Փաստ ինֆո

ՀՀ առողջապահության նախարար Արսեն Թորոսյանը դատի է տվել «Պարացելսուս» ՀԿ հիմնադիր-նախագահ Նունե Ներսիսյանին։ Այս մասին տեղեկանում ենք Դատալեքս դատական տեղեկատվական համակարգից։ Նախարարի հայցադիմումը դատարան մուտք է եղել մայիսի 14-ին և նույն օրը մակագրվել է Երևանի ընդհանուր իրավասության դատարանի դատավոր Սարգիս Երիցյանին։ Թորոսյանը պահանջում է դատարանից պարտավորեցնել Նունե Ներսիսյանին հրապարակայնորեն հերքել զրպարտություն համարավող տեղեկատվությունը։ Նունե Ներսիսյանը ֆեյսբուքյան գրառմամբ արձագանքել է ներկայացված հայցադիմումին և հայտնել , որ դեռևս չի ծանուցվել, ու ավելացրել, որ պահանջը ներկայացնելուց մարդ պետք է իրական փաստեր ունենա և, որ ամբողջ լրատվությունը ողողված է իրարամերժ տեղեկություններով:

«Թորոսյանը հայտարարել է,որ կեղծ լուրեր տարածողների անունները կփոխանցի իրավապահներին:Հիմա այս խելոքը որոշել է,որ ես կեղծ լուրեր եմ տարածում»,- գրել է Ներսիսյանը՝ նշելով . «Բավականին շատ ինֆորմացիա կա Covid 19- ից մահացության բարձր տոկոսի մասին : Ճիշտ այդքան և մի բան էլ ավել ինֆորմացիա և պաշտոնական տվյալներ կան , որ տարեկան միջին մահացությունը չի աճել։
Իսկ հիմա մահերի մասին խոսենք :

Քանի դեռ մահացած մարդկանց դիակները չեն հերձում,ոչ մի պաթանատոմիական եզրակացություն չկա ,հետևաբար չեն կարող մահվան պատճառը նշել կորոնավիրուսը ,այդ դեպքում ,ինչ՞ի մասին է խոսքը :

Իսկ գումարների մասին բացարձակ դժվար չէ կռահել ,բավական է միայն նայել միայն ստացած պարգևավճարների քանակը և շատ այլ տվյալներ ,որոնք որպես ապացույց կներկայացնեմ ,արդեն իսկ պարզ է դառնում ամբողջ պատկերը :

Թորոսյան չկարծես այս քայլով լռեցնելու ես ինձ կամ ինձ նման հասկացող մարդկանց : Համարիր միֆերի ավարտի սկիզբը `start- ը տրված է :
Եվ մի բան էլ հիշեցնեմ ` Մինասյան Արայի դատն էլ հիշիր ,հաստատ այդ օրինակը պետք կգա »։

Աղբյուր` Փաստինֆո