ԲՈԼՈՐ ՆՅՈՒԹԵՐԸ
Վարչապետը նույնիսկ տեղյակ չէ, որ «Արմենիկում» ու ՁԻԱՀ-ի կենտրոններն իրար հետ կապ չունեն․ ՁԻԱՀ-ի կենտրոնի նախկին աշխատակիցները՝ վարչապետի հետ հանդիպման մասին 03/20/2020 19:25 | Հարցազրույց
«Փաստինֆո»-ն զրուցել է «ՁԻԱՀ-ի կանխարգելման հանրապետական կենտրոնի» նախկին աշխատակից Արշակ Ասմարյանի հետ, ով օրերս վարչապետ Նիկոլ Փաշինյանի շրջայցերից մեկի ժամանակ հանդիպել էր նրան ու զրուցել իրենց խնդրի մասին։ Նախկին աշխատակիցը տեղեկացրել էր վարչապետին, որ իրենք ակցիաներ են իրականացնում, քանի որ դեմ են իրենց կենտրոնի եւ «Նորք» ինֆեկցիոնին հիվանդանոցի միավորմանը ու նշել էր, որ ակնկալում են հանդիպում-քննարկում վարչապետի մասնակցությամբ։ Փաշինյանն այս առաջարկին արձագանքել էր դրական՝ նշելով, որ հանդիպումը տեղի կունենա, սակայն իր որոշումն անբեկանելի է։
-Ինչպես եք գնահատում վարչապետ Նիկոլ Փաշինյանի հետ զրույցը, որքանո՞վ էին Ձեզ համար գոհացուցիչ նրա պատասխանները։
-Ես պատահական վարչապետին հանդիպեցի ու շատ արագ կերպով փորձեցի տեղեկացնել, որ իրեն ինֆորմացիան հասցվում է միակողմանի։ Դա կուրորեն, միակողմանի, չվերլուծված, չուսումնասիրված, թերի գնահատված եզրակացություն է՝ և՛ մասնագիտական, և՛ ֆինանսատնտեսական առումով։ Այս համակարգն իրեն դրսևորել է որպես լավագույններից մեկը ոչ միայն Հայաստանում, այլև տարածաշրջանում։ Վարչապետը պետք է հասկանա, որ այս միավորման քայլն այդպես պարզ ու հասարակ բան չէ, ռիսկեր ու խնդիրներ կան։ Ըստ մեր կանխատեսման՝ ձախողումներ կարող են լինել ի դեմս սխալ ձիագնոզների, մահերի մեծացման, դեղերի ու թեստային համակարգերի հաշվարկման ու ստացման, մենք միշտ բարձր մակարդակի վրա դա արել ենք նրա շնորհիվ, որ համակարգն եղել է կենտրոնացված առանձին ղեկավարման տակ։ Ծառայություններ կան, որոնք Նորքի ինֆեկցիոնի գործառույթների մեջ չեն մտնում։
-Դուք նշում եք, որ աշխատանքն արվել է բարձր մակարդակով, սակայն վարչապետը Ձեզ հետ զրույցում ասաց, որ դեռ լրագրող եղած ժամանակ է Ձեր կենտրոնի մասին հոդվածներ գրել։
-Մենք որքան քչփորել, պեղել, հայթայթել ենք վարչապետի 10 տարի առաջվա նյութերը, ոչինչ չենք գտել, որը կվերաբերի մեր կենտրոնին։ Գտել ենք հոդվածներ, ելույթներ «Արմենիկում» կլինիկական կենտրոնի մասին, որը բացարձակ մեզ հետ կապ չունի։ Եթե կան նման հոդվածներ, մենք սպասում ենք, որ դրանք մեզ ուղարկեն։ Վարչապետը միակողմանի, թերի է տեղեկացված, ստացվում է, որ նա նույնիսկ տեղյակ չէ, որ այս երկու կենտրոններն իրար հետ կապ չունեն, մենք ուրիշ հիմնարկ ենք։
-Բազմիցս նշել եք, որ Ձեր խնդրի վերաբերյալ հավուր պատշաճի վարչապետին տեղեկատվություն չի հասնում, նախարարը շեշտադրումը դնում է տնօրենի խնդրի վրա։ Ըստ Ձեզ, ո՞րն է պատճառը, ինչու՞ Թորոսյանը չպետք է ամբողջական տեղեկատվություն տրամադրեր վարչապետին։
