Փաստ ինֆո

Ամռան 1-2 ամիսների ընթացքում ի մի կբերենք մեր ունեցած ամբողջ ծավալի տեղեկատվությունը ։ Ապրիլյան դեպքերին վերաբերող ոչ ոք այնքան տեղեկատվություն չունի, որքան գտնվում է ԱԺ-ի տարածքում։ Այս մասին այսօր լրագրողների հետ ճեպազրույցում ասաց Ապրիլյան քննիչ հանձնաժողովի նախագահ Անդրանիկ Քոչարյանը։

Նա նշեց, որ սեպտեմբերին արդեն հանրությանը կներկայացվի այն կարևոր տեղեկատվությունը, որը հուզում է բոլորին։

Հարցին, կա՞ն դրվագներ, որոնք հանձնաժողովը բացահայտել է, սակայն նախկին իշխանության ներկայացուցիչները խնդրել են, որ գաղտնի պահվեն, նա պատասխանեց. «Մեզ պետք չէ խնդրել, դա պարտադրում է «Պետական գաղտնիքի մասին» օրենքը։ Խնդրելս ո՞րն է։ Մենք ստացել ենք այնքան տեղեկատվություն, որը մեզ հնարավորություն է տալիս ունենալ ամբողջական վերլուծություն»։

Քոչարյանը նաև հայտնեց, որ հանձնաժողովի հաջորդ հյուրը Էդվարդ Նալբանդյանն է, նա կհյուրընկալվի կամ մայիսի 26-ին, կամ 27-ին։
«Ես մի քանի հարցեր ունեմ նաև Բակո Սահակյանին։ Հանձնաժողովը կգնա, թե Բակո Սահկայանը կհրավիրվի կախված է կորոնավիրուսից։ Հանձնաժողովը կաշկանդվածություն չունի։ Այս պահի դրությամբ կարևոր է գեներալ-գնդապետ Յուրի Խաչատուրովի մասնակցությւոնը հանձնաժողովի նիստին։ Նա ունի մինչև ամսի 4-ը ժամանակ»,-ասաց հանձնաժողովի նախագահը։

Մանրամասները՝ տեսանյութում։

Աղբյուր` Փաստինֆո