Փաստ ինֆո

Մինչև տարեվերջ հնարավոր է Երևանում փոխվի 500 վերելակ։ Այս մասին Երևանի ավագանու այսօրվա նիստում ասել է քաղաքապետ Հայկ Մարությանը՝ նշելով, որ հայտարարել են 500 վերելակի մրցույթ, եթե հաղթող լինի, նախատեսում են մինչև տարվա վերջ ավարտել վերելակների փոփոխման աշխատանքները։

Նրա հրապարակած տվյալների համաձայն՝ 3000 վերելակ իսկապես վատ վիճակում են գտնվում, սակայն ընտրել են 500-ը, որոնք առավել վնասված են ու վտանգավոր են բնակչության համար։

Ավագանու անդամ Թեհմինա Վարդանյանն ասաց, որ մամուլում տարածվեց, ինքն էլ տեղեկություն ունի, որ մեր օրերում խոշոր գործարար դարձած Սամվել Ալեքսանյանին է խոստացված մրցութը, նա է շահելու, նույնիսկ գիտի, թե որտեղից են բերվելու այդ վերելակները՝ Թուրքիայից, խնդրեց հերքել կամ հաստատել այդ տեղեկատվությունը, Հայկ Մարությանը պատասխանց. «Եթե այդքան տեղյակ եք, կարծում եմ՝ դուք էլ այդ գործի մեջ խառն եք, ես տեղեկություն չունեմ ոչ մի տենդերի հետ կապված։ Հայտարարվում է տենդեր, գալիս, մասնակցում են, բաց ու թափանցիկ է։ Ով առաջարկի լավագույն պայմանները, նա էլ հաղթում է։

Ինձ չի հետաքրքրում, թե ով է, այլ հետաքրքրում է վերջնական արդյունքը»։

Թ. Վարդանյանն արձագանեց. «Լղոզման նուրբ արվեստին սովորել են»։

Աղբյուր` Փաստինֆո