Փաստ ինֆո

ՀՀ կառավարության այսօրվա նիստում անհամաձայնություն նկատվեց վարչապետ Նիկոլ Փաշինյանի ու փոխվարչապետ Տիգրան Ավինյանի միջեւ։ 

Տնկարանային տնտեսությունները զարգացնելու հարցի քննարկման ժամանակ Փաշինյանը բարձրացրեց տնկիների որակի հարցը։ «Ցավոք, այսօր կան բազմաթիվ դեպքեր, երբ քաղաքացիները տնկի են առնում, 4-5 տարի հետո պարզվում է, որ այդ տնկին չունի անհրաժեշտ որակը»,- նշեց վարչապետ Նիկոլ Փաշինյանը:

Ըստ նրա՝ այդ դեպքում գյուղատնտեսությունը դառնում է անարդյունավետ, որովհետեւ մարդը 4-5 տարի ժամանակ, փող է ծախսում, որի արդյունքում պարզվում է, որ տնկին այն որակը չունի, որ այդ բերքը տա: «Դրա համար նախ կստեղծենք տնկիների որակի սերտիֆիկացման համակարգ եւ երբ համոզվենք, որ մեխանիզմները կա, ծրագիրը կգործարկենք»,-ասաց նա:

Փոխվարչապետ Տիգրան Ավինյանը հետաքրքրվեց, թե արդյոք խոսքը նոր ավանդական այգիների ֆինանսավորման մասին է, ինչին վարչապետը դրական պատասխան տվեց՝ հավելելով, որ խոսքը ծիրանի, դեղձի եւ թզի մասին է. «Փորձը ցույց է տալիս ծիրանի, դեղձի եւ թզի դեպքում ինտենսիվ այգիների բերքը շուկայում մրցունակ չէ, չի կարողանում փոխարինել ավանդական ծիրանի այգիներին»:

Տիգրան Ավինյանը չհամաձայնեց վարչապետի հետ՝ նշելով՝ ինչու ֆինանսավորել ավանդական այգիները, որը բերք է տալու 4 տարի հետո, երբ ինտենսիվ այգիների բերքը կարող է լինել երկու տարի հետո, նաեւ ավելի խիտ են տնկվում ծառերը» «Այսինքն մենք ունենք նոր տեսակի մեքենաներ, բայց գնանք սկսենք ֆինանսավորել հին «Զապորոժեցները»:

Փաշինյանն արձագանքեց Եվրոպայում եւ Հայաստանում աճեցրած ծիրանների միջեւ որակական կիլոմետրերի տարբերություն։

Նշենք, որ այսօր տեղեկատվություն էր տարածվել Ավինյանի ու նրա գրասնյակի ղեկավար Վարագ Սիսեռյանի հրաժարականի մասին։ Մամուլի քարտուղարը հերքել է տեղեկատվությունը, սակայն politik.am-ը հայտնում է, որ հրաժարականի հարցը որոշված է, սակայն քննարկվում են ժամկետները, եւ որ Ավինյանն ինքն է որոշել հրաժարական տալ։

Աղբյուր` Փաստինֆո