-Այո, նախարարն ասում է, որ տնօրենին ենք ուզում, բոյկոտում ենք նրան հետ բերելու համար։ Նաև ասում է, որ հրաժարվում ենք համագործակցել այլ բուժհիմնարկների հետ, սա բացարձակ սուտ է։ Մի շարք ինտեգրացիոն պրոցեսներ կան, որոնց շնորհիվ համակարգն աշխատում է և դա հակառակ բանի մասին է խոսում, և սա չուսումնասիրված, ուղղորդված տեղեկություն է։ Թորոսյանն ԱԺ-ում ասաց, որ թույլ չենք տալիս մեր ապարատներով այլ հիվանդներ հետազոտվեն, սակայն սա աբսուրդի գագաթնակետն է, մենք միշտ ասել ենք, որ եթե նման բան եք որոշել, մեզ հետաքրքիր է՝ ինչպես եք դա անելու, միասին խորհրդակցենք, հասկանանք։ Նա լրիվ խեղաթյուրված արտահայտություններ է անում։ Իսկ թե ինչ-որ շահագրգռվածություն ունի՝ չգիտեմ։ Եթե իրենք տնօրենի, ղեկավարման խնդիր են ունեցել, համարել են ինչ-որ բան լավ չի կատարվում, ուզել են վերահասկանալ պրոցեսը, ապա, խնդրեմ, տնօրենին հանելն իրենց համար խնդիր չէ։ Այս ինտեգրացիան ինչի՞ համար է այն դեպքում, երբ ասում են ոչինչ չի փոխվելու։ Հիշու՞մ եք, վարչապետն ասում էր «բյուջեն ուտող» ՊՈԱԿ-ները և այլն պետք է վերացնել, վարչական ապարատի քանակը պակասեցնել, ախր, այսպիսով, վարչական ապարատի քանակն էլ չի պակասում։ Եթե լինելու է մեկը, ով պատասխանատվություն է կրելու ՄԻԱՎ-ի, ՁԻԱՀ-ի համար, այնտեղ միայն մեկ փոխտնօրենն ու հաշվապահն են կրճատվում։ Ես այս ամենի տրամաբանությունը չեմ հասկանում։
-Վարչապետն ասաց, որ հանդիպումը կլինի, սակայն այս որոշումը վերջնական է, բեկանման ենթակա չէ։ Այս պայմաններում նպատակահարմար համարու՞մ եք այս հանդիպումը։
-Մենք միանշանակ հանդիպմանը կգնանք, արձագանքի ենք սպասում։ Հենց նույն օրը բաց նամակով էլ գրել եմ, որ ակնկալում ենք հանդիպում։ Վարչապետն ասաց․ «Ամեն մանր մասնագիտական հարցի մասին վարչապետը հո չի իմանալու», այստեղ մանր մասնագիտական հարցի մասին չէ խոսքը, այլ գլոբալ ապատեղեկատվության։ Քանի որ մենք անլսելի ու արհամարհված ենք լիազոր մարմնի կողմից՝ ի դեմս նախարարության։Ուզում ենք ինչ-որ պահի ոչ թե բեկանել որոշումը, այլ կասեցնել այդ միավորման իրականացումն ու քննարկենք, եթե քննարկման ընթացքում որոշվի, որ կենտրոնները պետք է միացվի՝ խնդրեմ, թող միացնեն, սակայն ուզում ենք քաղաքակիրթ երկխոսության ձևով հասցնել մեր մտահոգություններն ու մտավախությունները։ Հիմա չգիտենք, երբ կհանդիպենք, իր խոստումն ինչ ժամկետ ունի։ Մենք ամեն դեպքում յուրաքանչյուր ֆորմատով, յուրաքանչյուր ժամի պատրաստ ենք գնալ քննարկման։ Մեր տրամաբանության մեջ չի մտնում՝ ինչպես կարելի է մեկ ստորագրությամբ լուծել առողջապահական համակարգին վերաբերող հարցեր, առողջապահությունը ստրատեգիկ ուղղություններից է պետության, որին պետք է նրբանկատ ու հավասարակշռված վերաբերվել։ Նույնիսկ այս փակուղային իրավիճակում պատրաստ ենք յուրաքանչյուր մարմնի հետ կոնստրուկտիվ երկխոսության, մասնագիտական քննարկման գնալ ու իսկապես ուզում ենք լսել լիազոր մարմնի պատկերացումները։ Նախարարն ասաց, որ իրենց պատրաստ են հանդիպման ու քննարկման, եթե հակառակ կողմը չի խոսում ուլտիմատումի լեզվով։ Մենք այդ կերպ երբեք չենք խոսել , եթե ինքը համարում է, որ մեր դիմումներ գրելն է ուլտիմատում եղել, ապա չարաչար սխալվում է, դա մեր ձայնը լսելի դարձելու վերջին մեթոդն էր։ Մենք ուզում ենք համակարգը փրկելու համար այդ որոշումը ժամանակավոր կասեցվի ու քննարկում լինի։ Բացի այդ, կորոնավիրուսի հետ կապված այսօրվա իրավիճակը բացահայտ այն օրինակներից է, որն առնչվում է այս հարցին։ Ամբողջ առողջապահական համակարգը՝ մասնավորապես Նորքի ինֆեկցիոն հիվանդանոցը, ոտքով-գլխով ներգրավված է կորոնավիրուսի դեմ պայքարում։ ՁԻԱՀ-ի ոլորտը, եթե այդ համակարգի մասնիկ լինի ու եթե հանկարծ ինչ-որ այլ ինֆեկցիոն հարվածներ լինեն, կնշանակի որ մի շարք պրոցեսներ երկրորդ պլան կգնան ու մեծ ռիսկեր կառաջանան, ՄԻԱՎ-ով պացիենտներն իրենց ցածր իմունիտետով ռիսկի տակ կընկնեն նման իրավիճակներում։
Հեղինակ՝ Սոնա Գեւորգյան
Հարակից հրապարակումներ`
Տեսանյութեր
02/29/2024 15:35 Ադրբեջանցի զինված դիվերսանտը ներխուժել է ՀՀ տարածք ու ձերբակալվելՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/28/2024 08:25 ՔՊ-ականներն այլևս առաջվանը չեն․ «Հրապարակ»
- 03/28/2024 08:22 Փաշինյանը զարմացել է, որ ժողովուրդն այսքան տարի իրենց հանդուրժում է․«Հրապարակ»
- 03/28/2024 08:17 Ցելոֆանե տոպրակները չհանվեցին, այլ թանկացան. Նիկոլ Փաշինյանը խաբել է. մաս 190. «Ժողովուրդ»
- 03/28/2024 08:14 Իշխանությունների՝ ամեն ինչ օպտիմալացնելու սևեռումը հասել է Դիլիջան․«Հրապարակ»
- 03/28/2024 08:11 Որքան է Հ1-ը վճարել Հրաչուհի Ութմազյանին ու Համլետ Առաքելյանին՝ «Օսկար» մրցանակաբաշխությունը մեկնաբանելու համար․ «Հրապարակ»
- 03/28/2024 08:06 Գեներալները չկան, Փաշինյանը որոշել է հանձնել Տավուշի բնակավայրերը․«Հրապարակ»
- 03/28/2024 07:41 Քաոս Կոռուպցիայի կանխարգելման հանձնաժողովում․ աշխատակիցները հերթով ազատվում են, իսկ իշխանությունը չի գտնում իր «սրտի» ԿԿՀ նախագահին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
Արտակարգ պատահարներ
- 03/28/2024 23:59 «ՎԱԶ-21214»-ի 31-ամյա վարորդը մահացել է
- 03/28/2024 21:03 Վիճաբանություն և ծեծկռտուք Երևանում.վիճաբանության մասնակիցների մեծ մասը անչափահասներ են․ կա վիրավոր
- 03/28/2024 20:29 Թումանյան փողոցում ծառի ճյուղը թեքվել և ընկել է էլեկտրական լարերի վրա, առկա է ընկնելու վտանգ
- 03/28/2024 12:23 Երևանում «Toyota»-ի վարորդը, լինելով ամենաբարձր աստիճանի խմած, դարձել է շղթայական ավտոմեքենաների ջարդի հեղինակ. 12-ամյա երեխան ու նրա մայրը տեղափոխվել են հիվանդանոց
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել