Փաստ ինֆո

Կորոնավիրուսի տնտեսական հետևանքների չեզոքացման սոցիալական աջակցության ծրագրերը հինգն են: Այս մասին հրավիրված ասուլիսին ասաց ՀՀ աշխատանքի և սոցիալական հարցերի նախարար Զարուհի Բաթոյանը:

Նրա խոսքով՝ առաջին ծրագրի շահառուները կարող են դառնալ այն քաղաքացիները, ովքեր ունեն մինչև 14 տարեկան երեխա և աշխատանքից ազատվել են 20թ մարտի 13-25 ընկած ժամանակահատվածում, իսկ մյուս ծնողը մահացել է կամ անհետ կորած է: Նրա փոխանցմամբ՝ շահառու կարող են լինել այն քաղաքացիները, որոնք ունեն մինչև 14 տարեկան երեխա և ծնողներից միայն մեկն է եղել գրանցված աշխատող և ազատվել է աշխատանքից նշված ժամանակահատվածում, նույն տարիքի երեխա ունեցող միայնակ ծնողները, որոնք ազատվել են աշխատանքից նույն ժամանակահատվածում: Բաթոյանն ընդգծեց, որ ծրագրից կարող են օգտվել միայն գրանցված աշխատողները և գումարի չափը 100.000 ՀՀ դրամը՝ յուրաքանչյուր երեխաի չափով: Ծրագրեր նաև անձանց համար, ովքեր չունեն երեխաներ:

Անդրադառնալով՝ մասնավոր սեկտորում աշխատողներին, որոնք աշխատել են հունվարի 1-ից մինչև մարտի 13-ն ընկած ժամանակահատվածում, Բաթոյանը տեղեկացրեց, որ ըստ ծրագրի՝ աջակցությունը կազմում է նվազագույն աշխատավարձի չափով:

Բացի այդ՝ աջակցության ծրագրերից մեկով աջակցություն կարող են ստանալ նաև հղի կանայք, ովքեր չեն աշխատում և աջակցության չափը կազմում է 100.000 դրամ:

Աջակցություն կտրամադրվի նաև կորոնավիրուսից տուժած ոլորտներում գրանցված աշխատողներին, մասնավորապես՝ հյուրանոցների, վարսավիրանոցների և գեղեցկության , հանրային սննդի ծառայությունների, զբոսաշրջային ծառայությունների, մանրածախ առևտրի ծառայությունների աշխատակիցներին: Բաթոյանը նշեց, որ տուժած չեն համարվում այն մանրածախ առևտրի ծառայությունները, որտեղ վաճառվում է նաև սնունդ, ալկոհոլ, ծխախոտ և այլն: Անդրադառնալով՝ ծրագրով սահմանված չափին, Բաթոյանն ասաց, որ, եթե 2020թ. հունվար-փետրվար ամիսներին միջին ամսական աշխատավարձը գերազանցել է նվազագույն աշխատավարձը, ապա աջակցությունը կկազմի այդ ամիսներին նրա ստացած միջին ամսական աշխատավարձի 50 տոկոսի չափը, այդ գումարը չի կարող լինել նվազագույն աշխատավարձից պակաս և չի կարող լինել կրկնապատիկից ավելին:

Աջակցություն կտրամադրվի նաև այն երեխաներին, որոնց ծնողներից մեկը չի ունեցել գրանցված աշխատանք՝ մարտի 12-ի դրությամբ և չի ընդունվել մարտի 12-30-նն ընկած ժամանակահատվածում; Նրա խոսքով՝ շահառու է հանդիսանում այն ընտանիքը, որը մարտի 12-ի դրությամբ հաշվառված չի եղել ընտանիքների անապահովության գնահատման համակարգում կամ ընտանիքի անապահովության միավորը ցածր է 28-ից: Բաթոյանը նշեց, որ աջակցությունը կտրվի միանվագ՝ յուրաքանչյուր երեխայի համար 26.500 ՀՀ դրամ գումարի չափով:

Աղբյուր` Փաստինֆո