ԲՈԼՈՐ ՆՅՈՒԹԵՐԸ
«Իմ քայլում» լարված իրավիճակ է. «չիստկա» է սպասվում. հրապարակային պատիժ են նախապատրաստում. «Հրապարակ» 05/19/2020 09:39 | Մամուլ
«Հրապարակ» թերթը գրում է. «Իշխանության ներսում արշալույսները չեն խաղաղվում։ Ներթիմային «ռազբորկաները» լանզարոտյան կոնվենցիայի քվեարկությունից հետո նոր շունչ են ստացել։ «Իմ քայլը» խմբակցության քարտուղար Հակոբ Սիմիդյանը եւ Երեւանի քաղաքապետ Հայկ Մարությանի մտերիմ պատգամավորները համատեղ ջանքերով պահն ուզում են օգտագործել իշխանական մեկ այլ պատգամավորի՝ Վարդան Աթաբեկյանին մանդատից զրկելու համար։
Հիշեցնենք, օրեր առաջ մենք գրել էինք, որ Նիկոլ Փաշինյանի կամքով՝ մի խումբ պատգամավորներ հրաժեշտ են տալու իրենց մանդատներին, առաջին շարքերում Վարդան Աթաբեկյանն է, ով, սակայն, հայտարարել էր, որ ոչ մի պարագայում մանդատից չի հրաժարվելու։ Մի քանի օր է՝ տարբեր լրատվամիջոցներ գրում են, թե իշխանական ֆրակցիայի, այսպես կոչված, «անհնազանդ» պատգամավորների բանակը մեծանում է, եւ որպեսզի իշխանության դիրքերը չսասանվեն, շուտով անհնազանդներին կանգնեցնելու են ահեղ դատաստանի առջեւ։
Նիկոլ Փաշինյանը որոշել է չներել նրանց, ֆրակցիայում «չիստկա» է սպասվում։ Խմորումները մեծ լարվածություն են առաջացրել թիմում, հեռատես պատգամավորները մտահոգություններ ունեն, որ շուտով «սալյուտն» իշխանության ներսում են խփելու՝ խորհրդարանական ֆրակցիայում։
Այս պատմությունը խորը արմատներ ունի, շաբաթներ առաջ մենք անդրադարձել էինք դրան։ Գրել էինք, որ էրեբունցի պատգամավոր Աթաբեկյանը որոշել է ամիսներ առաջ պաշտպանել իր շիրակցի գործընկերոջ՝ Սոֆյա Հովսեփյանի թասիբը եւ քաղաքապետի խոսնակին կոշտ դիտողություն է արել ու դարձել նախ՝ Հայկ Մարությանի, ապա ողջ թիմի աչքի փուշը։ Պատգամավորը զանգել եւ Մարությանի խոսնակ Հակոբ Կարապետյանին հորդորել էր հեռացնել Հովսեփյանին հասցեագրած վիրավորական քոմենթը՝ «թող մանդատն ուտի», ապա նաեւ ներողություն խնդրի, բայց քաղաքապետի խոսնակը ոչ միայն «ինքնահռչակ» էր անվանել պատգամավորին, այլեւ զրույցի վրա տասն էլ դրել ու ներկայացրել Մարությանին, վերջինս էլ իր խոսնակին արված դիտողությունն անձնական վիրավորանք էր ընդունել, հարցը ներկայացրել վարչապետին՝ «կա՛մ ես, կա՛մ՝ Վարդանը» վերջնագրով։
Դրանից հետո Նիկոլ Փաշինյանը խմբակցության վերջին նիստերից մեկի ժամանակ բարձր տոնով սպառնացել էր՝ «անհնազանդները» տեղ չունեն խմբակցությունում, որ չի կարող լինել մի պատգամավոր, ով Երեւանի քաղաքապետին խորհուրդ կտա ինչ անել, ինչպես անել․․․
