Փաստ ինֆո

Այն, որ Նիկոլ Փաշինյանի հեռացման ամենահավանական տարբերակը պալատական հեղաշրջումն է, արդեն շատերն են դիտարկում: Այսինքն, ՔՊ կոչվող թղթե տնակը, ուր ,,իզմ,,-երից զուրկ Փաշինյանն իրար գլխի է հավաքել նույնքան անգաղափար և արտաքուստ նույնիսկ միմյանց չհանդուրժող մարդկանց, մի օր փլվելու էր: Բայց որ թղթե տնակի տերը՝ Փաշինյանն այսքան շուտ և այսքան շատ հիասթափվածների բանակ պիտի ունենար իր շուրջն ու հետևում, պարզապես փաստում է այն մասին, թե որքան քաղաքացիներ են իրենց խաբված զգում: Ընդ որում, ամենաահավորն այն է, որ պերմանենտ խաբված հայ հասարակությունը այս անգամ խաբվեց այն մեկից, որին թավշյա համախմբումի օրերին համարում էին իրենցից մեկը, իրենց հոգս ու ցավով ապրող առաջնորդը, որը գյուղական դժվար կյանք ունեցած ընտանիքից էր և հասկանում էր իրենց դարդ ու ցավը:

Մարդկանց զգալի մասի աչքերը բացվեց հատկապես կորոնավիրուսի համավարակից հետո, երբ զգացին ու հասկացան, որ Նիկոլ Փաշինյանի համար միևնույն է՝ բազմամարդ միտինգների ժամանակ մարդիկ կվարակվե՞ն, թե՞ չէ, իր համար կարևորը հանրաքվեն է, հանրաքվեում հաղթելը, թեկուզ՝ մարդկանց, կյանքի և առողջության գնով: Բնականաբար, սրանից հետո էր, որ սկսեցին առավել քննադատաբար վերաբերվել իրենց կուռքին, որն արդեն հասցրել էր բոլորովին այլ կյանքի վարժվել ու սիրել իր նոր՝ օլիգարխիկ ապրելակերպը:

Իսկ հատկապես վերջին շրջանում նրա և նրա մերձավորների անմիջական կապը զանազան կոռուպցիոն սկանդալների հետ, մարդկանց աչքերը մի տեսակ բաց արեցին:

Սորոսականները՝ Փաշինյանին ակնհայտ դեմ են դուրս գալիս

Ինչ-որ պահից սկսած հակակոռուպցիոն սորոսական կազմակերպությունները սկսեցին քննադատել Փաշինյանի և կառավարության քայլերը՝ ըստ ամենայնի կոռուպցիոն որոշակի դրսևորումների և հովանավորչության վկայությունները աչք էին զարնում: Վկա՝ Սորոսի հայաստանյան դեսպան Լարիսա Մինասյանի, Դանիել Իոնիսյանի, Սոնա Այվազյանի անդրադարձները: Այսօր էլ ահա «Թրանսփարենսի ինտերնեշնլ» հակակոռուպցիոն կենտրոնի ծրագրերի ղեկավար Վարուժան Հոկտանյանը անդրադառնալով հայկական ծխախոտի ոդիսականին, այն շատ հստակ Փաստինֆոյի հետ զրույցում որակեց որպես մաքսանենգություն, ավելին՝ կասկած հայտնելով իրավապահների օբյեկտիվ հետաքննության և նախաքննության հանդեպ:

Ըստ նրա՝,, հեղափոխությունը դեռ չի նշանակում, որ մինչեւ վերջ արմատախիլ է արվում ամեն ինչ, եթե ասվում է, որ հիմա համակարգային կոռուպցիա չկա, դա դեռ չի նշանակում, որ դրա նախապայմանները եւ արմատները վերացած են,,:

Ամեն դեպքում, սորոսականները դեռ կսպասեն՝ Հոկտանյանի ասած՝ օբյեկտիվ հետաքննություն լինելուն, որն, ըստ նրա պիտի պատժվի, անկախ դեմքերից, ինչն, ըստ էության հակակոռուպցիոն կենտրոնի ծրագրերի ղեկավարը համարում է նոր իշխանությունների գլխավոր տեստը, այն, թե՝ որքանո՞վ է Փաշինյանը պատրաստ պայքարել պայքարել կոռուպցիայի դեմ:
Բնականաբար՝ այս հարցերի պատասխանները շատ բան կարող են որոշել, այդ թվում՝ նաև պալատական հեղաշրջման սցենարի արագությունը:

Հեղինակ՝ Մարինե Մինասյան

Աղբյուր` Փաստինֆո