Փաստ ինֆո

Գիտեք որ «Գազպրոմ Արմենիա» ընկերությունը հայտ է ներկայացրել Հանրային ծառայությունները կարգավորող հանձնաժողովին: Մեր քաղաքական խորհրդակցություններն այդ թեմայով շարունակվում են, այս պահին, ցավոք սրտի, որևէ կոնկրետ բան չեմ կարող ասել: Այս մասին մամուլի ասուլիսի ժամանակ ասաց ՀՀ վարչապետ Նիկոլ Փաշինյանը պատասխանելով հարցին, թե որ փուլում են գտնվում գազի գնի շուրջ բանակցությունները:

«Նավթի գների անկման և փլուզման պայմաններում մենք կարող էինք ակնկալել Հայաստանի ռազմավարական գործընկեր Ռուսաստանից, որ հիմա գազի գնի բարձրացման մասին խոսելը լավագույն ժամանակաշրջանը չէ: Մենք կշարունակենք աշխատել մեր գործընկերների հետ»,-ասաց վարչապետը:

Վերջինս անդրադարձավ նաև ռուսական կապիտալով ընկերությունների հետ կապված իրավական գործընթացին, նշելով, որ այդ թեման ամենայն մանրամասնությամբ և բաց քննարկել է ՌԴ իմ գործընկերոջ, ՌԴ նախագահի հետ և այդ թեմայով ձեռք են բերվել հստակ պայմանավորվածություններ. «Մնում է, որ իրականացնենք այդ պայմանավորվածությունները, որը հաշվի կառնի մեր երկրների հարաբերությունների շահերը»,-նշեց Նիկոլ Փաշինյանը:

Հարցին արդյոք հարթված են ռուսաստանյան գործընկերների հետ հարաբերություններում խութերը, վարչապետը նկատեց` ունենք հարուստ օրակարգ և այդ հարաբերությունների օրակարգի հարցերը լուծելով առաջ են գնում ու համոզված են, որ կշարունակեն առաջ գնալ. «Որն ինչ տարբերակով կլուծենք, մի հարցը կլուծվի հնարավոր ամենալավ տարբերակով, մի հարցը կլուծվի կոմպրոմիսային տարբերակով, այսինքն բոլոր դեպքերում էլ պետք է լինեն կոմպրոմիսներ և փոխըմբռնում»,-նշեց Նիկոլ Փաշինյանը:

Աղբյուր` Փաստինֆո