Փաստ ինֆո

COVID-19 պանդեմիան համաշխարհային տնտեսության վրա ավելի մեծ ազդեցություն կունենա, քան ունեցել է 2007-2008 թվականների ֆինանսական ճգնաժամը, հայտարարել Է Արժույթի միջազգային հիմնադրամի (ԱՄՀ) կառավարող տնօրեն Կրիստալինա Գեորգիեւան: Նա հավելել է, որ իր ղեկավարած կազմակերպությունը պատրաստ է սեղանին դնել «ռազմական տրիլիոն դոլարը»՝ ԱՄՀ – ի հատուկ պահուստը, որը նախատեսված է պատերազմական ժամանակ օգտագործելու համար:

Գեորգիեւան, ելույթ ունենալով Առողջապահության համաշխարհային կազմակերպության կազմակերպած մամուլի ասուլիսում, COVID-19 պանդեմիան անվանել է աննախադեպ ճգնաժամ:

«Նախկինում երբեք ԱՄՀ – ի պատմության մեջ մենք համաշխարհային տնտեսության կանգ չենք նկատել», - ընդգծել է ԱՄՀ ղեկավարը: «Մենք մտել ենք հետընթացի մեջ», – հայտարարել է Գեորգիեւան:

ԱՄՀ-ի ողջ պատմության ընթացքում առաջին անգամ մենք ականատես ենք համաշխարհային տնտեսության կանգին

Ճիշտ այնպես, ինչպես մահացու հիվանդությունը սպանում է թուլացած մարդկանց, այդպես էլ տնտեսական ճգնաժամը ազդում է թուլացած տնտեսությունների վրա, ասել է Կրիստալինա Գեորգիեւան: «Մենք պահուստային ֆոնդում ունենք 1 տրիլիոն դոլար (930 միլիարդ եվրո), որը նախատեսված է պատերազմի  համար։ Եվ մենք վճռական ենք՝ դրանից օգտագործել այնքան, որքան անհրաժեշտ է տնտեսությունն այդ ճգնաժամի հարվածներից պաշտպանելու համար»։ ԱՄՀ ղեկավարն ասելէ, որ ավելի քան 90 պետություններ արդեն դիմել են հիմնադրամին՝ հրատապ օգնության համար։

Աղբյուր` Փաստինֆո