Փաստ ինֆո

«Փաստինֆո»-ի խմբագրություն էր ահազանգել 60-ամյա կին: Վերջինս ապրում է վարձով, աշխատել է օրավարձով, սակայն կորոնավիրուսի համաճարակի պատճառով արդեն մեկ ամիս է, ինչ աշխատանք չունի, սակայն պետք է բնակարանի վարձը վճարի, ինչպես նաև հոգա ամենօրյա կարիքները:

Նա երկար տարիներ աշխատել է Հյուսիսային պողոտայի սրճարաններից մեկում: Սեպտեմբերին աշխատանքից դուրս է եկել և աշխատել օրավարձով. «Սրճարանում գրանցված աշխատող եմ եղել, բայց երբ դուրս եկա արդեն օրավարձով էի աշխատում էլի տարբեր սրճարաններում կամ տուն էի մաքրում: Կարողանում էի բնակարանի վարձը տալ, քչից շատից կարողանում էի ապահովել ինձ: Բայց հիմա այս վիճակն է և չեմ կարողանում բնակարանի վարձը տալ: Ճիշտ է ,այնպես չէ, որ տան տերն ինձ հանում է, բայց քանի որ մեկ ամիս չեմ աշխատել արդեն, պարտքեր եմ վերցրել և մտածում եմ ,եթե նույնիսկ աշխատեմ էլ հիմա, ինչ գումար պետք է ստանամ, որ կարողանամ պարտքերը մարել, երկու ամսվա բնակարանի վարձը տալ և միաժամանակ ապրել»,-ասաց 60-ամյա կինը:

Վերջինս վարձով է բնակվում Էջմիածնում: Բնակարանի վարձը կազմում է 30 հազար դրամ: Վստահեցնում է աշխատելուց չի վախենում և այս ամենից հետո կրկին աշխատելու է և ապրի, ինչպես նախկինում, սակայն պատքեր կուտակելու մտահոգություն ունի. «Ինձ պետք է ուղղակի մի քիչ օժանդակություն, որ պարտքերի մեջ չընկնեմ, աշխատեմ և նորից հունի մեջ ընկնեմ: Փառք Աստծո ձեռքով, ոտքով եմ կաշխատեմ: Միայն այս ընթացքն է, չեմ ուզում պարտքերի մեջ խրվել»,-հավելեց կինը:

Նշենք, որ ՀՀ կառավարությունը նախաձեռնել է մի շարք տնտեսական և սոցիալական աջակցության ծրագրեր, սակայն կինը դրանցից չի կարող օգտվել, քանի որ միայնակ է և մինչ արտակարգ դրությունն աշխատել է օրավարձով:

Աղբյուր` Փաստինֆո