ԲՈԼՈՐ ՆՅՈՒԹԵՐԸ
«Մենք պետք է գտնենք նոր հնարավորություններ, որոնք էականորեն կփոխեն Հայաստանի տնտեսական վիճակը և տնտեսական տեղադիրքը աշխարհում». վարչապետի մոտ քննարկվել են տնտեսական հակաճգնաժամային միջոցառումները 03/20/2020 23:10 | ԼՐԱՀՈՍ
Վարչապետ Նիկոլ Փաշինյանի մոտ կառավարությունում այսօր տեղի է ունեցել խորհրդակցություն, որի ընթացքում քննարկվել են կորոնավիրուսի համաճարակով պայմանավորված տնտեսական հակաճգնաժամային միջոցառումները:
Վարչապետը նշել է, որ կառավարությունն ամենօրյա ռեժիմով աշխատում է այս ձևաչափով, որը պայմանականորեն անվանվում է տնտեսական հակաճգնաժամային գործողությունների օպերատիվ շտաբ կամ պարետատուն: Նիկոլ Փաշինյանի արձանագրմամբ՝ արդեն կան կոնկրետ արդյունքներ, որովհետև արդեն իսկ կոնկրետ առաջարկություններ են մշակվել, որոնց վերաբերյալ շատ արագ հանրային քննարկումներ տեղի կունենան, և կկայացվեն որոշումներ:
«Մեր աշխատանքը հիմնականում 3 ուղղություն է ունենալու՝ տնտեսական հրատապ գործողություններ, սոցիալական բնույթի հրատապ գործողություններ և տնտեսական բնույթի ռազմավարական միջոցառումներ: Մենք, ըստ էության, ինչպես ասվել է, կոնկրետացրել ենք մեր պատկերացումներն այդ գործողությունների վերաբերյալ, և հիմա ավելի վստահ եմ, որ քաղաքական այն խնդիրը, որ հռչակել ենք դեռևս ճգնաժամի մեկնարկային փուլում, այն է՝ մենք պետք է այս իրավիճակի մեջ փնտրենք և գտնենք նոր հնարավորություններ, որոնք էականորեն կփոխեն Հայաստանի տնտեսական վիճակը և Հայաստանի տնտեսական տեղադիրքը աշխարհում, մենք կկարողանանք այդ խնդիրները լուծել և այդ նպատակներին հասնել: Մանավանդ, ի հեճուկս համաշխարհային ճգնաժամի՝ Հայաստանը շարունակում է բարելավել իր տնտեսական իմիջը միջազգային և համաշխարհային տնտեսական ռեյտինգներում, և կարծում եմ, որ առնվազն մինչև այս պահը նաև կորոնավիրուսի դեմ պայքարի համատեքստում Հայաստանը շարունակում է բարելավել իր պոզիտիվ իմիջն աշխարհում: Կարծում եմ, որ սրանք ամենևին էլ երկրորդական նշանակություն չունեն՝ մեր հետագա պլանները ոչ միայն կազմելու, այլև իրագործելու իմաստով, և այս փուլում մեր խնդիրը պետք է լինի ոչ միայն մեր տնտեսվարողներին աջակցելը, մեր տնտեսության մրցունակությունն ավելացնելը, այլև պետք է շատերին տեսանելի լինի աշխարհում, որ ետճգնաժամային ժամանակներում Հայաստանը տնտեսական գործունեություն վարելու համար լավագույն տեղերից մեկն է աշխարհում: Սա, իհարկե, մեզնից լուրջ ջանք և լուրջ աշխատանք է պահանջելու, և ես համոզված եմ, որ այդ աշխատանքը մենք ի վիճակի կլինենք անել», - նկատել է կառավարության ղեկավարը:
