Փաստ ինֆո

Երեկվանից մայրաքաղաքում փակ են նաև ռեստորան-սրճարանները, որոնց մի զգալի հատվածը կշարունակեն աշխատել իրենց առաքումային ծառայությունների միջոցով: Ինչպես ասում են լավ է ուշ, քան՝ ավելի ուշ, թեպետ սրանք այն ծառայություններն էին, որ ավելի վաղ, արտակարգ դրություն հայտարարելու պահից պիտի փակվեին:

Արդեն իսկ «ՍԱՍ» սուպերմարկետի առաքման ծառայությունը կարծես առավել ակտիվ է, քանի որ մասնաճյուղերում հանգիստ վիճակ է և ախտահանման գործողությունները՝ շարունակ են իրականացվում: Ի դեպ, «Պարմա» սուպերմարկետների ցանցն էլ է սկսել նաև առաքումով է աշխատել, էլի մեկ-երկու օնլայն այդպիսի ծառայություններ կան, այսինքն, տնտեսվարողներն արդեն սկսել են վերանայել իրենց ծառայությունները՝ հարմարեցնելով դրանք համաճարակային և ճգնաժամային իրավիճակներին:

Եթե համեմատաբար փոքր սննդի օբյեկտներում առևտուրը բնականոն հունով է ընթանում, ապա նույնը չես ասի սուպեր և հիպերմարկետների մասին:
Հաճախորդների սպասարկման առումով լուրջ անելիք ունի Երևան սիթի սուպերմարտետային ցանցը, որի մասնաճյուղերը սովորաբար օրվա բոլոր ժամերին լեցուն են: Հատկապես կշռվող ապրանքների, դրամարկղերի մոտ մարդկային կուտակումները բոլորովին լավ հույսեր չեն ներշնչում, թե մենք լրջորեն պայքարում ենք կորոնավիրուս կոչվող համաճարակի դեմ: Բնականաբար, այստեղ գնումներ կատարողներից ո՛չ բոլորն են դիմակներ ու ձեռնոցներ կրում, դրան գումարած մարդկային անկառավարելի հոսքերը, հերթերը և խնդրեմ, մեկ վարակակիրն ահագին մարդկանց վարակման աղբյուր կարող է դառնալ:

Մի խոսքով, այստեղ մարդկային հոսքերի կառավարման լրջագույն խնդիր կա և եթե շատ արագ քաղաքականություն չփոխվի, վարակի օջախների ավելացումից արտակարգ իրավիճակը չի փրկի:

Իսկ ընդհանրապես, այս օրերին անհրաժեշտ գնումները ավելի հարմար հնարավորինս փոքր խանութներից կատարել:

Հեղինակ՝ Մ.Մինասյան

Աղբյուր` Փաստինֆո