Փաստ ինֆո

Այս իշխանությունը, չկարողանալով իրականում որևէ դրական փոփոխություն մտցնել մարդկանց կյանքում, դիմում է հեղափոխական մեթոդի։ Այս մասին ասուլիսին ասել է «Հայաստան» համահայկական հիմնադրամի նախկին տնօրեն Արա Վարդանյանը։

«Այստեղ հեղափոխական մեթոդը ոչ թե ժողովրդին փողոց հանելն է, այլ՝ ժողովրդին ինչ-որ կրիզիսական վիճակում պահելն է, սպանություններից խոսելն է, թավիշից խոսելն է, ատելության քարոզն է, որը վարչապետի գլխավորությամբ իրականացվում է հենց առաջին օրվանից »,- ասաց Վարդանյանը՝ ընդգծելով, որ որևէ ձև չկա, որ հանրաքվեում «Այո»-ն հաղթի։

«Կասկած չունեմ, որ այս հանրաքվեում լինելու է, բառիս բուն իմաստով, սարքոցի։ Ես չգիտեմ, թե ոնց են այդ ձայներն իրենք ապահովելու, բայց ինչ- որ մեխանիզմ երևի թե արդեն հնարել են»,- ասաց Վարդանյանը՝ նշելով, որ կասկածում է, որ հանրաքվե կարող է նաև չլինել։

Նրա խոսքով՝իշխանությունը կրկին դիմում է նույն մեթոդներին, որով բռնազավթել է իշխանությունը և այս անգամ էլ ժողովրդին փորձում են էլ ավելի զայրացնել՝ տարբեր փաստեր շահարկելով, որոնք իրականության հետ որևէ աղերս չունեն։

«Պետք է հասկանանք մի պարզ բան։ Ժողովրդին ձեռք են առնում։ Ուղղակի ձեռք են առնում։ Սա պարզ իրողություն է»,- նշեց Վարդանյանը։

Մանրամասները՝ տեսանյութում

Աղբյուր` Փաստինֆո