Փաստ ինֆո

Հայաստանում մեկ շաբաթով կգործեն արտակարգ դրության նոր սահմանափակումներ, հազարավոր ձեռնարկությունների աշխատանքը կդադարեցվի, կթույլատրվի միայն կենսական արտադրությունների գործունեությունը, քաղաքացիները փողոց դուրս կան միայն հստակ բացատրություն տալով, թե ուր են գնում եւ իրենց հետ կունենան անձը հաստատող փաստաթուղթ ու կլրացնեն պարետատան կողմից սահմանված ձեւաթուղթը:

Քիչ առաջ հայտարարեց ՀՀ վարչապետ Նիկոլ Փաշինյանը՝ ուղերձով դիմելով ժողովրդին՝ խնդրելով բոլորին օգտվել օնլայն ծառայությնուններից:

Ներկայացնելով վերջին թարմացումը կորոնավիրուսով վարակվածության վերաբերյալ, Փաշինյանը հայտնեց. «Այսօր ժամը 18:30 դրութմամբ ունենք կորոնավիրուսի հաստաված 249 պացիենտ, որոնց մեծ մասը գտնվում է Նորք ինֆեկցիոն հիվանդանոցում, մյուսները՝ հանրապետության այլ բուժհաստատությյուններում»: Նա տեղեկացրեց, որ վիրուսակիրների մի մասն անգամ ջերմությյույն չունի եւ նրանց հիվանդանոցում գտնվելու հիմնական պատճառը՝ մյուսներին չվարակելն է:

Փաշինյանը տեղեկացրեց, որ 65 ից բարձր տարիքի 11 անձ ունենք, որոնք կորոնավիրուսով վարակված են, 70-ից բարձր 5 անձ: 30 հիվանդի մոտ թոքաբորբ է, որոնցից 5-ը ինտենսիվ թերապիայի բաժանմունքում են: 77 ամյա քաղաքացու վիճակը ծայրահեղ ծանր է, 4-ի վիճակը՝ ծանր: ըստ Փաշինյանի, ունենք 868 մեկուսացված քաղաքացի, 2419-ը ինքնամեկուսացված են: Խոսելով վարակի տարածման աշխարհագրությունից, նա ասաց, որ դեպքեր են գրանցվել Երեւանում, Արմավիրում, Արարատում, Արագածոտնում, Կոտայքում, Սյունիքում, Շիրակում, Լոռիում:

Նրա խոսքով, դեպքերի մեծ մասի ծագումնաբանությունը հայտնի է՝ Իրանից ժամանած քաղաքացիները, Էջմիածնի եւ Երեւանի արտադրամասի դեպքերը: ըստ նրա, կառավարությանը հաջողվեց կանգնեցնել Իրանի եւ էջմիածնի զարգացումները, բայց մարտի 23-ի ախտորոշումների վերլուծությունը ցույց է տալիս, որ հնարավոր է անվերահսկելի զարգացում է ունեցել արտադրամասի դեպքը, քանի որ նոր դեպքեր ենք ունեցել Երեւանի եւ Չարենցավանի արդատրամասերում:

Հիվանդանոցից դուրս է գրվել 4 քաղաքացի, մեկուսացումից դուրս է եկել 37 քաղաքացի:

Մանրամասները՝ տեսանյութում:

Աղբյուր` Փաստինֆո