Փաստ ինֆո

2019թ-ին քննված քրեական գործերով, որոնց ճնշող մեծամասնությունը կոռուպցիոն բնույթի գործերն են, հանցագործությամբ պետությանը կամ համայնքներին պատճառված վնասը նախնական հաշվարկներով կազմել է շուրջ 105,7 մրդ դրամ, 2018թ-ի արձանագրված 85 մլրդ դրամի դիմաց: Այս մասին այսօր հրավիրված ասուլիսում ասաց ՀՀ վարչապետ Նիկոլ Փաշինյանը:

Նա նշեց, որ պատճառված վնասից վերականգնվել է 12,4 մլրդ դրամի վնասը. «2019թ-ին քննված քրեական գործերով պետությանը, համայնքների պատճառած նյութական վնասների վերականգնման նպատակով 10,2 մլրդ դրամի չափով արգելանք է դրվել մեղադրյալների կամ ամբաստանյալների հաշիվների, շարժական կամ անշարժ գույքի վրա, ինչը 2018թ-ի համեմատ ավելի է 45,7 տոկոսով»:

Փաշինյանն ասաց, որ 2018-2019թթ քննված քրեական գործերի շրջանակներում բացահայտված պետությանը կամ համայնքների պատճառված ընդհանուր վնասի չափը կազմել է 190,7 մլրդ դրամ , ինչն ավելի քան 5 անգամ գերազանցում է 2009-2017թթ հայտնաբերված վնասի չափը միասին վերցրած, որը կազմում է 36,5 մլրդ դրամ:

«Իսկ վերականգնված վնասը՝ 40,2 մլրդ դրամ, նախորդող 9 տարիների արդյունքում գերազանցում է 19 մլրդ դրամով, կամ շուրջ 90 տոկոսով: Իրականում այս կետն իրավապահ մարմինների ներկայացուցիչներն են ձևակերպել ու տվել են, որ ներառվի մեր այս 100 փաստի մեջ: Այս տեքստով նրանք մեզ բոլորիս ասում են, որ նախկինի համեմատ կրկնակի, եռակի անգամ ավելի ծանրաբեռնված ենք աշխատում, ինչի եք դժգոհում մեզնից: Բայց դժգոհությունը կա, սակայն պետք է խոստովանենք, որ իսպակես այս ցուցնիշներն ու քրեական գործերի հարուցման տեմբերը ցույց են տալիս, որ իրավապահ մարմինները կրկնակի են աշխատում»,-ասաց ՀՀ վարչապետը:

Աղբյուր` Փաստինֆո