Աթաբեկյանն օրեր առաջ մեզ հետ զրույցում չհերքեց միջադեպի փաստը, միայն կցկտուր խոստովանեց, որ եղել է զրույց, բայց ինքը չի պատրաստվում մանդատը վայր դնել։ Բայց արի ու տես, որ թիմում ոմանք եւ հատկապես ֆրակցիայի քարտուղար Հակոբ Սիմիդյանն ամեն ինչ անում են դրան հասնելու համար։ Սիմիդյանը դեռեւս անցած տարի տեղի ունեցած ընդհարումից հետո չի ներել Աթաբեկյանին, ում հետ խորհրդարանի միջանցքում քաշքշել էին իրար, իսկ դրանից հետո ընդհանրապես չէին շփվում իրար հետ, եւ որոշել է նրան դուրս մղել պառլամենտից։
Նա, ըստ ներսից ստացվող տեղեկությունների, նստել է վարչապետի ականջին եւ համոզում է, որ «անհնազանդների» պատճառով ֆրակցիայում վտանգավոր իրավիճակ է ստեղծվել, ամեն պահի կարող է թիմը մասնատվել, ուստի հարկավոր է ինչ-որ մեկին հրապարակավ պատժել՝ ի ցույց մյուսների, որ խորհրդարանական մեծամասնությունը հաջողվի պահպանել։ Եվ քանի որ թե՛ Վարդան Աթաբեկյանը, թե՛ Սոֆյա Հովսեփյանը չմասնակցեցին Լանզարոտեի կոնվենցիայի քվեարկությանը, չնայած ներկա էին նիստին, սա նոր առիթ է դարձել նրանց հարցը քննարկելու եւ պատժելու համար։
Իհարկե, նրանք միակը չէին իշխող թիմում, Սասուն Միքայելյանն էլ էր եկել նիստին, բայց չքվեարկեց աղմկահարույց նախագծին։ Բայց Սասունի թեման այլ թեմա է՝ նրան Փաշինյանը ձեռք չի տա․ նրա ետեւում մեծ թիմ է կանգնած, ինչպես հրազդանցիների, այնպես էլ երկրապահների։ Մեզ չհաջողվեց զրուցել Աթաբեկյանի հետ, իսկ Սոֆյա Հովսեփյանը փոխանցեց, որ «իր հարցն» իսկապես մնում է չլուծված, բայց, միեւնույն է, ինքը չի պատրաստվում մանդատը վայր դնել։ «Լուծված չէ, քանի որ հրապարակային ներողություն մինչ օրս այդպես էլ չլսվեց խոսնակի կողմից։ Այո, տեղյակ եմ, որ Վարդանը զրուցել է խոսնակի հետ, բայցեւայնպես, չեմ ուզենա որեւէ գործընկեր, մարդ ներգրավվի այդ հարցում, չեմ ուզենա թեկուզ էմոցիոնալ առումով թիրախավորվեն»,- ասաց Հովսեփյանը։
Որ Վարդան Աթաբեկյանը հեռախոսային խոսակցություն է ունեցել քաղաքապետի խոսնակի հետ, այդ մասին Հովսեփյանն իմացել է ուշ, այն բանից հետո, երբ թեման վարչապետի կողմից լավ եփվել է խմբակցության վերջերս կայացած նիստերից մեկում։ Հովսեփյանը, սակայն, ծիծաղելի է որակում «անհնազանդ պատգամավոր» բնորոշումը, ինքը միշտ է ունեցել իր տեսակետները եւ հանդուրժող է եղել այլ տեսակետների նկատմամբ։
Եվ եթե կան մարդիկ, ովքեր նույնկերպ չեն վարվում, ապա դա չի նշանակում, որ դիմացինն անհնազանդ է․ «Որեւէ մեկն ինձ չի կարող պարտադրել իր տեսակետը, նույնն էլ՝ ես չեմ անում, բայց դա չի նշանակում, որ հրապարակային արտահայտած կարծիքի համար պիտի թիրախավորեն քեզ»։
