Փաստ ինֆո

Նոր Հայաստանի մասին հերթական 100 փաստերը թվարկելիս վարչապետ Փաշինյանը ներկայացրել է 2019թ ցուցանիշները, որոնք, նրա գնահատմամբ, արդյունավետ աշխատանքի մասին են վկայում: Մանսավորապես` Հայաստանի տնտեսության մեջ ամենաբարձր աճն արձանագրել է կացության և հանրային սննդի ծառայությունների ոլորտը՝ նախորդ տարվա համեմատ աճելով 27,2 տոկոսով:

Նրա խոսքով՝ ոլորտի աճին նպաստել է 2019թ-ին Հայաստան այցելած զբոսաշրջիկների թվի 14,7 տոկոս աճը, նախորդ տարվա ընթացքում զբոսաշրջությունն ավելացել է 41 տոկոսով:

Վարչապետի կարծիքով՝ այս փաստի արձանագրումը կարևոր է կառավարության կողմից դեռևս 20187թ-ին ընդունած ծրագրի համատեքստում: Նրա խոսքով՝ տնտեսության որոշակի առաջնահերթ ճյուղեր էին առանձնացրել, մասնավորաօպես՝ զբոսաշրջության ոլորտը և հիմա արձանագրում են, որ էական հաջողություններ են գրանցվել 2019թ-ին:

Վարչապետը, ներկայացնելով 29-րդ փաստը, նշեց, որ 2019թ ընթացքում Հայաստանում օտարերկրյա բանկային քարտերով կատարվել է 4,9 մլն գործարք, ինչը 2018թ համեմատ աճել է 100,2 տոկոսով կամ 2,5 մլն գործարքով: Նրա խոսքով՝ օտարերկրյա քարտերից 2019թ ստացվել է 178 մլրդ դրամի գործարք, ինչը 2017թ-ի նկատմամբ ավել է 44 տոկոսով կամ 54 մլրդ դրամով, իսկ 2018թ-ի համեմատ՝ 28 տոկոսով կամ 38 մլրդ դրամով:

Նրա կարծիքով՝ այս ցուցանիշը հետաքրքիր է նրանով, որ ցույց է տալիս, թե Հայաստանում օտարերկրյա ծագման քանի բանկային քարտ է օգտագործվել:

Ներկայացնելով 30-րդ փաստը, վարչապետը նշեց, որ Հայաստանից ապրանքների և ծառայությունների արտահանումը 2019թ արդյունքներով աճել է 10,3 տոկոսով: Նրա խոսքով՝ արտահանման էական աճ է արձանագրել կոնյակի՝ 26,4 տոկոսո, մրգային գինիների՝ 70,8 տոկոս, խաղողի գինու՝ 25,3 տոկոս և բուսական ծագման արտադրանքի՝ 14,3 տոկոս ապրանքախմբերը: Փաշինյանը տեղեկացրեց, որ աճել է նաև միջին տեխնոլոգիատար ապրանքների արտահանումը՝ 26,9 տոկոսով, իսկ բարձր տեխնոլոգիատար ապրանքներինը՝ 13,5 տոկոսով:

Աղբյուր` Փաստինֆո