Փաստ ինֆո

Արարատում դաժան սպանության զոհ է դարձել 38-ամյա կինը, ում նախկին ամուսինը սպանել է իր իսկ տանը:

Դեպքը տեղի է ունեցել, 2019 թվականի մայիսի 17֊ին՝ վաղ առավոտյան, եւ օրերս քրեական գործը` մեղադրական եզրակացությամբ ուղարկվել է դատարան:

Նախնական քննության տվյալներով` 2019թ. մայիսի 16-ին՝ երեկոյան, 42-ամյա տղամարդը, որն ապրում էր Գյումրիում, իր նախկին կնոջը տեսակցելու նպատակով գնացել է Արարատ քաղաք: Կինը հյուրընկալել է նախկին ամուսնուն, միասին ալկոհոլ օգտագործել, ապա նաեւ փոխադարձ համաձայությամբ սեռական հարաբերություն ունեցել: Անկողնում զրուցելիս կինը նախկին ամուսնուն հայտնել է, որ ընկեր ունի: Տղամարդը նախ թերհավատությամբ է վերաբերվել նախկին կնոջ ասածին, իսկ երբ վերջինս ի հիմնավորումն զանգահարել է ընկերոջը և բարձրախոսով խոսել նրա հետ, բարկացել է ու ասել «խփելու եմ քեզ»:

Քրեական գործի տվյալներով` տղամարդը խոհանոցից վերցրել է դանակը և գնացել դեպի ննջարան: Տան նախամուտքի մոտ նախկին կինը դուրս է եկել ընդառաջ և փորձել վերջինիս ձեռքից վերցնել դանակը, որի ժամանակ էլ նախկին ամուսինը դանակահարել է` դանակով հարվածելով կնոջ կենսականորեն կարևոր օրգաններին՝կրծքավանդակի ձախ կեսին, սրտին:

Կնոջը տեղափոխել են հիվանդանոց, սակայն կյանքը փրկել չի հաջողվել. Պատճառված վնասվածքն եղել է անհամատեղելի կյանքի հետ:

«Փաստինֆո»-ի հաղորդմամբ` տղամարդուն մեղադրանք է առաջադրվել սպանության համար` ՀՀ քրեական օրենսգրքի 104-րդ հոդվածի առաջին մասով, նրա նկատմամբ որպես խափանման միջոց է ընտրվել կալանավորումը:

Աղբյուր` Փաստինֆո