Վարչապետը նշել է, որ նաև քննարկման այս ձևաչափի որոշակի բյուրեղացման գործընթաց է լինելու, և կառավարությունը բաց է լինելու նաև առաջարկների, գաղափարների համար. «Պետք է հաղորդակցություն ունենանք նաև քաղաքական այն ուժերի, քաղաքացիական հանրության այն շրջանակների և տնտեսվարող այն շրջանակների հետո, որոնք մեզ հետ կիսելու գաղափարներ կունենան։ Իհարկե, այդ ամենը պետք է լինի համակարգված, որպեսզի աշխատանքը ոչ թե բարդացնենք, այլ դարձնենք առավել արդյունավետ: Մանավանդ հանրային քննարկումների փուլ ենք մտնում, և պարոն Գրիգորյան, ինչպես այսօր առավոտյան պայմանավորվել ենք, պետք է արդեն իսկ մտածել նաև այն մասին, որ այդ քննարկումներում շատ ուշադիր լինենք, որպեսզի բոլոր այն օգտակար գաղափարները կամ բոլոր գաղափարները, որոնք կարող են մեզ օգնել առավել արդյունավետ որոշումներ կայացնել, ի գիտություն ընդունենք և համոզվենք, որ տեղյակ ենք, հասու ենք այդ գաղափարներին. որոշակի առաջարկներ ունեցող մարդիկ, գործընկերները, քաղաքական ուժերը, տնտեսվարողները պետք է վստահ լինեն, որ իրենք լսելի են կառավարության համար»։
Նիկոլ Փաշինյանը շեշտել է՝ կառավարությունն արդեն շատ հստակ իր ռազմավարությունն ընդգծել է, և պետք է պարզ լինի, որ այդ ռազմավարությունից չի շեղվելու այնքան ժամանակ, քանի դեռ հստակ ապացույցներ չկան, որ դա սխալ ռազմավարություն է: «Համոզված եմ, որ այդպիսի ապացույցներ չեն լինի, իսկ էությունը հետևյալն է. մենք ոչ թե ճգնաժամի արդյունքում պետք է խեղճանանք և ուրիշներին աջակցենք խեղճանալու պրոցեսների մեջ, այլ պետք է ճգնաժամի ընթացքում ուժեղանանք և աջակցենք բոլոր նրանց, ովքեր ուզում են ուժեղանալ, ովքեր հավատում են ուժեղանալու մեր՝ համընդհանուր և նաև իրենց անհատական հնարավորություններին և, իհարկե, այս ռազմավարությունը պետք է շարունակենք։
Կրկնում եմ՝ հատկապես տնտեսական ոլորտում մենք պետք է մրցունակության բարձրացումը, արդյունավետության բարձրացումը, նորարարության ներմուծումը և նոր աշխարհի ձևակերպմանը մասնակից լինելու հավակնությունները համարենք առաջնային՝ իհարկե, ունենալով նաև սոցիալական աջակցության հրատապ գործողությունների ծրագիր։ Երեկ մենք քննարկել ենք և դրա վերաբերյալ արդեն ունեցել ենք որոշումներ։ Այսօր ես նաև հանդիպում եմ ունեցել այս կապակցությամբ Աշխատանքի և սոցիալական հարցերի նախարարի հետ: Մենք հստակ ուղենշել ենք այս առումով մեր անելիքը, և այստեղ էլ մեր հիմնական խնդիրն այն է, որ սոցիալական աջակցության ռեսուրսները լինեն հասցեական և հասնեն այն մարդկանց, ովքեր օբյեկտիվորեն ունեն դրա կարիքը և որևէ կերպ չհասնեն այն մարդկանց, ովքեր օբյեկտիվորեն դրա կարիքը չունեն։
Այսօր մենք պետք է քննարկենք գյուղատնտեսության ոլորտում մեր անելիքները, և այդ անելիքների վերաբերյալ արդեն նախնական պատկերացումներ կան: Այսօր այդ պատկերացումները կճշգրտենք և բովանդակությունը որոշակի տեսքի հասցնելուց հետո, արագ հանրային քննարկման փուլով անցկացնելուց հետո արդեն կփորձենք արձանագրել որպես կառավարության որոշումներ», - ընդգծել է երկրի վարչապետը:
Պետական եկամուտների կոմիտեի նախագահ Դավիթ Անանյանը որոշակի ցուցանիշներ է ներկայացրել առանձին ոլորտներում շրջանառության ծավալների վրա կորոնավիրուսի համաճարակով պայմանավորված տնտեսական ազդեցության, հարկային վճարումների և եկամուտների, ապրանքաշրջանառության ծավալների վերաբերյալ: Եվս մեկ անգամ անդրադառնալով հարկային արձակուրդի գաղափարին՝ վարչապետը նշել է, որ կառավարությունը հարկային արձակուրդ չի տրամադրելու. մարդիկ պետք է պատրաստ լինեն իրենց հարկերը վճարել, և հաշվի առնելով ճգնաժամային իրավիճակը՝ կառավարությունը ևս միջոցներ է ներդնելու՝ քաղաքացու հետ մասնակցելով հարկերի վճարմանը:
Խորհրդակցությանը քննարկվել է գյուղատնտեսության ոլորտի հակաճգնաժամային միջոցառումների փաթեթը: Անդրադարձ է եղել, մասնավորապես, ֆերմերներին, գյուղացիական տնտեսություններին և գյուղատնտեսական կոոպերատիվներին հնարավոր օժանդակության մեխանիզմներին և գործիքակազմին: Արծարծվել են գյուղատնտեսական միկրովարկավորման՝ որպես հակաճգնաժամային աջակցության արդյունավետ գործիքի կիրարկմանը վերաբերող հարցեր, ներկայացվել են մի շարք առաջարկություններ:
Նիկոլ Փաշինյանը նշել է, որ գյուղատնտեսական հակաճգնաժամային միջոցառումների փաթեթը միտված է լինելու և՛ ոլորտին աջակցություն ցուցաբերելուն, և՛ ընդհանուր առմամբ երկրի տնտեսական զարգացմանը: Վարչապետը հանձնարարել է փոխվարչապետ Մհեր Գրիգորյանին՝ գույքագրել բոլոր առաջարկությունները, լրամշակել միջոցառումների փաթեթը և հաջորդ շաբաթվա սկզբին ներկայացնել վերջնական քննարկման:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/23/2024 08:20 Տավուշը պայքարում է, համայնքապետն ԱՄՆ-ում է․ «Հրապարակ»
- 04/23/2024 08:17 Ծիծեռնակաբերդ այցը պաշտոնական այցերի պրոտոկոլային մաս չէ․ ԱԳՆ-ն՝ Ղազախստանի նախագահի այցի մասին․ «Ժողովուրդ»
- 04/23/2024 08:14 Համերգն առանց տեղական «իշխանիկների»․ «Հրապարակ»
- 04/23/2024 08:11 Սահմանազատման երեք տարբերակ է քննարկվել․ «Հրապարակ»
- 04/23/2024 08:07 Իշխանությունը փորձում է պառակտել շարժումը ․ Յուրիկների պակաս չի զգացվում․«Հրապարակ»
- 04/23/2024 07:52 Ժողովրդավարությունը թիվ մեկ «բրենդ» հռչակած կառավարության ղեկավարը չի մեկնաբանել Սամվել Վարդանյանի հանդեպ կատարվածը․ «Ժողովուրդ»
- 04/23/2024 07:48 Գնել Սանոսյանը «գովերգում» է, իսկ իր տեղակալը համարում է միջազգային մեքենայությունների հեղինակ․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/23/2024 10:46 Օշական գյուղում ավտոմեքենան բախվել է տներից մեկի դարպասին. կա վիրավոր
- 04/23/2024 10:41 Հրդեհ Հրազդանի կիրճում. այրվել է 2 վագոն-տնակ
- 04/23/2024 00:34 Չարենցավանում անչափահասների միջև տեղի ունեցած վիճաբանությունը վերածվել է ծեծկռտուքի. կա վիրավոր
- 04/22/2024 23:30 Նուբարաշեն 11-րդ փողոցի երկու տներում հրդեհ է բռնկվել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