ)

Ի՞նչ է փորձել լուծել «օրենքով գող» Արսեն Երեւանսկին. պաշտոնյաներ են խառնված 05/23/2020 10:11 | Մամուլ

«Ժողովուրդ» թերթը գրում է. «Երեկ ՀՀ ազգային անվտանգության ծառայությունը հաղորդագրություն է տարածել, որում հայտնել է քրեական ենթամշակույթ կրող խմբավորում ստեղծելու եւ ղեկավարելու հանցավոր սխեմաներ բացահայտելու մասին: «Քրեական ենթամշակույթին առնչվող արարքները քրեականացնող օրենքի կիրարկման շրջանակներում ՀՀ ազգային անվտանգության ծառայության եւ ՀՀ ոստիկանության կողմից իրականացվում են հետեւողական աշխատանքներ քրեական ենթամշակույթի դեմ անզիջում պայքարելու, այդ ենթամշակույթը կրող անձանց կամ խմբավորումների հնարավոր հակազդեցության փորձերը կանխարգելելու եւ չեզոքացնելու ուղղությամբ:

Արդյունքում, ստացված փաստական տվյալների հիման վրա՝ ՀՀ ազգային անվտանգության ծառայության քննչական դեպարտամենտում 2020թ. մարտի 13-ին ՀՀ քրեական օրենսգրքի համապատասխան հոդվածներով հարուցված քրեական գործով մեծածավալ քննչական եւ այլ դատավարական գործողությունների, ինչպես նաեւ դրանց զուգահեռ ՀՀ ԱԱԾ եւ ՀՀ ոստիկանության ուժերի կողմից ձեռնարկված համալիր օպերատիվ-հետախուզական արդյունավետ միջոցառումների շնորհիվ հնարավոր է եղել բացահայտել քրեական աստիճանակարգության բարձրագույն կարգավիճակ ունեցող անձանց կողմից քրեական ենթամշակույթ կրող խմբավորում ստեղծելու եւ ղեկավարելու, քրեական ենթամշակույթ կրող խմբավորմանը մասնակցելու կամ ներգրավելու, քրեական ենթամշակույթ կրող խմբավորման մասնակցին կամ քրեական աստիճանակարգության բարձրագույն կարգավիճակ ունեցող անձին դիմելու հանցավոր սխեմաներ:

Քրեական աստիճանակարգության բարձրագույն կարգավիճակ ունեցող անձի կողմից, քրեական ենթամշակույթ կրող խմբավորում ստեղծելու եւ ղեկավարելու հիմնավոր կասկածանքով, 2020թ. մայիսի 21-ին ՀՀ ԱԱԾ քննչական դեպարտամենտ է բերման ենթարկվել «օրենքով գող» Արսեն Երեւանսկի մականունով Արսեն Մկրտչյանը եւ քրեական աստիճանակարգության բարձրագույն կարգավիճակ ունեցող անձի կողմից քրեական ենթամշակույթ կրող խմբավորմանը մասնակցելու կամ դրա հետապնդած նպատակների իրականացմանը ներգրավված լինելու կամ քրեական ենթամշակույթ կրող խմբավորման հավաքներ կազմակերպելու կամ դրանց մասնակցելու կասկածանքով՝ «Բասար» մականունով Արմեն Մելքոնյանը:

Բացի այդ, քրեական ենթամշակույթ կրող խմբավորման մասնակցին կամ քրեական աստիճանակարգության բարձրագույն կարգավիճակ ունեցող անձին դիմելու, նրա անօրինական ազդեցությունն օգտագործելու միջոցով նյութական կամ ոչ նյութական օգուտ կամ այլ առավելություն ստանալու կամ իրական կամ ենթադրյալ իրավունքներն իրականացնելու, քրեական ենթամշակույթ կրող խմբավորմանը մասնակցելու կամ դրա հետապնդած նպատակների իրականացմանը ներգրավված լինելու կամ քրեական ենթամշակույթ կրող խմբավորման հավաքներ կազմակերպելու կամ դրանց մասնակցելու կասկածանքով բերման է ենթարկվել եւս 8 անձ:

Վերոնշյալ անձանց բնակարաններում եւ ավտոմեքենաներում կատարվել են ընդհանուր թվով 22 խուզարկություններ, որոնց արդյունքում հայտնաբերվել եւ առգրավվել են առանձնապես խոշոր չափերի գումարներ, թմրամիջոց, ինչպես նաեւ քրեական գործի համար նշանակություն ունեցող այլ առարկաներ: Նախաքննական մարմնի կողմից բերման ենթարկված անձանցից 7-ը ՀՀ քրեական դատավարության օրենսգրքով սահմանված հիմքերի առկայության պայմաններում ձերբակալվել են, իսկ 3-ի նկատմամբ խափանման միջոց է կիրառվել ստորագրությունը՝ երկրից չհեռանալու մասին:

Նկատենք, որ ԱԱԾ-ն չէր մանրամասնել, թե ինչի համար է Արսեն Երեւանսկի մականունով Արսեն Մկրտչյանը կոնկրետ քրեական ենթամշակույթ կրող խմբավորման հավաքներ կազմակերպել եւ այդ հավաքներով ինչի է փորձել հասնել:

Այսպիսով, Armlur.am-ին մանրամասներ են հայտնի դարձել այս դեպքից: Դեռեւս մեկ շաբաթ առաջ Armlur.am-ը գրել էր, որ Կապանում եւ Քաջարանում ոստիկանությունը խուզարկություններ է իրականացրել վերոնշյալ քաղաքների մոտ 15 բնակարաններում:

Մեր աղբյուրների փոխանցմամբ՝ խուզարկված բնակարանների թվում են քաղաքապետների եւ նրանց հարազատների բնակարանները: Մեր այս հրապարակումից հետո ՀՀ ոստիկանությունը հայտնեց, որ ՀՀ Սյունիքի մարզի դատախազության հանձնարարությամբ նախապատրաստված նյութերի հիման վրա պետական եւ համայնքային սեփականություն հանդիսացող անշարժ գույքի վարձակալության տրամադրման եւ այդ գույքի վարձակալների կողմից հեռահաղորդակցության օպերատորներին ենթավարձակալության տրամադրման գործընթացում կատարված չարաշահումների դեպքերով հարուցվել եւ մայիսի 12-ի դրությամբ ՀՀ քննչական կոմիտեի Սյունիքի մարզային քննչական վարչությունում քննվում է 20 քրեական գործ:

Դրանք վերաբերում են մասնավորապես մարզի Կապան համայնքին, Քաջարան համայնքի Լեռնաձոր բնակավայրին, Մեղրի համայնքի Ագարակ եւ Ալվանք բնակավայրերին, Տաթեւ համայնքի Հարժիս բնակավայրին, Սիսիան համայնքի Անգեղակոթ, Շաքի, Թանահատ, Արեւիս, Վաղատին, Աղիտու, Սոֆլու (Գ.Նժդեհ), Բնունիս, Ախլաթյան, Լոր եւ Դարբաս բնակավայրերին ու Գորայք համայնքի Գորայք բնակավայրի նախկին ու ներկայիս ղեկավարների (այդ թվում՝ ներկայիս վարչական ղեկավարների) կողմից պաշտոնեական լիազորությունները չարաշահելու առերեւույթ դեպքերին:

Այս դեպքերով հարուցվել էր քրեական գործ: Եվ, ահա, ըստ նախնական տեղեկությունների՝ այս քրեական գործի շրջանակներում կողմերի միջեւ տարաձայնություն է եղել եւ Արսեն Երեւանսկի մականունով Արսեն Մկրտչյանը փորձել է, ամենայն հավանականությամբ, նախկին ու ներկա ղեկավարների միջեւ առաջացած տարաձայնությունը հարթել, ինչն էլ Ազգային անվտանգության ծառայությունը համարել է քրեական ենթամշակույթ կրող խմբավորման կողմից հավաքներ կազմակերպելու դեպք»:

Հոդվածն ամբողջությամբ կարող եք կարդալ «Ժողովուրդ» թերթի՝ 23.05.20թ. համարում։

Աղբյուր` Փաստինֆո