Դիտարկմանը, որ թիմում կարծես չեն խրախուսում «կարծիք ունեցող եւ հայտնող» պատգամավորներին, դրա վկայությունն էլ քաղաքապետի խոսնակի աղմկահարույց գրառումն էր եւ դրա հետեւանքով առաջացած միջադեպին խմբակցության, վարչապետի վերաբերմունքը, պատգամավորն ուղիղ պատասխանից խուսափեց, ասաց, որ ինքը որեւէ մեկի մոտ իր հարցի վերաբերյալ քննարկում չի ունեցել, բայց կարծում է, որ նախեւառաջ քաղաքապետարանում պետք է «մտածեն» այդ հարցի շուրջ․ «Որովհետեւ բոլորովին մի քանի օր առաջ քաղաքապետարանի տեղեկատվության բաժնի աշխատակիցներից մեկն իմ հասցեին կրկին ոչ կոռեկտ գրառում կատարեց, իհարկե, ժամեր անց հեռացրեց, միգուցե ինչ-որ մեկը հորդորեց հեռացնել կամ սեփական նախաձեռնությամբ, բայց ես կրկնում եմ, որ այս ամենն ավարտված գործընթաց չէ, մենք ո՛չ քաղաքապետի պաշտպանությունն ենք լսել իր խոսնակի պահվածքին, ո՛չ էլ քննադատությունը, որ ես ասեմ՝ անտարբերություն է կամ ինչ-որ բան»։
Ինչ վերաբերում է մանդատը վայր դնելուն, ասաց, որ չեն կարող իրեն նման պահանջ ներկայացնել․ «Ես մի քանի անգամ խոսել եմ այդ մասին, հիմա էլ եմ ասում՝ չի կարող նման պահանջ լինել, ես խորհրդարանում եմ, որպեսզի իմ ընտրողի շահերը պաշտպանեմ»։
Հոդվածն ամբողջությամբ կարող եք կարդալ «Հրապարակ» թերթի՝ 19.05.20թ. համարում։
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/23/2024 08:20 Տավուշը պայքարում է, համայնքապետն ԱՄՆ-ում է․ «Հրապարակ»
- 04/23/2024 08:17 Ծիծեռնակաբերդ այցը պաշտոնական այցերի պրոտոկոլային մաս չէ․ ԱԳՆ-ն՝ Ղազախստանի նախագահի այցի մասին․ «Ժողովուրդ»
- 04/23/2024 08:14 Համերգն առանց տեղական «իշխանիկների»․ «Հրապարակ»
- 04/23/2024 08:11 Սահմանազատման երեք տարբերակ է քննարկվել․ «Հրապարակ»
- 04/23/2024 08:07 Իշխանությունը փորձում է պառակտել շարժումը ․ Յուրիկների պակաս չի զգացվում․«Հրապարակ»
- 04/23/2024 07:52 Ժողովրդավարությունը թիվ մեկ «բրենդ» հռչակած կառավարության ղեկավարը չի մեկնաբանել Սամվել Վարդանյանի հանդեպ կատարվածը․ «Ժողովուրդ»
- 04/23/2024 07:48 Գնել Սանոսյանը «գովերգում» է, իսկ իր տեղակալը համարում է միջազգային մեքենայությունների հեղինակ․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/24/2024 00:29 ՃՏՊ՝ Աբովյան-Նոր Հաճն ավտոճանապարհին. կա տուժած
- 04/23/2024 22:26 Հրդեհ՝ Սիլիկյան թաղամասում
- 04/23/2024 18:18 Ձերբակալվածների պահման վայրում հայտնաբերվել է տղամարդու կախված մարմին, ով ձերբակալվել էր կնոջ մորը ծանր վնասվածք պատճառելու համար
- 04/23/2024 14:49 Ավտովթար՝ Արագածոտնի մարզում. Ապարանում բախվել են Վանաձոր-Երևան «ГАЗель»-ը, «Volkswagen»-ն ու «Lada»-ն. կա 7 վիրավոր
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